ۇكىمەت • 16 قىركۇيەك، 2020

باعانى تۇراقتاندىرۋدىڭ باسىم باعىتتارى

15 رەت كورسەتىلدى

پرەمەر-مينيستر اسقار ءماميننىڭ توراعالىعىمەن وتكەن ۇكىمەت وتىرىسىندا يندۋستريالىق-يننوۆاتسيالىق دامۋدىڭ 2020-2025 جىلدارعا ارنالعان مەملەكەتتىك باعدارلاماسى اياسىندا يندۋستريالاندىرۋ كارتاسى جوبالارىن ىسكە اسىرۋ بارىسى قارالدى. وسى ماسەلە بويىنشا يندۋستريا جانە ينفراقۇرىلىمدىق دامۋ ءمينيسترى ب.اتامقۇلوۆ، قاراعاندى وبلىسىنىڭ اكىمى ج.قاسىمبەك، پاۆلودار وبلىسىنىڭ اكىمى ءا.سقاقوۆ، قوستاناي وبلىسىنىڭ اكىمى ا.مۇحامبەتوۆ بايانداما جاسادى.

ينفوگرافيكانى جاساعان امانگەلدى قياس، «ەQ»

206 جوبا ىسكە قوسىلادى

پاندەميانىڭ كۇردەلى جاعدايلارى مەن ەكونوميكاداعى الەمدىك قۇلدىراۋعا قاراماستان، 2020 جىلدىڭ 8 ايىندا وڭدەۋ ونەركاسىبىندە وڭ ديناميكا قالىپتاستى، ءوسىم 3،3%-دى قۇرادى. بيىل يندۋستريالاندىرۋ كارتاسى اياسىندا جالپى سوماسى 996 ملرد تەڭگەگە 206 جوبانى ىسكە قوسۋ كوزدەلگەن. بۇل ءوندىرىس كولەمىن 1،3 ترلن تەڭگەگە، ەكسپورتتى 325 ملرد تەڭگەگە ارتتىرۋعا، شامامەن 19 مىڭ جاڭا جۇمىس ورنىن قۇرۋعا مۇمكىندىك بەرەدى. سالالار بولىنىسىندە جوبالاردىڭ نەگىزگى بولىگى ماشينا جاساۋ (170 ملرد تەڭگەگە 19 جوبا)، تكمك (190 ملرد تەڭگەگە 18 جوبا)، اوك (195 ملرد تەڭگەگە 76 جوبا)، ەنەرگەتيكاعا (126 ملرد تەڭگەگە 10 جوبا) تيەسىلى.

يندۋستريالاندىرۋدىڭ كورنەكى مى­سال­دارى – الماتىدا «Hyundai» جانە قوستانايدا «Chevrolet» جەڭىل اۆتومو­بيلدەرىن قۇراستىرۋدى ىسكە قوسۋ، قاراعاندى وبلىسىندا تەحنيكالىق گازدار ءوندىرىسى مەن التىن شىعارۋ فابريكاسىن اشۋ جانە تاعى باسقا جۇمىستار. قۇرىلاتىن ونەركاسىپتى دامىتۋ قورى 3%-دان اسپايتىن مولشەرلەمە بو­يىنشا قولجەتىمدى نەسيە بەرۋ ارقىلى كا­سىپورىنداردى كەڭەيتۋگە جانە جاڭ­عىرتۋعا ىقپال ەتەدى. بيىل كاپيتالدى اسا قاجەت ەتەتىن جوبالار قاراعاندى، اقتوبە، الماتى، جامبىل، پاۆلودار وبلىستارىندا جانە الماتى قالاسىندا ىسكە اسىرىلۋدا. «قالعان وڭىرلەر جوبالاردى ىسكە اسىرۋدى جانداندىرسىن. اكىمدەر يندۋستريالاندىرۋ كارتاسىنداعى جوبالار بويىنشا جەكە جاۋاپتى بولادى»، دەدى ا. مامين.

