ايماقتار • 24 قىركۇيەك، 2020

اتىراۋ پوليتسەيلەرى ىزدەۋدەگى قىلمىسكەرلەردى ۇستادى

126 رەت كورسەتىلدى

بيىلعى جەتى ايدا وبلىستىق پوليتسيا دەپارتامەنتىنىڭ قىزمەتكەرلەرى ىزدەۋدەگى 57 قىلمىسكەردى ۇستادى، دەپ حابارلايدى Egemen.kz.

"ماسەلەن، ناۋرىز-قىركۇيەك ايلارىندا قىلمىس جاساعانى ءۇشىن ايىپتالىپ، الدىن الا تەكسەرۋ، تەرگەۋ جانە سوت ورگاندارىنان بوي تاسالاپ جۇرگەن تۇلعالاردى ىزدەستىرۋ ءارى ۇستاۋ، سونداي-اق، ءىز-ءتۇسسىز جوعالعانداردىڭ جۇرگەن جەرىن انىقتاۋ ماقساتىندا تمد ەلدەرىنىڭ اۋماعىندا "ىزدەستىرۋ" بىرلەسكەن ءىس-شاراسى وتكىزىلدى. شارا كەزىندە ىزدەۋدە جۇرگەن 3 قىلمىسكەردىڭ وزبەكستان رەسپۋبليكاسىندا، ال رەسەي فەدەراتسياسى، ۋكراينا جانە مولدوۆا رەسپۋبليكالارىنىڭ اۋماعىندا ءبىر-ءبىر قىلمىسكەردىڭ بوي تاسالاعانى  انىقتالدى. سونىمەن قاتار  رەسەي فەدەراتسياسى مەن وزبەكستان رەسپۋبليكاسىنىڭ قۇقىق قورعاۋ ورگاندارىمەن بىرلەسكەن شارادا ىزدەۋدەگى 7 قىلمىسكەردىڭ اتىراۋ وبلىسىنىڭ اۋماعىندا جۇرگەنى بەلگىلى بولدى"، دەپ حابارلادى وبلىستىق پوليتسيا دەپارتامەنتىنىڭ ءباسپاسوز قىزمەتى.

سونداي-اق اتىراۋلىق پوليتسەيلەر حابار-وشارسىز كەتۋىنە وراي ىزدەۋ جاريالانعان 29 ادامنىڭ 26-نىڭ مەكەنجايىن انىقتادى. ولار وتباسىنا ورالدى.

سوڭعى جاڭالىقتار

ۇقساس جاڭالىقتار