سپورت • 21 قىركۇيەك، 2020

جەرگە قاراتقان كوماندالار جانكۇيەرلەردەن كەشىرىم سۇراي ما؟

152 رەت كورسەتىلدى

قازاق جانكۇيەرلەرى بۇرىن-سوڭدى وسىلاي جەرگە قارا­ماعان شىعار. ءتورت كوماندا التى ويىن وتكىزىپ، تەك بىرەۋىندە عانا جەڭىسكە جەتتى. كلۋبتاردىڭ وسىنداي ايانىشتى كۇيگە تۇسۋىنە ءتۇرلى سەبەپتەر مەن سىلتاۋلار ايتۋعا بولار. الايدا چەمپيوناتتى ۇيىمداستىرۋدى قايتا-قايتا كەيىنگە شەگەرە بەرگەن قازاقستان فۋت­بول فەدەراتسياسىنىڭ ارەكەتى اقتاۋ­عا كەلمەيدى دەگەن ويدامىز جانە سول ءۇشىن دە فەدەراتسيا باس­شىلىعى مەن كوماندا باپكەرلەرى جانكۇيەرلەردەن كەشىرىم سۇراۋى كەرەك.

 

ۇيرەنشىكتى پارادوكس!

ەلىمىز ءۇشىن تاعى ءبىر تەگىن «جارناما» وكىنىشكە قاراي، بۇل جولى ەرتە اياقتالدى. وتكەن اپتانىڭ بەيسەنبى كۇنىندە قازاقستاننىڭ ءۇش بىردەي كومانداسى ەۋروپا ليگاسىنىڭ ەكىنشى ىرىك­تەۋ سىنىندا ءسۇرىندى. «قايسار» كيپر­دىڭ اپوەل كومانداسىنان 1:4 ەسە­بىمەن ويسىراي جەڭىلسە، «استانا» اتى بىزگە بەي­مالىم چەرنوگوريانىڭ «بۋ­دۋ­چ­نوسىنە» ەسە جىبەردى. ەسەپ – 0:1. «قايرات» تۇزدە «ماككابي» حاي­فا­­دان باسىم تۇسە المادى – 1:2. ال «ور­­دا­باسى» بولسا 28 تامىزدا رۋمى­نيا­نىڭ «بوتوشاني» فۋتبولشىلارىنان 1:2 ەسەبىمەن جەڭىلگەن-ءدى.

شىمكەنتتە قىزىلوردانىڭ «قاي­سار» كومانداسى كيپردىڭ اپوەل كلۋبىن قابىلدادى. ەۋروماۋسىم باسىندا كوماندانىڭ باس جاتتىقتىرۋشىسى ستويچو ملادەنوۆ بيىل كوماندانى كۇشەيتەمىز دەپ بىرنەشە ويىنشىنى العانىمەن، بارلىعى بەكەر بولعان سياقتى. وتكەن ماۋسىمدا «قايسار» بيۋدجەتى 4 ميلليارد تەڭگە شاماسىندا بولعان. وسىنشا قاراجات بولىنگەن كوماندا ەل كۋبوگىن عانا جەڭىپ الدى. ستا­د­يوندى جوندەۋگە، الاڭدى اۋىستىرۋعا ميللياردتان استام قاراجات جۇمسالدى. بىراق ناتيجە قانداي؟ «كوك بورىلەر» اپوەل-گە قارسى ويىندى ۇيدە ەمەس، شىمكەنتتە وتكىزدى. پارادوكس! سەبەبى جوندەۋدەن وتكەن ستاديون ەۋروپانىڭ ستاندارتىنا ساي كەلمەيدى. بىلتىر عانا كۇردەلى جوندەۋدەن وتكەن ستاديونعا ۋەفا نەلىكتەن سەرتيفيكات بەرمەدى؟ سۇ­راق كوپ، جاۋاپ جوق.