ۇكىمەت باسشىسى يندۋستريا جانە ينفراقۇرىلىمدىق دامۋ مينيسترلىگىنە مەملەكەتتىك ورگاندارمەن جانە اكىم­دىك­تەرمەن بىرلەسىپ، بيىلعا بەلگى­لەنگەن بارلىق جوبانى ىسكە اسىرىپ قانا قويماي، يندۋستريالاندىرۋ كارتاسى جوبالارىنىڭ پۋلىن قوسىمشا پىسىقتاپ، كەڭەيتۋدى تاپسىردى. سونىمەن قاتار بارىنشا تۇراقتى ىشكى جانە سىرتقى سۇرانىسى بار سالالاردى، ونىڭ ىشىندە جەڭىل، ازىق-ت ۇلىك جانە حيميا ونەركاسىبىن، ماشينا جاساۋ مەن فارماتسەۆتيكانى، كەڭ اۋقىمدى پايدالانىلاتىن قۇرىلىس ماتەريالدارىن ءوندىرۋدى قولداۋعا، سونداي-اق مۇناي-حيميا جانە گاز وڭدەۋ سالالارىنداعى تەحنولوگيالىق كۇردەلى جوبالاردى قولداۋعا بار كۇش-جىگەردى جۇمساۋ قاجەت.

پرەمەر-مينيستر مونوقالالاردا يندۋستريالىق جوبالاردى دامىتۋ قاجەت ەكەنىن اتاپ ءوتتى. تابىستى مىسال رەتىندە قاراعاندى وبلىسىنىڭ ساران قالاسىن كەلتىردى، وندا «Youtong» اۆتوبۋستار مەن ارنايى تەحنيكا ءوندىرىسى بويىنشا ءىرى جوبانى ىسكە اسىرۋ قولعا الىندى. 1 500 جۇمىس ورنى قۇرىلادى، اۆتوبۋس­تار مەن ارنايى تەحنيكا ءوندىرىسىنىڭ قۋاتتىلىعى جىلىنا 1 500 بىرلىكتى قۇرايدى. سونىمەن قاتار قۋاتتىلىعى جىلىنا 3،5 ملن-عا دەيىن بولاتىن اۆتوشينالار ءوندىرۋ جوباسى پىسىقتالىپ جاتىر، ونىڭ 30%-ىن ەكسپورتتاۋ جوسپارلانعان. بۇل تاعى 1،5 مىڭ جۇمىس ورنى. جالپى العاندا، ساران قالاسىندا ينۆەستيتسيالار كولەمى 150 ملرد تەڭگەنى، جىل سايىنعى ءونىم شىعارۋ 160 ملرد تەڭگەنى قۇرايدى. بۇعان قوسا الەۋمەتتىك-ينجەنەرلىك ينفراقۇرىلىمدى قالپىنا كەلتىرۋ جانە سالۋ جۇمىستارى باستالدى. «مۇنداي دەڭگەيدەگى ءوندىرىستى بارلىق مونوقالالاردا دامىتۋ قاجەت. سوندىقتان اكىمدەر ينۆەستورلارمەن بەلسەندى جۇمىس ىستەپ، ولار ءۇشىن قاجەتتى جاعدايلاردى جاساپ، حالىقتى جۇمىس ورىندارىمەن قامتاماسىز ەتۋى كەرەك» دەدى ا.مامين.

ۇكىمەت باسشىسى يندۋستريا جانە ينفراقۇرىلىمدىق دامۋ مينيسترلىگىنە «تسيفرلى ءداۋىر» ونەركاسىبىن دامىتۋ جونىندەگى جۇمىستى كۇشەيتۋدى جانە تسيفرلى شەشىمدەردى ەنگىزەتىن كاسىپورىنداردى قوسىمشا ىنتالاندىرۋ مۇمكىندىگىن پىسىقتاۋدى، تسيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگىنە وندىرىستىك پروتسەستەرگە روبوتتاندىرۋ مەن جاساندى زەردە وزىق تەحنولوگيالارىن ەنگىزۋ دەڭگەيىنە مونيتورينگتى كۇشەيتۋدى تاپسىردى. يندۋستريا جانە ينفراقۇرىلىمدىق دامۋ مينيسترلىگىنە 2020 جىلعى قازان ايىنىڭ سوڭىنا دەيىن «ونەركاسىپتىك ساياسات تۋرالى» زاڭ تۇجىرىمداماسىنىڭ جوباسىن ازىرلەپ، ۇكىمەتكە ەنگىزۋ تاپسىرىلدى.

