كەزدەسۋ بارىسىندا تۇركى كەڭەسىنىڭ توتەنشە ءسامميتىنىڭ شەشىمدەرىن ىسكە اسىرۋ ماسەلەلەرى تالقىلاندى. اتالعان جيىندا مەملەكەت باسشىلارى كوروناۆيرۋس پاندەمياسىمەن كۇرەسۋ ءۇشىن ۇلتتىق دەڭگەيدە قابىلدانعان شارالار تۋرالى جانە ەلدەرىمىز اراسىنداعى ىندەتپەن كۇرەس جونىندەگى ىنتىماقتاستىق بويىنشا پىكىر الماسقان بولاتىن.
سەنات توراعاسى تۇركپا-نىڭ قازاق, ءازىربايجان, قىرعىز جانە تۇرىك تىلدەرىندەگى تەرمينولوگيالىق بىرىڭعاي زاڭ انىقتامالىعىن قۇرۋ يدەياسىنا قولداۋ ءبىلدىردى. بۇل جوبا ۇيىمعا قاتىسۋشى ەلدەردىڭ زاڭناماسىندا قولدانىلاتىن قۇقىقتىق تەرمينولوگيامەن جۇمىستى ايتارلىقتاي جەڭىلدەتە الادى.
ماۋلەن اشىمباەۆ بىلتىر جاستار جىلى اياسىندا قازاقستان استاناسىندا جاس پارلامەنتشىلەردىڭ العاشقى وتىرىسى وتكەنىنە نازار اۋدارىپ, بۇل باستامانىڭ بولاشاقتا جالعاساتىنىنا سەنىم ءبىلدىردى.
سونىمەن قاتار تاراپتار تۇركپا ەلدەرى پارلامەنتشىلەرىنىڭ كوپجاقتى ىنتىماقتاستىعىن ودان ءارى دامىتۋعا قاتىستى پىكىر الماسىپ, ۇيىم قىزمەتىنىڭ بىرقاتار وزەكتى ماسەلەلەرىن تالقىلادى.