 

ءسىز كىمسىز، پول مىرزا؟

2017 جىلى «استانامەن» بىرگە يز­رايلگە بارعانبىز. ەۋروپا ليگاسى­نىڭ توپتىق كەزەڭىندە جەرگىلىكتى «ماك­كا­بيدەن» 1:0 ەسەبىمەن باسىم ءتۇستى. ءتورت كۇن بويى كوماندامەن بىرگە جۇرگەندىكتەن، ستانيمير ستويلوۆتىڭ باس باپكەر كەزىندە بىلىكتىلىگىنە، سايان حاميتجانوۆتىڭ مىقتى مەنەدجەر ەكەنىنە كوزىمىز جەتتى. كوماندادا ءتارتىپ مىقتى. اركىم ءوز جۇمىسىن بىلەدى. ال قازىرگى جاعداي بىزگە بەيمالىم. بىلەتىنىمىز، كارانتين كەزىندە كوپ ويىن وتكىزە الماعان «استانا» ۇزاق ۋاقىت باپكەرسىز جۇمىس ىستەدى. ۋاقىتتىڭ تىعىزدىعىن بىلە تۇرا كومانداعا باپكەر تاڭداۋدا سونشا كىدىرگەنى ءارتۇرلى ويعا جەتەلەيدى. مۇمكىن بۇل – ءجاي عانا جاۋاپكەرشىلىكتىڭ تىم تومەندىگى مە؟ نەگە كىدىرگەنى ءالى كۇنگە دەيىن بەلگىسىز.

تامىز ايىندا استانالىق كوماندا باس باپكەر ميحال بيلەكپەن كەلىسىمشارتتى بۇزعاننان كەيىن كلۋب باسشىلىعى 53 جاستاعى بولگار مامانى ستانيمير ستويلوۆقا ۇسىنىس جاساعان. الايدا ستويلوۆ كلۋبتىڭ قازىرگى باسشىلىعىنا كوڭىلى تولمايتىنىن، سوندىقتان كوماندانى جاتتىقتىرمايتىنىن  ايتىپ، ۇسىنىستان باس تارتتى. ستويلوۆتىڭ شەشىمىندە ءبىر سىر بارداي ما، قالاي؟ ايتپەسە، ستويلوۆ باس باپكەر رەتىندە «استانامەن» بىرگە ءتورت دۇركىن قا­زاقستان بىرىنشىلىگىنىڭ جەڭىمپازى اتاندى. قازاقستان فۋتبول تاريحىندا تۇڭعىش رەت چەمپيوندار ليگاسىنىڭ توپتىق كەزەڭىندە ونەر كورسەتتى. ەكى رەت ەۋروپا ليگاسىنىڭ توپتىق كەزەڭىندە، سونداي-اق ءتۋرنيردىڭ 1/16 فينالىنا دەيىن جەتتى. مۇنداي جەتىستىك تەك «استا­نا­نىڭ» ەمەس، قازاقستاندا جۇمىس ىستە­گەن بۇكىل باپكەردىڭ قولىنان كەلمەدى.

وسىنداي باپكەردى ۋىسىنان شىعارىپ العان ۇجىمنىڭ جاتتىق­تىرۋشىسى بولىپ كوماندانىڭ اتقا­رۋشى ديرەكتورى قىزمەتىن اتقارعان پول ەشۆورت تاعايىندالدى.

سونىمەن، ءسىز كىمسىز، پول مىرزا؟ بۇعان دەيىن نە ىستەدى؟ بار بىلەتىنىمىز، لاتۆيانىڭ «ۆەنتسپيلس» كومانداسىن جاتتىقتىرعان. كەيىن جۇمىسى قاناعاتتاندىرىلماي كوماندادان قۋىلعان. وسىنداي باپكەر كەلە سالا ماڭىزدى ماتچتا كوماندانىڭ ۇزدىك كوشباسشىسى مارين توماسوۆتى قوسالقى قۇرامدا قالدىردى.

قارسىلاستىڭ كۇتكەنى دە وسى ەدى. بۇل جايىندا «بۋدۋچنوست» كو­مان­داسىنىڭ باس جاتتىقتىرۋشىسى ملادەن ميلەنكوۆيچ بىلاي دەدى: «استانا» – وتە مىقتى كوماندا. ءبىز­دىڭ بيۋدجەتىمىز بار بولعانى 1،2 ملن ەۋرو. كوماندامىزدا ءوز كارەراسىندا ەكىنشى ويىنىن وتكىزىپ جاتقان جاس فۋتبولشىلار دا بار. سوعان قاراماستان، ءبىز «استانانى» جاقسى زەرتتەپ، جەڭىسكە جەتتىك. نەگىزگى قۇ­رامعا مارين توماسوۆ شىعادى دەپ قا­ۋىپتەنىپ ەدىك، ابىروي بولعاندا ولاي بولماي شىقتى».

