ەكولوگيا • 19 قىركۇيەك، 2020

ءماجىلىس دەپۋتاتتارى “World cleanup Day” ەكولوگيالىق اكتسياسىنا قاتىستى

23 رەت كورسەتىلدى

ءماجىلىس دەپۋتاتتارى "World cleanup Day" اتتى ەڭ ءىرى ەكولوگيالىق اكتسياعا قاتىستى. قازاقستان دۇنيەجۇزىلىك تازالىق كۇنىنە مەملەكەت باسشىسىنىڭ "Birge - taza Qazaqstan" اكتسياسىن تۇراقتى نەگىزدە وتكىزۋ جونىندەگى تاپسىرمالارىن ىسكە اسىرۋ اياسىندا قوسىلدى، دەپ حابارلايدى Egemen.kz

ءماجىلىس دەپۋتاتتارى نۇر-سۇلتان قالاسىنىڭ ەسىل وزەنى بويىنداعى ساياباق اۋماعىندا ۇيەڭكى، قاراعاش، ەمەن، قاراعاي، شىرشا، قاراعاي كوشەتتەرىن وتىرعىزدى. وسىلايشا دەپۋتاتتار نۇر-سۇلتاننىڭ وڭ جاعالاۋىنداعى قازاقستاندىقتاردىڭ بەلسەندى دەمالىسى ءۇشىن قولايلى دا زاماناۋي كەڭىستىككە اينالدىراتىن ايماقتى اباتتاندىرۋعا ءوز ۇلەستەرىن قوستى.

ەلدى كوگالداندىرۋ - مەملەكەت باسشىسى قاسىم-جومارت توقاەۆتىڭ «جاڭا جاعدايداعى قازاقستان: ءىس-قيمىل كەزەڭى» اتتى جولداۋىندا قويعان ماڭىزدى مىندەتتەرىنىڭ ءبىرى. الداعى بەس جىلدا ورمان قورىنا 2 ميللياردتان استام، ەلدى مەكەندەرگە 15 ميلليون اعاش وتىرعىزۋ جوسپارلانىپ وتىر.

بۇگىنگى تاڭدا ەكولوگيا جانە قورشاعان ورتانى قورعاۋ ماسەلەلەرى ءماجىلىس دەپۋتاتتارىنىڭ ۇنەمى نازارىندا. وسىعان سايكەس، پالاتا ەكولوگيالىق زاڭنامانى جاڭعىرتۋعا باعىتتالعان بىرقاتار زاڭ جوبالارىن ازىرلەۋ ۇستىندە. ونىڭ ىشىندە جاڭا «ەكولوگيالىق كودەكستىڭ» جوباسى بار.

سونىمەن قاتار، ءماجىلىس دەپۋتاتتارى ەلدىڭ ەكولوگيالىق احۋالىن جاقسارتۋ ءۇشىن قاجەتتى زاڭدار قابىلداۋ، يننوۆاتسيالىق تەحنولوگيالاردى ەنگىزۋ، الدىن الۋ شارالارىن ازىرلەۋ جانە حالىقتىڭ ەكولوگيالىق مادەنيەتىن كوتەرۋدى قاجەت دەپ سانايدى. دەپۋتاتتاردىڭ پىكىرىنشە، بۇل حالىقتىڭ ءومىر ءسۇرۋ ساپاسىن جاقسارتۋدىڭ جانە تۇتاستاي العاندا ەلدىڭ تۇراقتى دامۋىنىڭ قاجەتتى العىشارتى.

ءار ءتۇرلى ەكولوگيالىق ناۋقاندارعا قاتىسۋ قورشاعان ورتاعا ۇقىپتى جانە جاۋاپكەرشىلىكپەن قاراۋعا، ەكولوگيالىق قۇندىلىقتاردىڭ قالىپتاسۋىنا ىقپال ەتەدى.

سوڭعى جاڭالىقتار

تسيرك - الەم نازارىندا

قازاقستان • بۇگىن، 20:51

ۇقساس جاڭالىقتار