ايماقتار • 24 قىركۇيەك، 2020

اتىراۋدا قوجالىق جۇمىسشىسى مالىمەن بىرگە اداسىپ كەتكەن

242 رەت كورسەتىلدى

"كوكات" شارۋا قوجالىعىنىڭ جۇمىسشىسى امانگەلدى ەسوۆ مال جايۋعا شىعىپ، اۋىلعا قايتار جولدى تاپپاي، اداسىپ كەتكەن، دەپ حابارلايدى Egemen.kz.

"يندەر اۋداندىق پوليتسيا بولىمىنە 20 قىركۇيەكتە كەشكى ساعات 22:00 شاماسىندا ورلىك اۋىلىنىڭ تۇرعىنىنان "كوكات" شارۋا قوجالىعىنىڭ  51 جاستاعى جۇمىسشىسى امانكەلدى ەسوۆتىڭ مال باعۋعا شىعىپ، قايتا ورالماعانى تۋرالى حابار ءتۇستى. اۋدان پوليتسەيلەرى جەدەل ىزدەستىرۋ جۇمىسىن حابار تۇسكەن ساتتە باستاعانمەن، ءبىر كۇن بويى ەشقانداي ناتيجە بەرمەدى. بىراق پوليتسيا قىزمەتكەرلەرى ىزدەستىرۋدى توقتاتقان جوق. ناتيجەسىندە​ امانگەلدى ەسوۆ كەلەسى كۇنى، ياعني 22 قىركۇيەكتە​ تاڭعى ساعات 03:30 شاماسىندا باتىس قازاقستان وبلىسىنىڭ جاڭاقالا اۋدانىنداعى ءماشتىساي اۋىلىنا قاراستى "سابيلا قۇدىق" ۋچاسكەسىنىڭ شابىندىق جەرىنەن تابىلدى"، - دەپ حابارلادى وبلىستىق پوليتسيا دەپارتامەنتىنىڭ ءباسپاسوز قىزمەتى.

قوجالىق جۇمىسشىسى امانگەلدى ەسوۆ ەكى كۇن بويى تاماق ىشپەي، جاڭبىرعا جاۋراپ، ابدەن السىرەپ قالىپتى. پوليتسيا قىزمەتكەرلەرى وعان دەرەۋ العاشقى كومەك كورسەتىپ، وتباسىمەن امان-ەسەن قاۋىشتىردى.

ال "كوكات" شارۋا قوجالىعىنىڭ جەتەكشىسى يندەر اۋدانىنىڭ پوليتسەيلەرىنە  جۇمىسشى امانكەلدى ەسوۆتى دەر كەزىندە تابۋعا اتسالىسقانى العىس ايتتى.

سوڭعى جاڭالىقتار

ۇقساس جاڭالىقتار