ال نەگىزگى قۇرامعا بىردە-ءبىر قا­زاقتى شىعارماعان «استانانىڭ» باس باپكەرى مىندەتىن اتقارۋشى پول ەشۋورت: «مەن باپكەر رەتىندە بار كىنانى ءوز موينىممەن كوتەرەمىن»، دەيدى. پولدىڭ قۋلىعى وسى جەردەن بىلىنەدى. سەبەبى ەندى عانا تاعايىن­دالعان ونى كوماندا باسشىلارى ورنىنان الىپ تاستامايتىنىن ءبىلىپ ايتىپ وتىر. سونىمەن قاتار ول كوماندادا اتقارۋشى ديرەكتور قىزمەتىن اتقارعانىن تاعى ءبىر ايتا كەتەيىك.

كلۋب سايتىنا سىلتەمە جاساعان vesti.kz-ءتىڭ اقپاراتىنا كوز جۇگىرتسەك، اعىلشىن مامانى جاتتىقتىرعان بۇرىنعى كومانداسى لاتۆيانىڭ «ۆەنت­سپيلس» پرەزيدەنتى ادلان شيش­حانوۆ «استانانىڭ» جەڭىلىسىنەن كەيىن پول ەشۋورتقا قاراتا ءبۇي دەگەن. ء«بىز ازۋلى «رۋسەنبۋرگ» كومان­داسىنان جەڭىلىپ وتىرمىز. ال «اس­تانا» دەڭگەيى تومەن «بۋدۋچنوست» ۇجىمىنان باسىم تۇسە المادى. وسى جەڭىلىسىنەن كەيىن «استانا» باسشىلارى بۇل باپكەرگە تاڭداۋ جاساعاندا قاتتى قاتەلەسكەندەرىن بىلگەن بولار».

ال قازاقستان ۇلتتىق قۇراما­سىنىڭ بۇرىنعى قورعاۋشىسى ماك­سيم جالماعامبەتوۆ بۇل جەردە كلۋب مەنەد­جەرلەرىنىڭ وسالدىق تانىت­قانىن، ولاردان بولەك وسى جەڭىلىسكە كلۋب باسشىلارى دا كىنالى ەكەنىن ايتتى.

«ەگەر «استانا» ەۋرودودانىڭ توپ­تىق كەزەڭىنە وتپەسە، وندا كوماندا­نىڭ قاجەتى قانشا؟! بيۋدجەتى قوماقتى بولا تۇرا وسىعان دەيىن كوماندانىڭ اكادەمياسى، بازاسى، ستاديونى جوق. بۇل مەنى تاڭعالدىرادى. ۇجىمعا جۇمىستى جۇرگىزەتىن مىقتى مەنەد­جەر كەرەك. سودان كەيىن عانا جاڭا باپكەر، جاڭا فۋتبولشىلاردى تاڭ­داۋعا بولادى. كوماندا الدىمەن ءوز ويىنشىلارىنا، ءوسىپ كەلە جاتقان جاس­تارىنا جاعداي جاساۋ كەرەك. مۇن­داي پروبلەما تەك «استانادا» عانا ەمەس، وزگە كلۋبتاردا دا بار» دەيدى م.جال­ماعامبەتوۆ.

1

 

كىنانى وزگەدەن ىزدەيتىن باپكەر

«استانانىڭ» باس باپكەرى جان­كۇيەرلەردەن كەشىرىم سۇراسا، «قاي­راتتىڭ» باس جاتتىقتىرۋشىسى الەك­سەي شپيلەۆكي كىنانىڭ ءبارىن وز­گەگە ارتىپ، دۇرىس باعىتتا ەكەنىن اي­تىپ اقتالۋدا. «جاسىل الاڭدا مىقتى بولماعان كوماندا جەڭىسكە جەتكەنىنە كوڭىلىم تولماي وتىر. ءبىز ويىن الدىندا قۇرعان تاكتيكامىزدى جۇزەگە اسىرا الدىق. ايتكەنمەن، ءبىر گولدان ارتىق سوعۋ بىزگە بۇيىرماعان ەكەن. ەندى بار كۇش-جىگەرىمىزدى ىشكى چەم­پيوناتقا سالۋىمىز كەرەك. ءبىز دۇرىس باعىتتا كەلە جاتىرمىز»، دەي­دى بەلارۋس مامانى.

