ايماقتار • 19 قىركۇيەك، 2020

اتىراۋ تۇرعىنى تۇرمەنىڭ اۋلاسىنا ءموبيلدى تەلەفون لاقتىرعان

193 رەت كورسەتىلدى

بۇل وقيعا تامىز ايىندا بولعان. جاقىندا اتىراۋ قالالىق اكىمشىلىك سوتىندا ۋگ-157/9 مەكەمەسىنىڭ اۋلاسىنا ءموبيلدى تەلەفون، مودەم مەن سيم-كارتا لاقتىرعان قالا تۇرعىنىنا قاتىستى ءىس قارالدى، دەپ حابارلايدى Egemen.kz.

“11 تامىزدا تۇنگى ساعات 3:00 شاماسىندا مەكەمەنىڭ قاراۋىلى سكوتچقا ورالعان تۇيىنشەكتىڭ مەكەمە اۋلاسىنا لاقتىرىلعانىن حابارلاپ، اتىراۋ قالالىق پوليتسيا باسقارماسىنىڭ جەدەل-تەرگەۋ توبى شاقىرىلدى. ايعاق زاتتاردى قاراۋ كەزىندە 4 “Samsung” ءموبيلدى تەلەفونى، قۋاتتاعىش قۇرىلعى، سيم-كارتالار مەن 2 مودەم تابىلدى. ءموبيلدى تەلەفوندا قالا تۇرعىنىڭ سۋرەتتەرى ساقتالعانى انىقتالدى. تۇنگى ۋاقىتتا جاسىرىنىپ، زاتتاردىڭ تۇسكەن جەرىنە كەلگەن جازاسىن وتەۋشىنىڭ ءبىرى ۇستالدى” دەپ حابارلادى اتىراۋ وبلىسى بويىنشا قىلمىستىق-اتقارۋ جۇيەسى دەپارتامەنتىنىڭ ءباسپاسوز قىزمەتى.

تۇرمەدە جازاسىن وتەۋشى زاڭسىز “سالەمدەمەنى” لاقتىرعان ازاماتتىڭ اتى-ءجونىن ايتپاعان. بىراق مامىر ايىندا “كۋرەر” مەن “تاپسىرىس بەرۋشىنىڭ” قىسقا مەرزىمدى كەزدەسۋى بولعانى انىقتالدى. دەپارتامەنتتىڭ پوليتسيا قىزمەتكەرلەرىمەن بىرلەسكەن جۇمىسىنىڭ ناتيجەسىندە زاتتاردى لاقتىرىپ، قۇقىق بۇزۋشىلىق جاساعان ازامات ۇستالدى.

اتىراۋ قالالىق اكىمشىلىك سوتىنىڭ قاۋلىسىمەن “سالەمدەمە” لاقتىرعان 25 جاستاعى قالا تۇرعىنىنا اكىمشىلىك جازا، ال، ۋگ-157/9 مەكەمەسىنىڭ اكىمشىلىگى “سالەمدەمەگە” تاپسىرىس بەرىپ، قابىلداماق بولعان جازاسىن وتەۋشىگە تارتىپتىك جازا قولدانىلدى.

سوڭعى جاڭالىقتار

تسيرك - الەم نازارىندا

قازاقستان • بۇگىن، 20:51

ۇقساس جاڭالىقتار