ەكونوميكا • 25 قىركۇيەك، 2020

ىندەتكە قارسى كۇرەسكە 22،9 ملرد تەڭگە جۇمسالدى

11 رەت كورسەتىلدى

كوروناۆيرۋس پەن پنەۆمونياعا شالدىققان ازاماتتار مەديتسينالىق كومەكتى ساقتاندىرىلعانىنا نەمەسە ساقتاندىرىلماعانىنا قاراماستان الا الادى. مەديتسينالىق ساقتاندىرۋ قورى تاراپىنان قاۋىپتى ينفەكتسياعا قارسى كۇرەسكە 159 ملرد تەڭگەدەن استام قارجى قاراستىرىلعان. بۇل تۋرالى قوردىڭ الماتى قالالىق فيليالى حابارلادى.

فيليال مالىمەتىنشە، تەگىن مەديتسينالىق كومەك پەن مىن­دەت­تى الەۋمەتتىك مەدي­تسي­نا­لىق ساقتاندىرۋ پاكەت­تە­رى­نە كوروناۆيرۋستى ەمدەۋگە قا­تىس­تى وزگەرىستەر ەنگىزىلگەن. سونىمەن قاتار قوس پاكەت شە­ڭ­بەرىندە ءموبيلدى بريگا­دا­لار مەن COVID-19-عا شال­دىق­قان پاتسيەنتتەرگە ءۇي جاع­دايىندا ستاتسيونارلىق قىز­مەت كورسەتۋ مۇمكىندىكتەرى قا­راس­تىرىلعان. مەديتسينالىق كو­مەك ازاماتتاردىڭ ساق­تان­دى­رۋ جۇيەسىندەگى ستاتۋسىنا قاراماستان كورسەتىلەدى. بۇل وزگەرىستەر، اسىرەسە جۇقپالى اۋرۋلار ءورشيتىن كۇز مەزگىلىندە مەديتسينالىق كومەكتىڭ قول­جە­تىم­دىلىگىن ارتتىرۋعا سەپتىگىن تيگىزەرى انىق.

«قازىرگى تاڭدا قور دەڭ­گەيىن­دە كوروناۆيرۋس پەن پنەۆ­مو­نياعا قارسى كۇرەسكە 159 ملرد تەڭگەدەن استام قارجى قاراس­تى­رىلعان. الماتى قالاسى بو­يىنشا اتالعان شارالارعا جۇمسالاتىن قاراجاتتىڭ جالپى سوماسى 22،9 ملرد تەڭگەنى قۇرايدى»، دەدى فيليال باسشىسى تىلەۋحان ابىلداەۆ.

ناۋرىز بەن تامىز ايلارى ارالىعىندا مەديتسينا قىزمەتكەرلەرىنە 11،6 ملرد تەڭگە قوسىمشا اقى تولەنگەن. پتر اناليزدەرگە 471 ملن تەڭگە ءبولىندى. وتكەن التى ايدا 33،8 مىڭنان استام مەديتسينا قىزمەتكەرىنە كوروناۆيرۋسقا قاتىستى قوسىمشا اقى تولەن­گەن. ەپيدەمياعا قارسى ءىس-شارالارعا جۇمىلدىرىلعان ەمدەۋ مەكەمەلەرىنىڭ قىز­مەت­كەر­لەرى بارلىعى 11،6 ملرد تەڭگە ۇستەمەاقى الدى. سونىڭ ىشىندە: 1-توپ – 5 ملرد 811،4 ملن.تەڭگە (9 729 ادام); 2-توپ – 4 ملرد 413،9 ملن.تەڭگە (14 535 ادام); 3-توپ – 1 ملرد 421،8 ملن.تەڭگە (9 623 ادام).

ەستەرىڭىزگە سالا كەتسەك، پاندەميا باستالعالى بەرى قازاقستان بويىنشا دارى­گەر­لەر­دىڭ جالاقىسىنا قو­سىم­شا 73 ملرد تەڭگەدەن استام ۇستەمەاقى تولەنگەن.

سوڭعى جاڭالىقتار

ۇقساس جاڭالىقتار