ۇيىمنىڭ باس ديرەكتورى تەدروس ادانوم گەبرەيەسۋس: «بۇكىل الەم COVID-19 ىندەتىمەن كۇرەسىپ جاتقان كەزدە ءبىز حالىقتىڭ دەنساۋلىعىن قورعاۋعا بار كۇشىمىزدى سالۋىمىز كەرەك. بۇل قاتاردا ينفەكتسيالىق ەمەس اۋرۋلاردىڭ الدىن الۋدا بار», دەپ مالىمدەدى.
دسۇ-نىڭ دەرەكتەرى بويىنشا ونەركاسىپتە ترانسمايلاردى قولدانۋ جىل سايىن جارتى ميلليونعا جۋىق ادامنىڭ ولىمىنە سەبەپ بولادى ەكەن. سەبەبى ترانسمايلار جۇرەك-قان تامىرلارى اۋرۋىن قوزدىراتىنى مەديتسينادا دالەلدەنگەن. سول سەبەپتى بۇگىنگى تاڭدا الەمنىڭ 58 مەملەكەتى 2021 جىلى ءوز تەرريتورياسىندا ادامداردى ترانسمايلاردان قورعاۋ تۋرالى ارنايى زاڭ دا شىعارعان. الايدا دسۇ ازىق-ت ۇلىك وندىرىسىندە ترانسماي قولداناتىن 100 ەلدەگى جاعدايعا الاڭداپ وتىر. ازاماتتارىنىڭ زيانسىز ازىق-ت ۇلىك تۇتىنۋىنا جەتكىلىكتى جاعداي جاساماي وتىرعان ەلدەردىڭ قاتارىندا ازەربايجان, بانگلادەش, بۋتان, مىسىر, ءۇندىستان, يران, مەكسيكا, نەپال, پاكىستان جانە ەكۆادور سىندى ەلدەر بار.
ءبىر ايتا كەتەرلىگى, حالقىنىڭ ترانسمايدى از تۇتىنۋىنا جاعداي جاساعان ەلدەردىڭ بارىندە تۇرعىنداردىڭ جان باسىنا شاققانداعى تابىس مولشەرى جوعارى ەكەن. جان باسىنا شاققانداعى تابىسى از ەلدەردىڭ بىردە-ءبىرى ءالى كۇنگە ولاردان ۇلگى الماپتى.
2018 جىلى دسۇ REPLACE باعدارلاماسىن قولعا العان-دى, سونىڭ اياسىندا ترانسيزومەرلەردەن تۇپكىلىكتى باس تارتۋ كوزدەلىپ وتىر. تابيعي ترانسيزومەرلەر, ياعني ترانسمايلار ەت, ءسۇت تاعامدارىندا از مولشەردە كەزدەسەتىنىن ايتا كەتۋ كەرەك. ال مارگارين, ءچيپسى سىندى تاعامداردىڭ قۇرامىندا وتە كوپ.