ەۋروپالىق ارەنادان سوڭعى بولىپ «قايرات» كەتتى. راس، «قايرات» سىرت الاڭ­دا دوپ تەپكەنىنە قاراماستان، ءتاپ-ءتاۋىر وينادى. الايدا بىلتىر دا تاپ وسىنداي ستسەناري قايتالانىپ، ال­ماتىلىقتار يزرايل كومانداسىنان جەڭىلىپ قالىپ ەدى. باس باپكەردىڭ وسى جايتتى نەگە ەسكەرمەگەنى ءبىزدى قىنجىلتادى.

بۇل جايىندا «قىزىلجار» كو­مان­­داسىنىڭ بۇرىنعى باس باپكەرى ءالي اليەۆ بىلاي دەيدى: «ەگەر «قاي­رات» اپوەل-مەن كەزدەسسە، ولار دا «قاي­سار» سياقتى پروبلەماعا تاپ بولار ەدى. ال الماتىلىقتار وزدە­رىنەن دەڭگەيى تومەن «ماككابي» كومانداسىن دۇرىس باعالاي المادى. يز­رايلدىكتەر ستاندارتتى ايىپ دوبىنا قاتتى ءمان بەرەدى ەكەن. ءبىرىنشى گولدى ناق سول ايىپ دوبىن ورىنداۋدا سوقتى. «قايراتتىڭ» قورعاۋشىلارى – ءنۇرالى ءالىپ پەن رادە دۋگاليچتىڭ نە ىستەپ تۇرعانىن تۇسىنبەدىم. جارايدى، ءنۇرالى ءالى جاس. بىراق تاجىريبەلى دۋ­گاليچ بارلىعىن ءوز باقىلاۋىندا ۇس­تاۋى كەرەك ەدى. جالپى، باس باپكەر الەكسەي شپيلەۆكي قورعاۋشىلاردا پروبلەما بارىن ىشكى بىرىنشىلىك ويىن­دارىندا بىلە تۇرا، الدىن الا ارەكەت جاسامادى. ناتيجەسىندە «قاي­رات» ەۋروپا ليگاسىمەن ەرتە قوشتاستى.

 

«كەلىمسەكتەرگە» ۇستاتا سالعان قۇجاتىمىزدا نە قۇن قالدى؟

بۇگىندە قازاقستان فۋتبولىنىڭ 11 كومانداسىندا 104 شەتەلدىك فۋتبولشى ءجۇر. بۇل جاعىنان بiز فۋتبولى ەرەكشە وركەن جايعان، وزدەرi باي ەل – انگليا، يسپانيا، يتاليادان كەيىنگى ورىندا تۇرعان سياقتىمىز... 11 كوماندادا – 104 لەگيونەر! بار­لىعىن قوسقاندا بiر ساتتە الاڭعا 121 ويىنشى شىعاتىنىن ەسكەرسەك، جوعارىدا ايتقان لەگيونەرلەر تىم كوپ. ولاردىڭ قاتارىنا بiرەر ماۋسىم كومانداعا ەنiپ، سول كلۋبتىڭ نامىسىن عانا قورعاپ، ازاماتتىق العان – ەريچ، پوستنيكوۆ، مالىي سياقتى «وتانداستارىمىزدى» قوسىڭىز. سول ويىنشىلاردىڭ باس باپكەرمەن نە كلۋب پرەزيدەنتiمەن كەلiسپەي قالعان كۇنi-اق كەلگەن جاعىنا تارتىپ كەتەتiنىنە كامىل سەنىمدىمىز. ونداي مىسالدار وتە كوپ. ماسەلەن، قازاقستان ۇلتتىق قۇراما ساپىندا ونەر كورسەتكەن ميحايل روجكوۆ، دميتري لياپكين سەكىلدى فۋتبولشىلار قازىر رەسەي اسىپ كەتكەن. بiر كۇندiك ابىرويدى ويلاپ، شەتەلدىكتەرگە مەملەكەتiمiزدiڭ ەڭ قاسيەتتi قۇجاتىن، وزگە جۇرت جىلداپ كۇتەتىن ازاماتتىقتى وپ-وڭاي الىپ بەرگەن فۋتبول فۋنكتسيونەرلەرىنىڭ ارەكەتىن نەگە تەڭەيمىز؟! اتاجۇرتىن اڭساپ كەلگەن قانداستارىمىزدىڭ ءوزi تۋعان توپىراعىنا تابانى تيگەن سوڭ دا ازاماتتىقتى بەس جىل كۇتiپ ارەڭ العاندا، الگiدەي «كەلىمسەكتەرگە» ۇستاتا سال­عان قۇجاتىمىزدا نە قۇن قالدى؟

ءبىر عانا مىسال، چەمپيون بولعان «استانانىڭ» بيىلعى قۇرامىندا ەكى-اق قازاق ويىنشىسى بار. ال وسىدان ۇيالعان «استانا» بولسا، كورگەن كوزiمiز شىقسىن! ...سول «استانا» بەيسەنبى كۇنى ەۋروپا ليگاسىندا ماڭدايىمەن جەر ءسۇزiپ قايتتى.

