ۇكىمەت, "اتامەكەن" ۇكپ تاراپىنان دا كاسىپكەرلەردى قولداۋ بويىنشا كوپتەگەن شارالار قولعا الىندى. مىسالى, سالىق سالۋ سالاسىندا بىرقاتار جەڭىلدىك جاسالدى.
شاعىن جانە ورتا بيزنەس ماۋسىم ايىنا دەيىن سالىقتان بوساتىلدى, ال جالاقى تولەمىنەن سالىق تولەۋ بويىنشا قيىندىقتار كورىپ وتىرعان كاسىپكەرلەرگە تولەم جاساۋ مەرزىمى بۇرىن 1 قازانعا دەيىن بەلگىلەنسە, ەندى مەملەكەت باسشىسىنىڭ تاپسىرماسىمەن جىل سوڭىنا دەيىن ۇزارتىلدى. بۇدان باسقا, ءماجبۇرلى دەمالىسقا كەتكەن كاسىپكەرلەرگە 42500 تەڭگە مولشەرىندە الەۋمەتتىك تولەم تولەندى.
بانكتەردەن نەسيە العان كاسىپكەرلەردىڭ 40 پايىزدان استامى نەسيە تولەمىن كەيىنگە قالدىرۋ مۇمكىندىگىنە يە بولدى. نەسيە تولەۋدەن بوساتۋ مەرزىمى بۇرىن 1 قازانعا دەيىن بولسا, قازىر جىل سوڭىنا دەيىن ۇزارتىلدى.