 

باعا باقىلاۋدا بولادى

ۇكىمەت وتىرىسىندا الەۋمەتتىك ماڭىزى بار تاۋارلارعا باعانى رەتتەۋ جانە ازىق-ت ۇلىكپەن قامتاماسىز ەتۋ ماسەلەلەرى قارالدى. وسى ماسەلە جونىندە بايانداعان ساۋدا جانە ينتەگراتسيا ءمينيسترى باقىت سۇلتانوۆتىڭ ايتۋىنشا، جىل باسىنان بەرى الەۋمەتتىك ماڭىزى بار ازىق-ت ۇلىك تاۋارلارىنىڭ ءوسىمى بارلىق ايماقتا بايقالادى. دەگەنمەن تاۋارلاردىڭ كوپشىلىگى بويىنشا ىشكى نارىقتاعى سۇرانىس وتاندىق ازىق-ت ۇلىك تاۋارلارى ەسەبىنەن قامتىلدى. ء«وسىمنىڭ 90%-ى، ياعني 4،1 پايىزدىق تارماعى، ەلىمىزدە توتەنشە جاعداي رەجىمى ەنگىزىلگەن كەزەڭىندە تىركەلدى»، دەگەن مينيستر مۇنىڭ نەگىزگى سەبەپتەرى كارانتيندىك شارالارمەن بايلانىستى ورىن العان ازىق-ت ۇلىككە دەگەن دۇرلىكپە سۇرانىس جانە لوگيستيكا مەن تاۋار تاسىمالداۋدىڭ وزگەرگەنى، ماۋسىمارالىق كەزەڭدەگى تاپشىلىق بولعاندىعىن جەتكىزدى.

بيىلعى مامىر ايىنان باستاپ باعا ءوسىمى رەتتەلە باستادى. اتاپ ايتقاندا، باعالار مامىردا 0،1%-عا ءوستى، ماۋسىم مەن شىلدەدە وسپەي، تامىزدا ءتىپتى 1%-عا تومەندەدى. باعالاردى تۇراقتاندىرۋ ءۇشىن ساۋدا جانە ينتەگراتسيا، ۇلتتىق ەكونوميكا جانە اۋىل شارۋاشىلىعى مينيسترلىكتەرىنىڭ بىرلەسكەن بۇيرىعىمەن توتەنشە جاعداي رەجىمى كەزەڭىندە 9 الەۋمەتتىك ماڭىزى بار تاۋارعا شەكتى باعالار بەلگىلەندى. سونىمەن قاتار مينيسترلىك اكىمدىكتەرگە ىشكى ساۋدا سۋبەكتىلەرىنىڭ شەكتى بولشەك ساۋدا باعالارىنىڭ مولشەرىن ساقتاۋعا باقىلاۋ جۇرگىزۋ بويىنشا ۇسىنىستار جىبەردى. اتالعان ۇسىنىستاردى ورىنداۋ ءۇشىن اكىمدىكتەر مەن مينيسترلىكتىڭ اۋماقتىق بولىمشەلەرى تۇراقتى نەگىزدە مونيتورينگ جۇرگىزىپ، ونىڭ قورىتىندىسى بويىنشا 180 اكىمشىلىك ايىپپۇل سالىندى. «2020 جىلعى 22 ناۋرىزدان باستاپ توتەنشە جاعداي رەجىمىنىڭ ارەكەت ەتۋى كەزەڭىندە 7 تاۋاردى (قاراقۇمىق، قانت، كارتوپ، پياز (سارىمساق)، كۇنباعىس تۇقىمى، كۇنباعىس مايى، قاراقۇمىق جارماسى) ەكسپورتتاۋعا، سونداي-اق تاۋارلاردى ء(سابىز، شالقان، قىزىلشا، قىرىققابات، بيداي ۇنى جانە جۇمساق بيداي) اي سايىن شىعارۋدى كۆوتالاۋعا تىيىم سالىندى. بۇدان وزگە باعانىڭ وسۋىنە جول بەرمەۋ ماقساتىندا وسى جىلدىڭ ناۋرىز ايىنان قىركۇيەك ايىنا دەيىن الەۋمەتتىك ماڭىزى بار ازىق-ت ۇلىك تاۋارلارىنىڭ يمپورتى مەن ساتىلۋىنا قوسىلعان قۇن سالىعىنىڭ مولشەرلەمەسى 12%-دان 8%-عا دەيىن تومەندەتىلدى»، دەدى ب.سۇلتانوۆ.