ەندى قايتپەك كەرەك؟ تىعىرىقتان شىعار جول قايسى؟ وسى ساۋالدىڭ جاۋابىن قازاقستاننىڭ ەڭبەك سىڭىرگەن قايراتكەرى نەسىپ جۇنىسباەۆ سوناۋ 90-جىلدارى تاپقان كورىنەدى. «رەسپۋبليكامىزدا فۋتبولشى جاس­تار تاربيەلەۋ iسi اقساپ تۇر. مەنiڭ ويىم­شا، باستى كەمشiلiك – تالانتتاردى تاۋىپ، تاربيەلەۋگە كەتەتiن ۇزاق جىلعا شىداماي، تەز ناتيجەگە جەتىپ الۋعا تالپىنۋشىلىق، – دەيدى نەسىپ ءجۇنىسباي ۇلى. – جەر، ەل بولا­شاعىن ويلاۋدان گورi ءوز بۇگiنiن قامتاماسىز ەتۋگە دەگەن اشقاراق پسي­حولوگيا جەڭiپ تۇر. بولماسا، قاي سالادان دا تالانت تاۋىپ تاربيەلەۋگە بولادى عوي. سوناۋ 1991 جىلى قۇ­رىلعان «نامىس» ۇلتتىق فۋتبول كلۋ­بىنىڭ جانكەشتi جۇمىسىنىڭ ناتيجەسiندە قازاق فۋتبولىنىڭ جار­قىن جۇلدىزى ايدار كۇمiسبەكوۆ، نۇر­بول جۇماسقاليەۆ، الiبەك بولە­شوۆ، دياس كەمەلوۆ سىندى ۇلتتىق قۇراما ساپىندا تەر توككەندەر تۇلەپ ۇشتى. مۇنان سوڭ نيەت قويىپ iزدەپ، قوسىمشا تەر توگiپ، وعان جۇرەك ءنارiن قوسا بەرiپ تاربيەلەسەڭ تالانت­تى جاستار بار ەكەنiنە دالەلدiڭ نە كەرەگi بار؟! قازاق فۋتبولىن شەتەل­دىكتەر قورعاۋعا تيiس ەمەس! ءوزiن ءوزi سىيلايتىن ەل، حالىق، مەملەكەت ءوز جەرiندەگi بiردە بiر ۇلت، ۇلىس وكiل­دەرiن قورلاۋعا بەرمەي تۇرىپ-اق، ءوز ۇل-قىزدارىنىڭ ءوسiپ-جەتiلۋiنە، ەۋ­روپا تۋرنيرلەرىندە جارقىراپ شى­­عۋىنا مۇمكiندiك تۋعىزا الادى. سو­لاي iستەۋگە مiندەتتi دە! ءبىز دە سولار­دىڭ قاتارىندا بولۋىمىز كەرەك».

 

