ءبىلىم • 17 قىركۇيەك، 2020

ونلاين ءبىلىم بەرۋ پلاتفورمالارىنىڭ جۇمىسى قارالدى

44 رەت كورسەتىلدى

پرەزيدەنت جانىنداعى ورتالىق كوممۋنيكاتسيالار قىزمەتىندە وتكەن بريفينگتە بىرقاتار ءبىلىم بەرۋ پلاتفورمالارىنىڭ جۇمىسى تالقىلاندى.

تسيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگى جانىنداعى بايلانىس سالاسىنداعى مەملەكەتتىك ساياسات جانە ينفراقۇرىلىم دەپار­تا­مەنتىنىڭ ديرەكتورى گۇلنار بوكەەۆا قاشىقتان وقىتۋدى قولداۋ ماقساتىندا بايلانىس وپەراتورلارىمەن بىرلەسە وتىرىپ ء«بىلىم» اتتى تاريفتىك جوسپاردىڭ شارتتارىن قايتا پىسىقتاپ شىعارعانىن جەتكىزدى. ونىڭ ايتۋىنشا، بۇل تاريفتىك جوسپاردىڭ ابونەنتتىك تولەمى 990 تەڭگەنى قۇرايدى. اتالعان تاريفتىك جوسپار وتاندىق ءبىلىم بەرۋ رەسۋرستارىنىڭ ءبارىن شەكسىز قولدانۋعا مۇمكىندىك پەن قوسىمشا 1 گبت ينتەرنەت بەرەدى.

ال «Daryn.online» ءبىلىم بەرۋ پلاتفورماسىنىڭ وكىلى ەرجان وڭالباەۆ:

ء«بىزدىڭ پلاتفورما قىزمەت­كەر­لەرىنىڭ تىنىمسىز جۇمىسى ناتي­جەسىندە قازاق سىنىپتارىنا ارنالعان ۆيدەو ساباقتار تولى­عىمەن ءتۇسىرىلىپ، سايتقا ورنالاس­تىرىلدى. ورىس سىنىپتارىنا ارنالعان ۆيدەو ساباقتاردىڭ 95 پايىزى پورتالىمىزدا تۇر. قازىرگى تاڭدا «Daryn.online» پلاتفورماسىمەن 500 مىڭ قولدانۋشى ءبىلىم الىپ وتىر. كۇنىنە 200 مىڭ دەۆايس ارقىلى «Daryn.online» سايتىنا كىرەدى. بۇل دەگەنىمىز – ءبىر تەلەفون، پلانشەت نەمەسە كومپيۋتەر ارقىلى 2-3 ادام قولدانىپ وتىر دەگەن ءسوز. ءبىر تاۋلىك ىشىندە پلاتفورمامىزدا 5 ملن ۆيدەو قارالىپ، 50 ملن تەست سۇراقتارىنا جاۋاپ بەرىلەدى»، دەدى.

«كۇندەلىك» جوباسىنىڭ باس ديرەكتورى مۇحتار ءىلياسوۆ ءوز كە­زەگىندە «كۇندەلىك.kz» پلاتفور­ماسىنىڭ مەملەكەت-جەكەمەنشىك سەرىكتەستىك رەتىندە 2016 جىلدان بەرى جۇمىس ىستەپ كەلە جاتقانىن جەتكىزدى.

«مەكتەپتەر، مەملەكەتتىك مەكەمەلەر، ءبىلىم باسقارمالارى پلاتفورمامىزدى تەگىن قولدانادى. ءبىز وتكەن IV توقسانداعى تاجىريبەگە سۇيەنىپ ءىت جۇيەنىڭ جۇمىسىن جاقسارتتىق. وسىلايشا بارلىق جۇيەنىڭ ينفراقۇرىلىمى 30 پا­يىزعا كەڭەيتىلدى. سونىڭ ناتيجە­سىندە جاڭا وقۋ جىلىندا تەح­نيكالىق اقاۋلار بولمادى. قازىرگى تاڭدا ءبىزدىڭ جۇيەنى 6 200 مەكتەپ قولدانادى. ناقتى ايتقاندا، 332 600 مۇعالىم، 2 838 563 وقۋشى مەن 2 ملن 16 990 اتا-اناعا قىزمەت كورسەتىپ وتىرمىز. «كۇندەلىك.kz» اتاۋىندا كورسەتىلىپ تۇرعانداي، 1-11 سىنىپتارعا ارنالعان اكادە­ميا­لىق پروتسەستى تولىعىمەن قام­تيدى»، دەدى م.ءىلياسوۆ.

«گاردەكس قازاقستان» جشس ديرەكتورى التىنبەك كۇمىسبەكوۆ «سفەرا» پلاتفورماسىنىڭ جۇمى­سىمەن تانىستىردى. ونىڭ ايتۋىنشا، اتالعان ءبىلىم بەرۋ پلاتفورماسى قاشىقتان وقىتۋدى ءتيىمدى جۇرگىزۋگە كومەكتەسۋدى كوزدەيدى. ازىرگە «سفەرا» پلاتفورماسى تەك الماتى قالاسى بويىنشا جۇمىس ىستەيدى. سوعان قاراماستان قازىردىڭ وزىندە «سفەرانىڭ» قولدانۋشىلار سانى 160 مىڭنان اسقان. كۇنىنە شامامەن 1،5 مىڭ ساباق وتەدى. بولاشاقتا قازاقستاننىڭ باسقا دا وڭىرلەرىندەگى ءبىلىم بەرۋ ۇيىم­دارىمەن جۇمىس ىستەۋدى جوس­پارلاپ وتىر.

 

سوڭعى جاڭالىقتار

نامىسىن تۋ ەتكەن

رۋحانيات • كەشە

ۇقساس جاڭالىقتار