سەرىكتەستىككە سەرپىن بەرەتىن قۇجات

پرەزيدەنت ق.توقاەۆ جول­داۋدا كورسەتكەندەي, پوستكو­رو­نا­ۆيرۋستىق جانە بۇگىنگىدەي الەمدىك ءتارتىپ قالىپتاستىرۋ كەزەڭىندە ۇزاق مەرىزىمدى ۇلت جوسپارىن دا­يىنداۋ, ينستيتۋتسيونالدى رەفور­مالار جۇرگىزۋ جاھاندىق باسە­كەلەستىك جاعدايىندا باسىمدىققا يە بولۋدىڭ ماڭىزدى تالابى سانالادى. وسى رەتتە مەن مەملەكەت باسشىسىنىڭ مەملەكەتتىك اپپا­راتقا قاتىستى تۇبەگەيلى رەفورماسىن, مەملەكەتتىك قىزمەتكەرلەر سانىن قايتا قاراۋ, سونىمەن بىرگە شىنايى باسەكەلەستىكتى قام­تا­ماسىز ەتەتىن ورتا تۋدىرۋ, جەكە كاسىپكەرلىكتىڭ ماڭىزىن جانە نارىقتىڭ تيىمدىلىگىن ارتتى­رۋدى كوزدەۋدى قامتىعان ەكونومي­كانىڭ 7 نەگىزگى باعىتىن جوعارى باعالايمىن. 

كورەيا رەسپۋبليكاسىنىڭ ۇكى­مەتى قازاقستان پرەزيدەنتىنىڭ جول­داۋىندا كورسەتكەن مىندەت­تەرىن جۇزەگە اسىرۋ جولىندا سەرىك­تەستىگىن جالعاستىرماق. جول­داۋدا دەنساۋلىق ساقتاۋ, مەديتسي­نا ينفراقۇرىلىمىن دامىتۋ, سونىڭ ىشىندە ينفەكتسيالىق اۋرۋحا­نالار قۇرىلىسى مەن مەدي­تسينا قىزمەتكەرلەرىن دايار­لاۋعا قاتىستى بىرقاتار تاپسىر­ما ايقىندالعان. كورەيا رەسپۋب­لي­كاسى مەديتسينا الەۋەتى مەن جۇق­پالى اۋرۋلارمەن كۇرەس بو­يىنشا الدىڭعى قاتارلى ەلگە كىرەدى. بۇل كوروناۆيرۋسپەن كۇرەس كەزىندە ايقىن دالەلدەندى. ناتيجەسىندە, پاندەميامەن كۇرەستىڭ كورەيالىق تاجىريبەسى «كورەيانىڭ COVID-19-عا جاۋابى» دەپ اتالىپ, تانىمالدىلىققا يە بولدى. مەنىڭ ويىمشا, ەكى ەلدىڭ دەنساۋلىق ساقتاۋ مەن مەديتسينا سالاسىنداعى سەرىك­تەستىگى, اسىرەسە كورەيا رەس­پۋب­ليكاسىنىڭ تاجىريبەسىن ەسكەرسەك, جاقسى ناتيجە بەرىپ, قازاقستان حالقىنىڭ ءال-اۋقاتىنا وڭ اسەر ەتەدى. 

