پىكىر • 16 قىركۇيەك، 2020

ەرتەڭگە دەگەن سەنىم ەسەلەنە ءتۇستى

10 رەت كورسەتىلدى

مەملەكەت باسشىسى قاسىم-جومارت توقاەۆ­تىڭ ەل حالقىنا ار­ناعان جاڭا جولداۋىندا باستى جەتى قاعيداتقا نەگىزدەلگەن جاڭا ەكونو­ميكالىق باعداردىڭ بەسىنشى بولىگى قولجەتىمدى ءارى ساپالى بىلىمگە بايلانىستى ايتىلعان ەدى.

راسىندا دا، دۇنيە ءجۇزىن دۇرلىك­تىرگەن كوروناۆيرۋس ىندەتىنىڭ سالدارىنان مەكتەپ وقۋشىلارى مەن ستۋدەنت­تەردىڭ باسىم كوپشىلىگى قاشىقتان وقۋعا ءماجبۇر بولعانى انىق. ءبىزدىڭ ەلىمىز دە مۇنداي وزگەرىستى دەر كەزىندە قولدانىسقا ەنگىزىپ، باتىل قادامدارعا بەت بۇردى. الايدا ءبىلىم سالاسى مۇنداي سونى وزگەرىسكە اسا ءبىر دايىن بولماي شىقتى. ويتكەنى بۇرىن بەتپە-بەت كەل­مە­گەن بۇل سالانىڭ وزىندىك وي-شۇقىر­لارى جەتكىلىكتى ەدى. سونىڭ ەڭ نەگىزگىسى دەپ ونلاين-پلاتفورمانىڭ دا­يىن بولماۋىن ساناۋعا بولادى. مۇ­عالىم دە، وقىتۋشى دا، وقۋشى مەن ستۋدەنت تە – بارلىعى ءبىر مەزەتتە قاتار كىرىپ وتىرعاندىق­تان، مۇنداي شامادان تىس سالماقتى كورمەگەن كوپ پلاتفورمانىڭ بەلى «قايىسىپ» جاتتى. مىنە، وسى رەتتە تولىققاندى وقۋ ۇدەرىسى ءۇشىن قاجەتتى بارلىق فۋنكتسيالارى بار بىرىڭعاي ونلاين ءبىلىم بەرۋ پلاتفورماسى اۋاداي قاجەت ەكەن­­دىگى ءبىلىندى. جولداۋدا وسى ما­سەلە ورىندى كوتەرىلدى دەپ ويلاي­مىن. بۇلاي بولمايىنشا، ونلاين وقىتۋداعى ءبىلىم ساپاسى ەشقاشان ارتا قويمايدى.

كوپتەن كوتەرىلىپ كەلە جاتقان جايتتىڭ ءبىرى – مەكتەپ وقۋ­شى­لارىنىڭ قابىلەت-قارىمىن اي­قىنداپ، كاسىبي باعىت-باعدار بەرۋ ساياساتىنا كوشۋ تۋرالى ەدى. بۇل ماسەلە دە جولداۋدا وتە ورىندى ايتىلدى. جىل سايىن  كاسىبي جانە جوعارى وقۋ ورىندارىنا تۇسە الماي قالاتىن 21 مىڭعا جۋىق مەكتەپ تۇلەگىن neەt جاستاردىڭ قاتارىنا قوسپاي، ءاۋ باستان ەڭبەك پەن كاسىپكە باۋلىساق، قاي جاعىنان دا ءتيىمدى بولاتىنى ءسوزسىز.

ال بۇدان كەيىنگى باستى ماسەلە­نىڭ ءبىرى ۇستازدار جالاقىسىنىڭ تومەندىگى بولسا كەرەك. بۇل  توڭىرەك­تە مەملەكەت باسشىسى ءبىرشاما باتىل قادام جاسادى دا جانە ۇستازدار قاۋىمىنىڭ جالاقىسىن ءوسىرۋ ماسەلەسىن ۇنەمى جادىنان شىعارعان ەمەس. وقتىن-وقتىن بۇل جايتقا ورالىپ وتىراتىندىعى دا سوندىقتان.  ەل پرەزيدەنتىنىڭ 2021 جىلدىڭ قاڭتار ايىنان باستاپ مۇعالىمدەردىڭ ەڭبەكاقىسىن 25 پايىزعا كوبەيتۋ تۋرالى شەشىمى ءدال وسىنداي كەزەڭدەگى وتە ءبىر ماڭىزدى قادام دەپ باعالاعان بولار ەدىم. عىلىم مەن ءبىلىم العا وزعان وسىناۋ تۇستا ەل بولاشاعىن تاربيەلەۋدى ءوز قولىنا العان ۇستازدار قاۋىمى  ءۇشىن  بۇل ءبىر جاقسى جاڭالىق بولعالى تۇر. قازاق ۇستازى قۋانسا، قوعام كەرى كەتە قويماس.

ال عىلىمعا كوڭىل ءبولۋ الدىڭعى قولعا العان شارۋالاردىڭ زاڭدى جال­عاسى ىسپەتتەس. اسىرەسە، «جاس عالىم» جوب­اسى اياسىندا زەرتتەۋ جۇرگىزۋ ءۇشىن 1000 گرانت ءبولۋ ماسەلەسى دە كوپتىڭ كوڭىلىنەن شىقتى. ۇنەمى اقساپ، ادىمىن تۇزەي الماي كەلە جاتقان قازاق عىلىمىنا تىڭ سەرپىن، جاڭا لەپ اكەلەدى عوي دەپ ءۇمىت ارتامىز.

مىنە، ەل ىشىندەگى مىڭ سان ماسەلەنى ءبىر جولداۋدىڭ ءون بويى­نا سىيعىزىپ، سونشالىقتى ۇتىم­دى جەتكىزە ءبىلۋ – ەل ەرتەڭىنە دەگەن سەنىمدى نىقتاي تۇسسە كەرەك. جولداۋدا ايتىلعان قاداۋ-قاداۋ دۇنيەلەردىڭ ءبارى ورىن-ورنىمەن، رەت-رەتىمەن شەشىلىپ، جارقىن كۇندەرگە جول باستايدى دەپ كامىل سەنەمىز.

 

راقىمبەك جولاەۆ،

تۇركىستان وبلىسى ادامي الەۋەتتى دامىتۋ باسقارماسىنىڭ باسشىسى

سوڭعى جاڭالىقتار

اشىقتىق – قوعام دامۋىنىڭ كەپىلى

ايماقتار • بۇگىن، 13:00

دوللار قايتا قىمباتتادى

ەكونوميكا • بۇگىن، 12:18

قايران قالدىرعان قايىڭدى

فوتوگالەرەيا • بۇگىن، 11:56

ۇقساس جاڭالىقتار