ب.سۇلتانوۆتىڭ ايتۋىنشا، باعانى تۇ­راقتاندىرۋدىڭ ماڭىزدى قۇرالدارىنىڭ ءبىرى – مونوپولياعا قارسى رەتتەۋ شارالارى. باسەكەلەستىكتى قورعاۋ جانە دامىتۋ كوميتەتى ىشكى نارىققا ءسوز بايلاسۋ مانىنە تۇراقتى مونيتورينگ جۇرگىزەدى. وسىلايشا، وسى جىلى ازىق-ت ۇلىك، جەمىس-كوكونىس پەن ەت ونىمدەرىن ءوندىرۋ جانە ساتۋ بويىنشا نارىق سۋبەكتىلەرىنە 293 حابارلاما جىبەرىلدى، سونداي-اق 13 تەرگەۋ جۇمىسى جۇرگىزىلدى. ء«بىزدىڭ باعالاۋىمىزشا، الەۋمەتتىك ماڭىزى بار ازىق-ت ۇلىك تاۋارلارى باعاسىنىڭ ءوسۋى تۇراقتانادى جانە جىل سوڭىنا دەيىن 6%-دان اسپايدى»، دەدى مينيستر. 

باعالاردى ونلاين رەجىمدە مونيتورينگتەۋ ءۇشىن مينيسترلىكتىڭ اۋماقتىق بولىمشەلەرى مەن اكىمدىكتەر dosmart.kz ونلاين جۇيەسىن پايدالانادى. بۇل جۇيە ML تەحنولوگيالارىمەن وڭدەۋگە جانە 1% كولەمىندە كەش-بەك الۋعا ارنالعان فوتو چەكتەردى قوسا، جەكە تۇلعالاردان وزەكتى دەرەكتەردى جيناۋدى قامتاماسىز ەتۋگە، سونداي-اق دۇكەندەردە باعالار مەن ونىمدەردىڭ بار-جوعىن مونيتورينگتەۋدى جۇزەگە اسىرۋعا مۇمكىندىك بەرەدى.

قازىرگى ۋاقىتتا باعانى تۇراقتاندىرۋ شەڭبەرىندە مينيسترلىك ستاتسيونارلىق ەمەس ساۋدا بازارلارىن جاڭعىرتۋ جانە ساۋدا جابدىقتارىن ساتىپ الۋ ءۇشىن ۇزاقمەرزىمدى قارجىلاندىرۋعا قول جەتكىزۋ; ەلەكتروندىق ساۋدانى دامىتۋ جونىندەگى شارالار كەشەنىن ازىرلەۋ; ۇلتتىق تاۋار وتكىزۋ جۇيەسىن قۇرۋ بو­يىنشا جۇمىستار جۇرگىزۋدە.

اۋىل شارۋاشىلىعى ءمينيسترى ساپار­حان وماروۆ ازىق-ت ۇلىك باعاسىن تۇراق­تان­دىرۋ ءۇشىن ىشكى نارىقتى نەگىزگى 29 تاۋار پوزيتسياسىمەن تولىقتىرۋ جۇمىسى جۇرگىزىلىپ جاتقانىن ايتتى. بۇل رەتتە، 12 تاۋار بويىنشا ىشكى نارىقتىڭ قامتاماسىز ەتىلۋى 100%-دى جانە ودان كوپ مولشەردى قۇرايدى. 11 تاۋار بويىنشا قامتاماسىز ەتىلۋ 80% جانە ودان كوپ. ال قالعان ازىق-ت ۇلىك تاۋارلارىنىڭ 6 ءتۇرى بويىنشا يمپورتتى الماستىرۋ جۇمىسى جۇرگىزىلۋدە. «ىشكى نارىقتى وسىمدىك شارۋاشىلىعى ونىمدەرىمەن تولىقتىرۋ ءۇشىن سۇرانىسقا يە اۋىل شارۋاشىلىعى داقىلدارىنىڭ ەگىس كولەمى 439،2 مىڭ گەكتارعا كەڭەيتىلدى. اۋىل شارۋاشىلىعى داقىلدارىنىڭ جالپى ەگىس الاڭى 22،7 ملن گەكتارعا جەتكىزىلدى. 18 ملن توننا استىق داقىلدارىن جيناۋ جوسپارلانۋدا، بۇل ىشكى نارىقتى قامتاماسىز ەتۋگە جانە ەكسپورتتىق الەۋەتتى ىسكە اسىرۋعا جەتكىلىكتى»، دەدى س.وماروۆ.

