رۋحانيات • 23 قىركۇيەك، 2020

اباي شىعارمالارىنىڭ قىرعىز تىلىندەگى اكادەميالىق باسىلىمى تانىستىرىلدى

174 رەت كورسەتىلدى

بۇگىن حالىقارالىق تۇركى اكادەمياسى جانە قازاقستان حالقى اسسامبلەياسىنىڭ ۇيىمداستىرۋىمەن "بەكەم باۋىرلاستىق بايلانىستار: ماناستان ابايعا دەيىن" اتتى جيىن ءوتتى، دەپ حابارلايدى Egemen.kz.

سۋرەتتەردى تۇسىرگەن: ەرلان ومار "EQ"

القالى جيىنعا  حالىقارالىق تۇركى اكادەمياسىنىڭ پرەزيدەنتى دارحان قىدىرالى،  قازاقستان حالقى اسسامبلەياسى توراعاسىنىڭ ورىنباسارى ‒ قر پرەزيدەنتى اكىمشىلىگىنىڭ قحا حاتشىلىعىنىڭ مەڭگەرۋشىسى جانسەيىت تۇيمەباەۆ، قىرعىز رەسپۋبليكاسىنىڭ قازاقستانداعى ەلشىسى جەەنبەك كۋلۋباەۆ، سونىمەن قاتار مەملەكەت جانە قوعام قايراتكەرلەرى، عالىمدار، زيالى قاۋىم مەن ەتنومادەني بىرلەستىك وكىلدەرى قاتىستى.

1جيىن بارىسىندا جانسەيىت تۇيمەباەۆ بىرقاتار ازاماتقا قازاقستان حالقى اسسامبلەياسىنىڭ 25 جىلدىعى قۇرمەتىنە ارنالعان مەرەكەلىك مەدال تابىستادى.

7529

شارا بارىسىندا حالىقارالىق تۇركى اكادەمياسى دايىنداعان "ماناس" ەپوسىنىڭ قازاق تىلىندەگى نۇسقاسى جانە اباي شىعارمالارىنىڭ قىرعىز تىلىندەگى اكادەميالىق باسىلىمى تانىستىرىلدى.

2

"قازاقستان حالقى اسسامبلەياسىنىڭ 25 جىلدىعىنا وراي ەكى ءسۇيىنشى جاڭالىعىمىز بار. ەكى ەل اراسىنداعى باۋىرلاستىق بايلانىسىمىزدى بەكەمدەي تۇسەتىن رۋحاني قازىنامىز كوبەيىپ جاتىر. 1961 جىلعى مۇحتار اۋەزوۆتىڭ باسشىلىعىمەن جارىق كورگەن "ماناس" داستانى 60 جىلدان كەيىن قازاق وقىرماندارىنىڭ قولىنا قايتا جەتىپ وتىر. جىرشى، ماناسشى بايانعالي ءالىمجانوۆ ءوزىنىڭ كەرەمەت شەبەرلىگىمەن قازاقشالاپ شىقتى"، دەدى حالىقارالىق تۇركى اكادەمياسىنىڭ پرەزيدەنتى دارحان قىدىرالى. جيىن باستالعان كەزدە اتالعان ەكى ەڭبەكتىڭ تۇساۋى كەسىلدى.

1

قازاقستان حالقى اسسامبلەياسى توراعاسىنىڭ ورىنباسارى جانسەيىت تۇيمەباەۆ ءوز سوزىندە "بەكەم باۋىرلاستىق بايلانىستار: ماناستان ابايعا دەيىن" دەپ اتالعان ونلاين شارانى تاماشالاپ وتىرعان قىرعىز باۋىرلار مەن ەلىمىزدىڭ ءار تاراپىنان قوسىلعان زيالى قاۋىم وكىلدەرىنە جىلى لەبىزىن ءبىلدىردى.

"اباي جىرىن جاتتاعان دۇرىس. ال ونىڭ تەرەڭ ويى مەن پىكىرى تەك ايتا جۇرەر اڭگىمە بولماي، كۇنبە-كۇنگى تىرلىگىمىزگە ءبىر كىرپىش بوپ قالانىپ جاتاتىن ناقتى ىسكە اينالسا، تىپتەن قۇبا-قۇپ. ول ۇيرەتكەن تاعىلىم مەن ول كوكسەگەن مۇراتتاردى شىن قاستەرلەي بىلگەنىمىزدىڭ، ادىلەت پەن ابزالدىق ۇستازى الدىنداعى پەرزەنتتىك قارىزىمىزدى تەرەڭ ءتۇسىنىپ، وتەي العاندىعىمىزدىڭ بىردەن-ءبىر بەلگىسى"، دەپ اتاپ ءوتتى جانسەيىت قانسەيىت ۇلى.

جانسەيىت تۇيمەباەۆ دارحان قىدىرالى باسقارىپ وتىرعان حالىقارالىق تۇركى اكادەمياسى ەل مەن جەردى جاقىنداستىرىپ، تۇركى الەمى تاريحىن، ءتىلى مەن ادەبيەتىن جانە مادەنيەتىن زەرتتەپ، زەردەلەۋ باعىتىندا ناقتى جوبالاردى ىسكە اسىرىپ كەلە جاتقانىن دا اتاپ ءوتتى.

ايتا كەتەيىك، بيىل باكۋ قالاسىندا وتكەن تۇركى اكادەمياسىنىڭ عىلىمي كەڭەسىندە 2020 جىلعى تۇركى الەمىنىڭ ايتۋلى داتالارى قاتارىندا Maناس داستانىنىڭ 1125 جىلدىعى مەن اباي قۇنانباي ۇلىنىڭ 175 جىلدىعىن اتاپ ءوتۋ بەكىتىلگەن ەدى. ماناس ەپوسىنا ارنالعان ءىس-شارالار جىل اياعىنا دەيىن جالعاسا بەرەتىن بولادى.

سوڭعى جاڭالىقتار

اتىراۋدا 9 بالانى يت تالادى

ايماقتار • 24 قازان، 2020

ۇقساس جاڭالىقتار