قازاقستاندا جۇمىس ىستەپ جاتقان, تەستىلەۋ دياگنوس­تي­كا­سىنىڭ وزىق تەحنولوگيالارىنا يە «MPK clinic» كورەي كلينيكاسى پاندەميامەن كۇرەستە شەشۋشى ءرول اتقاردى. وعان قوسا بىلتىر كورەيا رەسپۋبليكاسى پرەزيدەنتى مۋن چجە ءيننىڭ قازاقستان رەس­پۋب­ليكاسىنا ساپارىنان كەيىن جاساقتالعان دەنساۋلىق ساقتاۋ سالاسىنداعى قازاقستان-كورەي جۇمىس توبىنىڭ كومەگىمەن مەديتسينا سالاسىنداعى ارىپتەستىكتى بەكىتۋ بويىنشا ماسەلەلەر تالقىلانۋدا. كوروناۆيرۋستىڭ تارالۋىن توقتاتۋ بويىنشا دا كورەيا تاجىريبەسىن ءبولىسۋ جوباسى ىسكە اسىرىلۋدا. قازاقستاندا اۋرۋحانالاردىڭ قۇرىلىسىنا كورەي كومپانيالارىن قاتىستىرۋ مۇم­كىندىگى قاراستىرىلىپ جاتىر. كورەيا رەسپۋبليكاسى ۇكى­مەتى مەن كورەيالىق كومپانيالار قا­زاقستانعا گۋمانيتارلىق كومە­گىن جالعاستىرۋدا. بيىل العاش­قى التى ايدا قازاقستاندا جۇمىس ىستەپ جاتقان كورەيالىق كوم­پانيالار 400 مىڭ اقش دوللارى كولەمىندە گۋمانيتارلىق كومەك كورسەتتى. ال كورەيا رەسپۋب­ليكاسىنىڭ ۇكىمەتى تاراپىنان 800 مىڭ اقش دوللارى كولەمىندە گۋمانيتارلىق كومەك كورسەتۋ شەشىمى قابىلداندى. ول جاقىن ارادا قازاقستانعا جەتكىزىلەدى. 

پرەزيدەنت ق.توقاەۆ ءوز جول­داۋ­ىندا ەكونوميكانىڭ ءوسىمى «جا­سىل» ەكونوميكاعا نەگىزدەلۋى كەرەكتىگىن العا تارتتى. قازاق­ستاننىڭ ەكونوميكا پاراديگماسى جاھاندىق تەندەنتسياعا بەت بۇرعانى بايقالادى. ال وعان كوروناۆيرۋس پاندەمياسى سالدارىنان پايدا بولعان ەكونوميكالىق داعدارىستى ەڭسەرۋگە جۇمسالعان رەسۋرستاردى پايدالانۋ ارقىلى  قول جەتكىزبەك. كورەيا ۇكىمەتى دە جاقىندا ەلدىڭ دامۋى بويىنشا «جاڭا كورەيالىق كەلىسىم» باعىتىن جاريالادى. وندا جاڭا تسيفرلى جانە جاسىل باعىتتى دامىتۋ قاراستىرىلعان. سوندىقتان قازاقستانمەن جاڭا «جاسىل» باعىتتى دامىتۋ شەڭبەرىندەگى سەرىك­تەستىك مۇمكىندىگىنىڭ بولا­شاعى زور. ەكولوگيالىق تازا تەح­نو­لوگيالار مەن جاڭا تەحنولو­گيالىق دامۋ سالاسىنداعى ارىپ­تەس­تىك ەكىجاقتى قارىم-قاتىناس­تىڭ الەۋەتىن ودان ءارى كەڭەيتە تۇسەدى دەپ كۇتىلۋدە. ال بىلتىر ەكىجاقتى ساۋدا اينالىمى رە­كورد­تىق كولەمگە جەتكەن ەدى. 

قازىرگى تاڭدا ەكى ەلدىڭ ۇكى­مەتى قازاقستان پرەزيدەنتى قاسىم-جومارت توقاەۆتىڭ كو­رەياعا مەملەكەتتىك ساپارىن ۇيىم­داستىرۋ ماقساتىندا كەڭەستەر جۇرگىزىپ جاتىر. ساپاردىڭ ۋاقىتى ەكى ەلدە COVID-19 جاعدايىنىڭ تۇراقتانۋىنا بايلانىستى بەلگىلى بولادى. ق.توقاەۆتىڭ سەۋلگە ساپارى بەلگىلەنگەن جاعدايدا بۇل ساپار COVID-19  پاندەمياسى­نان كەيىنگى ديپلوماتيالىق قا­رىم-قاتىناستىڭ ودان ءارى دامۋىنا سەرپىن بولماق. مەن پرەزيدەنت ق.توقاەۆتىڭ سەۋلگە ساپارى قازاقستان مەن كو­رەيا رەسپۋبليكالارىنىڭ سترا­تەگيالىق ارىپتەستىگىنىڭ كۇشەيە تۇسۋىنە سەبەپشى مىقتى يمپۋلس بولاتىنىنا سەنەمىن. 

كۋ حونگ-سوك,

كورەيا رەسپۋبليكاسىنىڭ قازاقستانداعى توتەنشە جانە وكىلەتتى ەلشىسى