اكتسيا قازاقتىڭ ۇلى ويشىلى, جازۋشى جانە قوعام قايراتكەرى اباي قۇنانباي ۇلىنىڭ مەرەيتويىنا ورايلاستىرىلدى.
جارىسقا قاتىسۋشىلار مارشرۋت بويىنشا قوزعالىستى «تۇيىقسۋ قاقپاسى» بازالىق لاگەرىنەن باستادى. اسكەري قىزمەتشىلەر كۇردەلى سەيسميكالىق قاۋىپتى ۋچاسكەلەر مەن جارتاستاردى ەڭسەرۋ بارىسىندا جاۋىنگەرلىك ماشىقتارى مەن شەبەرلىكتەرىن كورسەتتى. توپ قۇرامىندا العاش رەت وسى بيىكتىكتى باعىندىرعان الپينيستەر دە بولدى.
اسكەري قىزمەتشىلەر شىڭدى باعىندىرعاننان كەيىن وعان قازاقستان رەسپۋبليكاسىنىڭ تۋىن تىكتى. سونداي-اق, شىڭ باسىنا قارۋلى كۇشتەر اتىنان ەسكەرتكىش ءمارمار تاقتاسى ورناتىلدى.