 

تۇراقتاندىرۋ شارالارى قابىلدانادى

مايلى داقىلداردىڭ جالپى كولەمى 2،6 ملن توننا بولادى دەپ كۇتىلۋدە، بۇل وتكەن جىلمەن سالىستىرعاندا 100 مىڭ تونناعا ارتىق. سونداي-اق كارتوپ جانە كوكونىس-باقشا داقىلدارىن ءوندىرۋ كولەمى سايكەسىنشە 4 ملن تونناعا جانە 6،8 ملن تونناعا دەيىن ۇلعايتىلاتىن بولادى. ىشكى نارىقتى مال شارۋاشىلىعى ونىمدەرىمەن تولىقتىرۋ ءۇشىن اۋىل شارۋاشىلىعىندا مال باسىن ءوسىرۋ قامتاماسىز ەتىلەدى. 2020 جىلدىڭ 7 ايىندا ءىرى قارا مال باسىنىڭ 5%-عا، ۇساق مال باسىنىڭ 2%-عا، جىلقى باسىنىڭ 9%-عا ءوسۋى بايقالادى. وڭدەلگەن ونىمدەر كولەمى، سونىڭ ىشىندە ۇن 6،4%-عا، وسىمدىك مايى 1،8%-عا، ماكارون ونىمدەرى 8،4%-عا، قۇس ەتى 12،3%-عا، قىشقىل-ءسۇت ونىمدەرى 4،7%-عا، سارىماي 12،9%-عا، شۇجىق ونىمدەرى 22،8%-عا ءوستى.

«ازىق-ت ۇلىك تاۋارلارىن ءوندىرۋدىڭ ءوسۋىن قامتاماسىز ەتۋ ءۇشىن جىل سوڭىنا دەيىن بىرقاتار جاڭا ينۆەستيتسيالىق جوبالار ەنگىزىلەدى. مىسالى، جىل سوڭىنا دەيىن قۇس ەتىن ءوندىرۋ كولەمى 75 مىڭ تونناعا نەمەسە 25%-عا ۇلعايتىلادى. بۇل جاڭا 8 قۇس فابريكاسىن جىلدىڭ اياعىنا دەيىن ىسكە قوسۋ ەسەبىنەن قامتاماسىز ەتىلەدى. ونىڭ ەكەۋى ىسكە قوسىلدى»، دەدى س.وماروۆ.

