مەديتسينا • 23 قىركۇيەك، 2020

ءمامس ارقىلى قانداي مەديتسينالىق كومەككە جۇگىنۋگە بولادى؟

8 رەت كورسەتىلدى

ەمحانالارداعى قابىلداۋدان باستاپ، كۇردەلى وپەراتسيالارعا دەيىن مىندەتتى مەديتسينالىق ساقتاندىرۋ جۇيەسى بويىنشا جۇرگىزىلەدى، دەپ حابارلايدى Egemen.kz ەلوردا اكىمدىگىنە سىلتەمە جاساپ.

قازاقستاندا مەديتسينالىق كومەك مىندەتتى الەۋمەتتىك مەديتسينالىق ساقتاندىرۋ جۇيەسى جانە تەگىن مەديتسينالىق كومەكتىڭ كەپىلدىك بەرىلگەن كولەمى شەڭبەرىندە كورسەتىلەدى.

ساقتاندىرىلعان قازاقستاندىقتارعا ەمحانالاردا ەمدەلۋ، دارىگەرلەر قابىلداۋى، زەرتحانالىق قىزمەتتەر، دياگنوستيكا، سونداي-اق ءدارى-دارمەكتەر قولجەتىمدى. ءمامس ەسەبىنەن پاتسيەنتتەر اۋرۋحانالاردا جوسپارلى تۇردە دە، كۇندىزگى ستاتسيونارلار رەجيمىندە دە ەمدەلە الادى.

"بۇدان باسقا، مىندەتتى مەديتسينالىق ساقتاندىرۋ جۇيەسىنە قاتىسۋشىلار ءۇشىن جوعارى تەحنولوگيالىق مەديتسينالىق قىزمەتتەر، ياعني كۇردەلى بىرەگەي وپەراتسيالار قولجەتىمدى. سونداي – اق پاللياتيۆتىك كومەك كورسەتىلەدى. ەمدەلمەيتىن، ومىرگە قاۋىپ توندىرەتىن جانە اۋىر وتەتىن اۋرۋلارى بار پاتسيەنتتەردىڭ ءومىر ءسۇرۋ ساپاسىن بارىنشا قولايلى دەڭگەيدە ۇستاۋ"، دەدى № 4 قالالىق ەمحانانىڭ مەيىربيكە ءىسىنىڭ مەنەدجەرى جانار نازاروۆا.

بۇدان باسقا، مەديتسينالىق ساقتاندىرۋ جۇيەسى بويىنشا سىرقاتىنان كەيىن تۇراقتى بوگدە ادامنىڭ كۇتىمىنە نەمەسە قاراۋىنا مۇقتاج ناۋقاسترعا مەيىرگەرلىك كۇتىم كورسەتىلەدى.

الەۋمەتتىك مەديتسينالىق ساقتاندىرۋ جۇيەسىنە قاتىسۋ ءۇشىن مىندەتتى مەديتسينالىق ساقتاندىرۋ قورىنا (ماسق) اۋدارىمدار ءتۇسىپ تۇرۋى قاجەت. ونى نە جۇمىس بەرۋشى، نە دەربەس تولەۋشىلەر تولەيدى. وسىلايشا، 2020 جىلعى 1 قاڭتاردان باستاپ جۇمىس بەرۋشىلەر ءاربىر قىزمەتكەردىڭ تابىسىنان 2%-ىن، جك-1،4 ەتج-نىڭ 5%-ىن، ازاماتتىق-قۇقىقتىق شارتتار بويىنشا جۇمىس ىستەيتىن ادامدار - تابىسىنىڭ 1% -ىن، قىزمەتكەرلەر-تابىسىنىڭ 1%-ىن، دەربەس تولەۋشىلەر-1 ەتج-نىڭ 5%-ىن ءماس-كە اۋدارۋى ءتيىس.

ساقتاندىرۋ اۋدارىمدارى مەن جارنالارى تابىستىڭ مىناداي تۇرلەرىنەن تولەنبەيدى: قىزمەتتىك ءىسساپارلار جانە جۇمىستىڭ ءجۇرىپ-تۇرۋ سيپاتى كەزىندەگى وتەماقىلار; قىزمەتكەرلەردىڭ دالالىق جابدىقتالىمى; بيۋدجەت قاراجاتىنان قىزمەتكەرلەردى وقىتۋعا اقى تولەۋگە، جاردەماقىلار مەن وتەماقىلارعا جەتكىزۋگە بايلانىستى شىعىستار; ساۋىقتىرۋعا ارنالعان دەمالىسقا ارنالعان جاردەماقى، مەديتسينالىق قىزمەتتەرگە اقى تولەۋ ءۇشىن، بالا تۋعان كەزدە، جەرلەۋگە ارنالعان تولەمدەر 8 ەڭ تومەنگى جالاقى (ەتج) شەگىندە; ستيپەنديالار; ساقتاندىرۋ سىيلىقاقىلارى.