جىل سايىن – 56 ملرد تەڭگە

جاسىراتىنى جوق، ەلىمىزدەگى كەز كەلگەن كلۋبتى الىپ قاراساڭىز، ولاردىڭ تاعدىرى جەرگىلىكتى اكىم­دەردىڭ قولىندا. پرەمەر-ليگاداعى كوماندالاردىڭ اياق الىسىنا قاراپ وتىرىپ-اق سول وڭىردەگى اكىمنىڭ فۋتبولعا دەگەن كوزقاراسىنىڭ قاي دەڭگەيدە ەكەنىن اڭعارۋ قيىن ەمەس. الايدا جاقىندا عانا پرەزيدەنت قاسىم-جومارت توقاەۆ ءوز جولداۋىندا پان­دەميا كەزىندە كاسىبي سپورتتىق كلۋبتاردى بيۋدجەت ەسەبىنەن قار­جىلاندىرۋدى توقتاتۋ تۋرالى تاپسىرما بەردى. ال بۇل، مەملەكەت بيۋدجەتىنەن قارجىلاندىرىلىپ وتىر­عان فۋتبول سالاسىنا ۇلكەن سوق­قى بولماق. ويتكەنى پرەمەر-ليگاداعى كوماندالاردىڭ تەك بيىل­دىڭ وزىندە بيۋدجەتتەن ونداعان ملرد تەڭگە قاراجات الىپ وتىر. Kursiv.kz سايتىنىڭ مالىمەتىنشە، كوماندالاردىڭ 2020 جىلعا جوسپارلانعان بيۋدجەتى مىناداي: «ا­ستانا» 15 ملرد، «قايرات» – 8 ملرد، «ورداباسى» – 7 ملرد، «توبىل» – 4،5 ملرد، «قايسار» – 4 ملرد، «شاحتەر» – 4 ملرد،  «ەرتىس» – 3،8 ملرد (بانكروت دەپ تانىلدى)، «جەتىسۋ» – 3،3 ملرد، «كاسپي» – 2 ملرد، «وقجەتپەس» – 1،9 ملرد، «تاراز» 1،9 ملرد، «قىزىل-جار سك» – 920 ميلليون تەڭگە.

مەملەكەت باسشىسىنىڭ تاپسىرماسىنا سايكەس، بيۋدجەت ەسەبىنەن قار­جىلاندىرۋ توقتاتىلسا، كوماندالاردى ساقتاپ قالۋ ءۇشىن شۇعىل تۇردە ارەكەت ەتىپ، دەمەۋشىلەر تابۋ كەرەك. ايت­پەسە، ءبىرشاما فۋتبول كلۋبى «ەر­تىستىڭ» كۇيىن كەشەتىنى حاق. سەبەبى ەلىمىزدەگى كەز كەلگەن كوماندا ءوزىن ءوزى اسىراي المايدى. مىسالى، فۋتبولى قارىشتاپ دامىعان يسپانيا، انگليا، يتاليا كلۋبتارىنا مەتسەناتتار دەمەۋشىلىك جاساۋ ءۇشىن كەزەككە تۇرادى. ونداي سۇرانىسقا يە كوماندالاردىڭ كىرىسى دە اناعۇرلىم جاقسى بولاتىنى ءسوزسىز.

ال بىزدە شە؟ ەۋروپادا اجەپتاۋىر دوپ تەپكەن «استانانىڭ» تابىسىن ەسەپتەپ كورەيىك. ينتەرنەت جەلى­سىندەگى مالىمەتتەرگە سۇيەنسەك، بىلتىر كوماندا بيلەت ساتۋدان بارلىعى – 355 ميلليون تەڭگە، ترانسفەردەن 245 ملن تەڭگە پايدا تاۋىپتى. ۋەفا-دان تۇسكەن قارجى – 2 ملرد 345 ملن تەڭگە.

جوعارىدا كورسەتىلگەن تابىس­تار جالپى كىرىستىڭ 30 پايىزىنا دا جەتپەيتىندىكتەن، الداعى ۋاقى­تتا «سامۇرىق-قازىنا» ۇاق بەرىپ وتىرعان قاراجات توقتاسا، «استانا­نىڭ» جاعدايى نە بولاتىنىن سپورت سا­را­پشىسى ارداق توعىموۆ ايتىپ بەردى.