سونىمەن قاتار ءسۇت ءوندىرىسى ۇلعاي­تىلادى. جىلدىڭ سوڭىنا دەيىن قوسىمشا كولەمى 112 مىڭ توننا بولاتىن 25 ونەر­كاسىپتىك تاۋارلىق ءسۇت فەرماسى ىسكە قوسى­لادى. قازىر 6 ينۆەستيتسيالىق جوبا ىسكە قوسىلدى. جىل سوڭىنا دەيىن قۋاتتىلىعى 45 مىڭ توننا بولاتىن 3 جاڭا ەت كومبيناتىن ىسكە قوسۋ جوسپارلانىپ وتىر. حالىقتى المامەن قامتاماسىز ەتۋ ءۇشىن 2 مىڭ گەكتار الما باعىن وتىرعىزۋ جوس­پارلانۋدا، بۇل 68 مىڭ تونناعا دەيىن ءونىم بەرە الادى. قانت ءوندىرۋ بويىن­شا جامبىل وبلىسىندا جاڭا زاۋىت سالۋ جۇمىستارى باستالدى، قانت قىزىل­شاسىنا ارنالعان الاڭدار 20،5 مىڭ گەك­تارعا دەيىن ۇلعايتىلدى. الماتى وبلى­سىندا قولدانىستاعى قانت زاۋىتتارىن جاڭعىرتۋ جۇرگىزىلۋدە. مينيستر قور­لاردى باعالاۋ جولىمەن وڭىرلەردىڭ ازىق-ت ۇلىكپەن قامتاماسىز ەتىلۋىنە موني­تو­رينگ جۇرگىزىلىپ جاتقانى تۋرالى ايت­تى. «ازىق-ت ۇلىك تاۋارلارىنىڭ 16 ءتۇرى بويىنشا ۇكىمەتتىڭ رەزەرۆتەرى قالىپ­تاس­تىرىلعان. بۇل ماقساتتارعا 16،7 ملرد تەڭگە ءبولىندى، ول 43،5 مىڭ توننا ازىق-ت ۇلىك ساتىپ الۋعا مۇمكىندىك بەردى»، دەدى س.وماروۆ.

قازىرگى كەزدە تۇراقتاندىرۋ قور­لا­رىندا 27،7 مىڭ توننا الەۋمەتتىك ماڭىزى بار ازىق-ت ۇلىك تاۋارلارى، ونىڭ ىشىندە 12،5 مىڭ توننا ۇن، 7،9 مىڭ توننا قانت، 1،7 مىڭ توننا ماكارون، 1،4 مىڭ توننا كۇرىش، 1،3 مىڭ توننا وسىمدىك مايى جانە ازىق-ت ۇلىكتىڭ باسقا دا تۇرلەرى ساقتالۋدا. بۇدان باسقا، 21 مىڭ توننا الەۋمەتتىك ماڭىزى بار ازىق-ت ۇلىك تاۋارلارىن، سونىڭ ىشىندە 9،1 مىڭ توننا كارتوپ، 3 مىڭ توننا پياز، 2،5 مىڭ توننا ءسابىز، 2 مىڭ توننا قانت جانە باسقا دا تاۋارلار تۇرلەرىن جەتكىزۋگە فورۆاردتىق شارتتار جاسالدى.

ماسەلەنى ۇكىمەت باسشىسى اسقار مامين قورىتىندىلادى. ول بيىلعى قالىپتاسقان جاعدايدى ەسكەرە وتىرىپ ۇكىمەت پەن اكىمدىكتەردىڭ ءونىم ءوندىرۋدى، ساق­تاۋدى جانە بارلىق وڭىرلەرگە جەت­كى­زۋدى قامتاماسىز ەتۋ بويىنشا شارالار كەشەنىن قابىلداعانىن ەسكە سالدى. الەۋمەتتىك ماڭىزى بار تاۋارلاردىڭ شەكتى باعاسى بەلگىلەندى، باعانى تەجەۋ مىندەتتەمەسىمەن «قايتارىمدى سحەما» ارقىلى ساۋدا جەلىلەرىنە جەڭىلدىكتى قارىز بەرۋ پراكتيكاسى كەڭەيتىلدى. اۋىل شارۋاشىلىعى تاۋارىن وندىرۋشىلەرگە مەملەكەتتىك قولداۋ شارالارى كورسەتىلدى، ونىڭ ىشىندە فورۆاردتىق ساتىپ الۋ مەحا­نيز­مى ەنگىزىلىپ، وعان 24،5 ملرد تەڭگە ءبو­لىندى. 516،9 مىڭ توننا اۋىل شارۋا­شى­لى­عى ءونىمىن ساتىپ الۋ ءۇشىن 159 اۋىل شا­رۋاشىلىعى تاۋارىن ءوندىرۋشى ىرىكتەلدى.

پرەمەر-مينيستر قابىلدانعان شارا­لاردىڭ الەۋمەتتىك ماڭىزى بار تاۋار­لاردىڭ باعاسىن 4،4% دەڭگەيىندە تۇراق­تاندىرۋعا مۇمكىندىك بەرگەنىن اتاپ ءوتتى، بۇل وتكەن جىلعى كورسەتكىشتەردەن ەكى ەسە از (8،7%).