"جۇمىس بەرۋشى سونداي-اق ازاماتتاردىڭ الەۋمەتتىك وسال توپتارىنا جاتاتىن جۇمىسكەرلەر ءۇشىن، اسكەري قىزمەتشىلەر، ارناۋلى مەملەكەتتىك ورگانداردىڭ قىزمەتكەرلەرى جانە قۇقىق قورعاۋ ورگاندارىنىڭ قىزمەتكەرلەرى ءۇشىن تولەمدەردەن بوساتىلادى"، دەپ تولىقتىردى جانار نازاروۆا.

مەملەكەت تاراپىنان ماسق-قا جارنا تولەيتىن ازاماتتار ساناتى بار. اتاپ ايتقاندا، ولارعا: جۇمىسپەن قامتۋ ورتالىقتارىندا تىركەلگەن جۇمىسسىز بالالار، جۇمىس ىستەمەيتىن جۇكتى ايەلدەر; بالا (بالالار) ءۇش جاسقا تولعانعا دەيىن ونى (ولاردى) تاربيەلەپ وتىرعان جۇمىس ىستەمەيتىن ادام; جۇكتىلىككە جانە بوسانۋعا، جاڭا تۋعان بالانى (بالالاردى) اسىراپ الۋعا بايلانىستى، بالا (بالالار) ءۇش جاسقا تولعانعا دەيىن ونىڭ (ولاردىڭ) كۇتىمىنە بايلانىستى دەمالىستا جۇرگەن ادامدار; مۇگەدەك بالانى (بالالاردى) كۇتىپ-باعۋدى جۇزەگە اسىراتىن جۇمىس ىستەمەيتىن ادامدار جاتادى; بالا كەزىنەن ءبىرىنشى توپتاعى مۇگەدەككە كۇتىمدى جۇزەگە اسىراتىن جۇمىس ىستەمەيتىن ادامدار; زەينەتاقى تولەمدەرىن الۋشىلار، ونىڭ ىشىندە ۇلى وتان سوعىسىنىڭ قاتىسۋشىلارى مەن مۇگەدەكتەرى; قىلمىستىق-اتقارۋ (پەنيتەنتسيارلىق) جۇيەسى مەكەمەلەرىندە (قاۋىپسىزدىگى بارىنشا تومەن مەكەمەلەردى قوسپاعاندا) سوت ۇكىمى بويىنشا جازاسىن وتەپ جۇرگەن ادامدار; تەرگەۋ يزولياتورلارىنداعى ادامدار; جۇمىس ىستەمەيتىن ورالماندار; "التىن القا"، "كۇمىس القا" القالارىمەن ناگرادتالعان نەمەسە بۇرىن "باتىر انا" اتاعىن العان، سونداي-اق I جانە II دارەجەلى "انا داڭقى" وردەندەرىمەن ناگرادتالعان كوپ بالالى انالار; ورتا، تەحنيكالىق جانە كاسىپتىك، ورتا بىلىمنەن كەيىنگى، جوعارى ءبىلىم بەرۋ، سونداي-اق جوعارى وقۋ ورنىنان كەيىنگى ءبىلىم بەرۋ ۇيىمدارىندا كۇندىزگى وقۋ نىسانىندا ءبىلىم الىپ جاتقان ادامدار; مەملەكەتتىك اتاۋلى الەۋمەتتىك كومەكتى جۇمىس ىستەمەي الۋشىلار.

ءمامس اياسىندا قىزمەت كورسەتۋ بويىنشا بارلىق سۇراقتار مەن شاعىمداردى 1406 تەگىن ءنومىرى بويىنشا الەۋمەتتىك مەديتسينالىق ساقتاندىرۋ قورىنىڭ call-ورتالىعىنا جىبەرۋگە بولادى. سونداي-اق ءوتىنىشتى Qoldau 24/7 قوسىمشاسىندا جانە https://t.me/SaqtandyryBot تەلەگرام-بوتتا قالدىرۋعا بولادى.

سوڭعى جاڭالىقتار

اتىراۋدا 9 بالانى يت تالادى

ايماقتار • 24 قازان، 2020

ۇقساس جاڭالىقتار