– بۇگىندە كوماندالاردىڭ تاع­دىرى وبلىس اكىمدىگىنە بايلانىس­تى. «قايراتتىڭ» ءوزىن مەملەكەت قار­جىلاندىرادى. ءبىر جاعىنان جاقسى، قاراپايىم ازاماتتاردىڭ سپورتقا قىزىعۋشىلىعىن ارتتىرادى. تانىمال فۋتبولشىلار كەلدى. بىزگە «اتلەتيكو»، «سپورتينگ»، «گا­لا­تاساراي» سياقتى مىقتى كوماندالار قارسىلاس بولدى. ەكىنشى جاعىنان الساق، ەلگە ەش پايداسى جوق، تەك كەلىپ كەتەتىن ويىنشىلاردى اسىراپ وتىرمىز. بالالار، جاسوسپىرىمدەر سپورت مەكتەپتەرى، باسقا سپورت تۇرلەرى زار­داپ شەگۋدە. قايبىر جىلدارى «اقتوبە» كومانداسىن ۇستاۋعا بۇكىل وبلىستىڭ سپورتقا بولگەن قار­جىسىنىڭ 70-80 پايىزى كەتكەن. سونشاما قارجى قايدا جۇمسالدى؟ لەگيونەرلەردى اسىراۋعا كەتتى. نە سالىنعان سپورتتىق بازا جوق، نە ءوز ستاديونى جوق. اقىر سوڭىندا كوماندا ءبىرىنشى ليگاعا كەتىپ تىندى. ەندى پرەزيدەنتتىڭ تاپسىرماسى قولعا الىنسا، ءبارىنىڭ شارۋاسى قيىندايدى. ءوز ويىن­شىلارىمىز عانا قالادى. سوندىقتان بۇل شەشىمدى قولدايمىن. دەمەۋشىلەر تارتۋ كەرەك، باسقا دا تابىس كوزدەرىن تابۋ قاجەت، قىسقاسى كوماندالار ءوز-وزدەرىن اسىراي الۋى ءتيىس، – دەيدى سپورت ساراپشىسى.

كەز كەلگەن باستامانىڭ نەگىزگى جوسپارى، ماقساتى بولادى. سول جوس­پار مەن ماقسات ارقىلى ناتيجەگە قول جەتكىزە الامىز. مىنە، بۇگىن ءبىز قازاق فۋتبولىنىڭ ءبىراز كەم-كەتىگىن فۋتبول توڭىرەگىندە جۇرگەن ازاماتتارمەن تالقىعا سالۋعا تىرىستىق. كەيبىر ماسەلەنىڭ جاۋابىن دا بەردىك.

قازاق فۋتبولى مەملەكەتتىڭ موي­نىندا از وتىرعان جوق. جەرگىلىكتى بيۋدجەتتى بۇيىرىنەن سورىپ وتىرعاندا دا ەلدىڭ اتىن شىعاراتىن كوماندا جارق ەتكەنى شامالى. مۇنىڭ سەبەبى «وزىڭنەن تۋماي ۇل بولماستىڭ» كەرى سياقتى. سوندىقتان دا قازاق فۋتبولىنىڭ نامىسىن ءوز ۇلاندارىمىز قورعاۋ ءۇشىن، قازاق بالاسى دوپ تەبۋىنە مۇمكىندىك جاساۋ كەرەك.

سوڭعى جاڭالىقتار

7 ءوڭىر «سارى» ايماقتا

كوروناۆيرۋس • كەشە

كوبەلەكتەر كورمەسى

ايماقتار • كەشە

كوكشەدەگى ونەر سايىسى

ايماقتار • كەشە

"حات قورجىن"

قوعام • كەشە

قوڭىر اۋەن

ونەر • كەشە

بالقاشتان باستاۋ الدى

ايماقتار • كەشە

كوتەرمەاقى كولەمى ءوستى

ايماقتار • كەشە

جىرشىلىق ونەر – جان ازىعى

ونەر • 21 قىركۇيەك، 2021

جاڭارعان جولدار – تاۋەلسىزدىك تارتۋى

قازاقستان • 21 قىركۇيەك، 2021

داعدارىس پەن دارمەنسىزدىك

ەكونوميكا • 21 قىركۇيەك، 2021

ۇلتتى ۇلىقتايتىن سۋرەتكەر

تەاتر • 21 قىركۇيەك، 2021

قازاق شىعارماسى اقش-تا باعالاندى

ادەبيەت • 21 قىركۇيەك، 2021

تاشەنوۆتىڭ قالتا ساعاتى

تاريح • 21 قىركۇيەك، 2021

سيقىرلى ساز

ونەر • 21 قىركۇيەك، 2021

دۇنيەجۇزىلىك كورمە – دۋبايدا

وقيعا • 21 قىركۇيەك، 2021

العا باستايتىن باعىت-باعدار ايقىن

ەل جانە ەلباسى • 21 قىركۇيەك، 2021

تۇراقتى ازىق-ت ۇلىك جۇيەسىن قارجىلاندىرۋ

ەكونوميكا • 21 قىركۇيەك، 2021

نورۆەگيانىڭ ۇلتتىق مىندەتى

الەم • 21 قىركۇيەك، 2021

اقمولا وبلىسىندا زاڭسىز تسەح انىقتالدى

ايماقتار • 21 قىركۇيەك، 2021

ۇقساس جاڭالىقتار