ۇكىمەت باسشىسى باعانى تۇراقتاندىرۋ بويىنشا الماتى قالاسىن مىسالعا كەلتىردى، مۇندا «قايتارىمدى سحەما» ءۇشىن جەدەل تۇردە قاراجات ءبولۋ جۇمىستارى جۇرگىزىلىپ، بۇل تۇراقتاندىرۋ قورلارىن دەر كەزىندە تولىقتىرۋعا، ساتىپ الىناتىن الەۋمەتتىك ماڭىزى بار تاۋارلاردىڭ ءتىزىمىن كەڭەيتۋگە مۇمكىندىك بەردى. «اكىمدىكتەر الدىن الۋ شارالارىن دەر كەزىندە قابىلداسا، باعانىڭ تۇراقتىلىعى مەن ونى تەجەۋ قامتاماسىز ەتىلەدى. ءبىز يمپورتقا تاۋەلدىلىكتى ازايتۋ ءۇشىن جۇمىس ىستەپ جاتىرمىز. باعانى قىمباتتاتۋعا ەشبىر سەبەپ جوق. الەۋمەتتىك ماڭىزى بار تاۋارلاردىڭ بارلىق ءتۇرى بويىنشا باعانىڭ تۇراقتىلىعىنا قاتاڭ باقىلاۋ جۇرگىزىلەدى»، دەدى ا.مامين.

ۇكىمەت باسشىسى اۋىل شارۋاشىلىعى مينيسترلىگىنە اكىمدىكتەرمەن بىرلەسىپ، سىرتقى جاعدايعا جانە ازىق-ت ۇلىك قورىنىڭ جەتكىلىكتى بولۋى مەن الەۋ­مەتتىك ماڭىزى بار تاۋارلار باعاسىنىڭ تۇراق­تىلىعىنا مونيتورينگتى جالعاستىرۋدى، «قايتارىمدى سحەما» ارقىلى ساۋدا جەلىلەرىنە جەڭىلدىكتى قارىز بەرۋدى كەڭەيتۋ، سونداي-اق الەۋمەتتىك ماڭىزى بار تاۋارلار باعاسىنىڭ تۇراقتىلىعىن قامتاماسىز ەتۋ ءۇشىن فورۆاردتىق ساتىپ الۋ پراكتيكاسى ماسەلەلەرىن پىسىقتاۋدى تاپسىردى. اكىمدىكتەرگە يمپورتقا تاۋەلدى تاۋارلار (قانت، كوكونىس ونىمدەرى جانە باسقالارى) ءوندىرىسىن ۇلعايتۋ بويىنشا جوبالاردى باسىمدىقپەن ىسكە اسىرۋدى قامتاماسىز ەتۋ تاپسىرىلدى.

پرەمەر-مينيستر اۋىل شارۋا­شى­لىعى مينيسترلىگى مەن وڭىرلەر اكىمدەرىنىڭ نازارىن وزىمىزدە وندىرىلەتىن ازىق-ت ۇلىكتىڭ، اسىرەسە كارتوپ، ۇن، ءسابىز جانە قاراقۇمىق جارماسى سەكىلدى ونىمدەرگە اۋدارا وتىرىپ، ولاردىڭ باعاسىن وسىرۋگە جول بەرمەۋلەرى ءتيىس ەكەنىن ەسكەرتتى. «ازىق-ت ۇلىكتىڭ قولجەتىمدىلىگى مەن ساپاسىن قامتاماسىز ەتۋ قازاقستاندىقتاردىڭ تۇرمىس ساپاسىنىڭ باستى فاكتورلارىنىڭ ءبىرى»، دەپ تۇيىندەدى ءسوزىن ا.مامين.

سوڭعى جاڭالىقتار

اشىقتىق – قوعام دامۋىنىڭ كەپىلى

ايماقتار • بۇگىن، 13:00

دوللار قايتا قىمباتتادى

ەكونوميكا • بۇگىن، 12:18

قايران قالدىرعان قايىڭدى

فوتوگالەرەيا • بۇگىن، 11:56

ۇقساس جاڭالىقتار