رۋحانيات • 18 قىركۇيەك، 2020

يمانبەكتىڭ يىرىمدەرى

496 رەت كورسەتىلدى

قۇداي تاعالا باق بەرەمىن دەسە وقۋ-توقۋىڭا دا، ماماندىق-مان­سابىڭا دا قارامايدى ەكەن عوي. تىنىمسىز تىرشى­لىك­­تە دارىنىڭدى دامىلسىز دا­مىت­ساڭ، ەڭبەگىڭدى ەكى ەسە­لە­سەڭ، جى­گەرىڭ مەن جۇرەگىڭدى سۇ­يىكتى ىسى­ڭە سۇيكەي سالساڭ بول­عانى كۇل­لى جاراتىلىستىڭ جانا­رى ساعان بۇ­رى­لارى ءسوزسىز. وعان دالەل – تەمىر جول سالا­سىندا قىز­مەت ىستەپ جۇرگەن يمانبەكتىڭ ءان ارقىلى الەم جۇرت­شى­لى­عىنا ايگىلى بولۋى.

Imanbek دەگەن لاقاپ اتپەن تانىلعان تالانتتىڭ تولىق اتى-ءجونى – يمانبەك زەيكەنوۆ. ول 2000 جىلى پاۆلودار وبلىسىندا دۇنيەگە كەلگەن. قازاقستاندا، رە­سەيدە، ۋكراينادا Imanbek Music لەيبلىمەن بەلگىلى قازاق پرو­ديۋسەرى جانە حاۋس-مۋزىكا رە­ميكسەرى. 2019 جىلى Saint Jhn-نىڭ «Roses» انىنە ءوزىنىڭ رە­ميك­سىن جاساپ، حالىقارالىق دەڭ­گەي­دە تانىمال بولدى.

قارشاداي بالانىڭ ءان الەمىنە قادامى 8 جاسىندا العاش رەت اكە­سى سىيلاعان گيتارادان با­س­تالعان. جو­عارى ەلەكترونيكا جانە كوم­مۋ­­نيكاتسيالار كوللەدجىندە وقىپ ءجۇ­رىپ، اقسۋ تەمىرجول ستانساسىندا قاتار جۇمىس ىستەگەن.

يمانبەك 17 جاسىنان باستاپ رەميكس جاساۋدى قولعا الادى. ال­عاشقىدا رەسەيلىك Effective Records لەيبلى ارقىلى اتاقتى امەريكالىق رەپەردىڭ «Roses» انى­نە رەميكس جاساعان. رەميكس Saint Jhn قاتىسۋىنسىز جاسالدى، ويتكەنى رەپەرمەن بايلانى­سۋ ارەكەتتەرى ساتسىزدىكپەن اياق­­تا­لىپ، يمانبەك جاۋاپ الا ال­ما­عان. رەميكستەلگەن ءان بۇكىل ەۋ­رو­پاداعى، سونىڭ ىشىن­دە بەلگيا، ما­جارستان، نيدەر­لا­ند، پولشا، ءۇندىستان جانە شۆەتسياداعى كوپ­تە­گەن چارتتا كوزگە تۇسكەن جانە Shazam World-دا 3-ورىندى يە­لەنگەن. رەميكستىڭ ساتتىلىگى مەن تانىمالدىلىعىنا سۇيەنە وتى­رىپ، 2016 جىلى جازىلعان تۇپ­نۇسقا ءان 2019 جىلى US Billboard، British Singles Chart جانە اۋستريا، كانادا، دانيا، فران­تسيا، گەرمانيا، يرلانديا سياقتى باسقا ەلدەردىڭ چارتتارىنا شىققان. ول ءوزىنىڭ العاشقى ءانىن Spinnin Records Drama Re­cor­ds-تا شىعاردى.

