"ۋچاسكەلىك پوليتسيا ينسپەكتورلارى "ۋچاسكە" جەدەل الدىن-الۋ ءىس-شاراسى كەزىندە جەڭىل جۇرىسكە سالىنعان 11 بويجەتكەندى انىقتادى. ولار اتىراۋ قالاسىنداعى اۆانگارد ىقشاماۋدانىندا, ساتپاەۆ, ماحامبەت كوشەلەرىندە ورنالاسقان كوپ قاباتتى ۇيلەردىڭ پاتەرلەرىندە سەكسۋالدى سيپاتتاعى قىزمەتتى كورسەتكەن. قىزداردىڭ التاۋى – تۇركىستان وبلىسىنان كەلگەندەر. ۇستالعان قىزدارعا قاتىستى قر اكىمشىلىك قۇقىقبۇزۋشىلىق تۋرالى كودەكسىنىڭ 449-بابى (سەكسۋالدى سيپاتتا قىزمەتتەر كورسەتۋ) جانە 492-بابىمەن (قازاقستان رەسپۋبليكاسىندا تىركەۋسىز, جەكە باستى كۋالاندىراتىن قۇجاتسىز تۇرۋ) اكىمشىلىك حاتتامالار تولتىرىلىپ, پوليتسيا ورگاندارىنىڭ ەسەبىنە الىندى. سونىمەن قاتار ولارعا پاتەرلەرىن جالعا بەرگەن ازاماتتارعا قاتىستى قر اكىمشىلىك قۇقىقبۇزۋشىلىق تۋرالى كودەكسىنىڭ 450-بابى (جەڭگەتايلىق ءۇشىن ءۇي-جايلار ۇسىنۋ) بويىنشا اكىمشىلىك حاتتامالار تولتىرىلدى", -دەپ حابارلادى وبلىستىق پوليتسيا دەپارتامەنتىنىڭ ءباسپاسوز قىزمەتى.
جىل باسىنان بەرى ءتانىن ساتىپ, تابىس تابۋدى كاسىپ ەتكەن 70 ادام جاۋاپكەرشىلىككە تارتىلىپتى.
