جەرلەسىمىز ونەر كورسەتەتىن ءباا-ءنىڭ «ال اين» كومانداسى ازيا چەمپيوندار ليگاسىنىڭ توپتىق كەزەڭىنىڭ ءۇشىنشى تۋرىندا قاتارلىق «ال ساددپەن» كەزدەسىپ, 3:3 ەسەبىمەن تەڭ تارقاستى.
ەسەپتى ءبىرىنشى بولىپ الاڭ يەلەرى اشتى. ويىننىڭ 5 مينۋتىندا توگو قۇراماسىنىڭ ويىنشىسى لابانىڭ قانجىعاسى مايلانسا, اراعا 30 مينۋت سالىپ قوناقتار ساپىندا اكرام افيف كوزگە ءتۇسىپ, ەسەپتى تەڭەستىرىپ كەتتى.
كەزدەسۋدىڭ 38-مينۋتىندا امىرلىك كومانداسى العا شىقتى. يسلامحان ايىپ الاڭىنىڭ سىرتىنان جويقىن سوققى جاساپ, چەمپيوندار ليگاسىنداعى ەڭ ادەمى گولداردىڭ ءبىرىن سوقتى. بۇل كەشكە قوناقتار ساپىندا كاسورلا (55-مينۋت) مەن بۋنەدجاح (60-مينۋت) مەرگەندىك تانىتسا, حوۋحي («ال سادد») اۆتوگولدىڭ اۆتورى اتاندى.