جالپى، رەميكس دەگەنىمىز – مۋ­زى­كالىق شىعارمانىڭ باس­تاپ­قى تۇپنۇسقادان كە­يى­نى­رەك جانە قازىر­گى زامانعى تەح­ني­كا­لاردىڭ كومە­گىمەن جازىلعان نۇسقاسى. كەيدە ول تۇپنۇسقا شى­عار­مانىڭ بىرنەشە بولىگىن «ارالاستىرۋ»، ونى ءارتۇرلى دىبىس­تارمەن قاباتتاۋ، ارنايى ەففەكتتەر، تەمپ­تى، پەرنەنى جانە باسقا ەلە­مەنت­­تەرىن وزگەرتۋ ارقىلى جاسا­لا­دى.

«شىندىعىن ايتۋ كەرەك، مەنىڭ مۋزىكالىق ءبىلىمىم جوق. بىراق ءاندى جان-جۇرەگىممەن تىڭداپ، وعان رەميكس جازامىن. اتا-انام ءاربىر جەتىستىگىمە قۋانىپ، تىلەكشى بولىپ جۇرەدى. ول كىسىلەردىڭ ريزاشىلعى مەنى شابىتتاندىرادى. ماعان ءارتۇرلى مەملەكەتتەردەن ءتۇرلى ۇسىنىستار ءتۇسىپ جاتادى. كوبىنە دوستارىممەن، جاقىندارىممەن اقىلداسىپ ءبىر شەشىم شىعارامىن. العاشقى جازعان رەميكسىم ءوزىن-ءوزى تانىتتى دەپ ايتا الامىن. ويتكەنى ول ءتۇرلى تانىمال توپتاردىڭ بو­لى­سۋىمەن كەڭ تارادى»، دەيدى يمانبەك.

ايتقانعا اڭىز، ەستىگەنگە ەرتە­گى بولىپ كورىنگەنىمەن جاس دا­رى­ننىڭ جاساپ جاتقان جاڭا­شىل باستامالارى جاھاننىڭ موي­نىن بۇرىپ مويىنداتقانىن الاش پەرزەنتى زاماننىڭ تىنىسىن ءدوپ باسقانىن اڭعارتسا كەرەك. شىنايى دا شىمىر شى­عا­رىلىمدارىنىڭ ىشىندەگى شوق­تى­عى بيىگى ءھام نەگىزگىلەرىنە مىنا­لار­­دى جاتقىزۋعا بولادى. ولار: «Take Me» (O'Neill-مەن بىرگە)، «Hot» (Parah Dice-پەن بىرگە)، «Smoke It Up» (Stephanskiy-مەن بىرگە)، «Dope»، «Clandestina» (with FILV & Edmofo featuring Emma Peters)، «Romantic Dance» (DJ DmimixeR feat. MURANA) جانە تاعى دا باسقالارى.

يمانبەكتىڭ كوللەدجدە سا­باق بەرگەن ۇستازى جانارگۇل مەي­رام­قى­زى ونىڭ وقۋدا وزات، قوعام­دىق جۇ­مىس­تا بەلسەندى بولعانىن ايتتى. ونەرگە قۇشتار ورەننىڭ ءومىر جولىندا وزىندىك قولتاڭباسىن قالدىرۋعا تابيعي تالانتى تولىق جەتەتىنىنە سەنىم ءبىلدىردى.

