وسى ستراتەگيا شەڭبەرىندە پوليتسيا قوعاممەن تىعىز ءوزارا ءىس-قيمىل جاساۋعا, پوليتسيا قىزمەتىنىڭ تيىمدىلىگى جانە ناقتى اۋماقتا تۇراتىن تۇرعىنداردىڭ قاۋىپسىزدىگى ماسەلەلەرىنىڭ باسىمدىلىعى تۋرالى حالىقتىڭ پىكىرىن ەسكەرە وتىرىپ, قاۋىپسىزدىك ماسەلەلەرىن بىرلەسىپ شەشۋگە باعىتتالعان بەلسەندى جۇمىس مودەلىنە باعدارلانادى.
قىزمەتكە باعىتتالعان پوليتسيا قىزمەتى – بۇل پوليتسيا مەن قوعامعا قىلمىستى اشۋدا, قۇقىق قورعاۋ جانە قاۋىپسىزدىك ماسەلەلەرىن شەشۋدە ىنتىماقتاستىقتىڭ جاڭا ادىستەرىن قولدانۋعا مۇمكىندىك بەرەتىن مودەل. ول ەكى نەگىزگى قۇرامداس بولىككە نەگىزدەلگەن: پوليتسيانىڭ ادىستەرى مەن تاجىريبەسىن وزگەرتۋ جانە پوليتسيا مەن قوعام اراسىندا سىندارلى قارىم-قاتىناس ورناتۋ ءۇشىن شارالار قابىلداۋ.
بۇل مودەلدىڭ ءمانى قوعام مۇشەلەرىنىڭ قاۋىپسىزدىك ماسەلەلەرىن انىقتاۋ پروتسەسىنە بەلسەندى قاتىسۋى بولىپ تابىلادى. ازاماتتاردى تارتۋ اياسىندا قۇقىق بۇزۋشىلىقتاردىڭ الدىن الۋ جانە قىلمىسقا قارسى كۇرەس بويىنشا كەڭەيتىلگەن كوزقاراس ورىن الادى, بۇل بۇكىل پوليتسيا قىزمەتىنە تەرەڭ وزگەرىستەر ەنگىزۋگە اكەپ سوعادى.
تيىمدىلىككە قول جەتكىزەتىن بۇل ءتاسىل بارلىق پوليتسيا قىزمەتتەرى تاراپىنان دا, ءوزارا ءىس-قيمىل مەن وسى پروتسەستەگى ءوز ۇلەستەرىنىڭ ناتيجەلەرىن بايقاي الاتىن جۇرتشىلىق تاراپىنان دا ماقساتتى قولداۋدى كوزدەيدى.
«پوليتسيانىڭ سەرۆيستىك مودەلىنىڭ» نەگىزىن سيپاتتاۋعا بولاتىن نەگىزگى قاعيدات – پوليتسيا – بۇل حالىق, ال حالىق – بۇل پوليتسيا.
«قازىر قازاقستاندا ءوزىنىڭ ۇلتتىق مودەلىن قۇرۋ ءجۇرىپ جاتىر. ءبىز پوليتسيا – بۇل ازاماتتاردىڭ پروبلەمالارىن شەشەتىن جانە كومەكتەسەتىن قىزمەت دەپ سانايمىز. قوعامدىق قاۋىپسىزدىكتى قامتاماسىز ەتۋدىڭ «سەرۆيستىك» فورماتىنا كوشۋ ءۇشىن وتكەن جىلدان باستاپ قاراعاندى وبلىسىندا پيلوتتىق جوبا باستالدى. ونىڭ ماقساتى – قوعامدىق قاۋىپسىزدىكتى قامتاماسىز ەتۋ ماسەلەلەرىندە جەرگىلىكتى قاۋىمداستىقپەن ارىپتەستىك قاتىناستار ورناتۋ. جاقىن ارادا وسىنداي جوبا ەلوردادا جۇمىس ىستەي باستايدى», - دەپ اتاپ ءوتتى ءىىم كادر ساياساتى دەپارتامەنتىنىڭ باستىعى ايدار سايتبەكوۆ الماتى ءىىم اكادەمياسى بازاسىندا وتكەن جاڭا جاعدايداعى پوليتسيا ماسەلەسىن تالقىلاۋ بارىسىندا.