«وقۋ جىلىنىڭ باسىنان باس­تاپ (2016 جىل) يمانبەك وتە جىگەرلى جىگىت بولىپ كورىندى. مىنەز-قۇلقى مەن سويلەۋىنە قاراپ ماعان قيىندىق تۋعىزادى دەپ ويلادىم. ءبىز ساباقتان كەيىن توپپەن ءجيى جينالىپ، ءبىر-ءبىرىمىزدى جاقسى ءبىلۋ ءۇشىن سىنىپ ساعاتتارىن وتكىزدىك. مەن ولاردىڭ ەڭ جاقسى توپ بولعانىن قالادىم. ۋاقىت وتە كوللەدجدىڭ  ەڭ ۇزدىك توبى بولدى. ولاردىڭ جادىندا ستۋدەنتتىك ءومىر ەڭ قىزىقتى جانە جارقىن بولسا ەكەن دەپ ويلادىم. مەنىڭشە، ءبىزدىڭ جوعارى ەلەكترونيكا جانە كوممۋنيكاتسيالار كوللەدجى ول ءۇشىن ءبارىن جاسادى. كۇن سا­يىن يمانبەك وزگەرە باس­تا­دى، ءتىپتى كەرىسىنشە ءوزىن تاپتى دەپ ايتساق تا بولادى. مەن ونىڭ مۋ­زىكاعا دەگەن قۇشتارلىعىن كور­دىم، ءۇزىلىس كەزىندە ءبىزدىڭ كو­ڭى­لىمىزدى كوتەرىپ، داۋىسىمىز­دى وزگەرتىپ، مۋزىكا جازىپ وتىراتىن. ءبىزدىڭ توبىمىز ءارتۇرلى كونتسەرتتەرگە جاۋاپتى بولدى، مۋزىكانى باسقارۋ پۋلتىنە  مەن يمانبەكتى وتىرعىزدىم. كوللەدجدىڭ بار­لىق اك­كۋس­­تيكالىق جۇيەسىن  قول­دانىپ، جۇرگىزۋشىلەردىڭ قاتى­سۋىن­سىز كونتسەرتتەر قويدىق جانە دىبىس جولىنا يمانبەك جاۋاپ بەردى، سولاي ءتورت جىل دا ءوتىپ كەتتى»، دەدى ۇستازى.

سونىمەن قاتار ول مۋزىكا يمانبەكتىڭ وقۋ وزاتى بولۋىنا كە­دەرگى كەلتىرمەگەنىن جەتكىزدى.

«ول ماتەماتيكا، حيميا، فيزيكا پاندەرىن ءدال وسى كوللەدج­دە وتە جاقسى يگەردى. بۇل ءۇشىن ءبىزدىڭ وقىتۋشىلارىمىزعا، ءوز ءىسىنىڭ شەبەرلەرىنە جەكە العىس ايتۋعا بولادى. مىنە، ءۇش جىلدان كەيىن يمانبەك ءۇشىنشى كۋرس­تا «تەمىرجول كولىگىندەگى تاسىمالداۋدى ۇيىمداستىرۋ جانە قوزعالىستى باسقارۋ» ماماندىعى بويىنشا سيگنال بەرۋشى بولىپ جۇمىسقا ورنالاستى. قازىر ول ءوزىنىڭ اۋەسقوي مۋزىكاسىنا كوبىرەك ۋاقىت بولەدى. بيىل كول­لەد­جدى قىزىل ديپلوممەن ءبى­تىر­دى. اتا-اناسىنا قولداۋ كور­سەت­كەنى ءۇشىن جەكە العىس ايتۋ كەرەك. ويتكەنى ولار يمانبەكتى ناعىز ازامات قىلىپ تاربيەلەگەن. ءتورتىنشى سىنىپتان باستاپ گيتارادا وينادى. ونىڭ تاربيەسىندە، ول ايتقانداي، اتاسى بولەك ورىن الدى. ول اتاسىن وتە جاقسى كور­دى جانە قۇرمەتتەيدى»، دەيدى ج.مەيرامقىزى. 

ايتا كەتەتىن تاعى ءبىر جايت، ءبىزدىڭ كەيىپكەرىمىز وتكەن جى­لى «قازاقستاننىڭ 100 جاڭا ەسى­مى» مەملەكەتتىك جوباسىنىڭ جە­ڭىم­پا­زى اتانىپ، 24 062 داۋىسپەن «مادەنيەت» اتالىمىندا ءبىرىنشى ورىن­عا يە بولعان.

 

سوڭعى جاڭالىقتار

اراق ساتىلمايتىن اۋدان

ايماقتار • كەشە

ەرلىككە تولى سۋرەتتەر

رۋحانيات • كەشە

ۇقساس جاڭالىقتار