ساياسات • 16 قىركۇيەك، 2020

ماڭىزدى مىندەتتەر ناقتىلاندى

15 رەت كورسەتىلدى

قورعانىس مينيسترلىگىندە وتكەن كەزەكتى اپپاراتتىق كەڭەستە وقۋ-جاتتىعۋلاردىڭ قورىتىندىلارى شىعارىلىپ، ەڭ وزەكتى ماسەلەلەر قارالدى جانە ولاردى ۋاقتىلى شەشۋ بويىنشا مىندەتتەر قويىلدى.

قارۋلى كۇشتەردەگى ماڭىزدى م­اس­ە­لەنىڭ ءبىرى – نىسانداردى قىسقا دايىنداۋ. وسىلايشا قورعانىس مي­نيستر­لىگىنىڭ كوميسسياسى جۇرگىزگەن تەكسەرۋ بارىسىندا بىرنەشە گارنيزوندا عيماراتتاردى، كازارمالاردى، تەرەزەلەر مەن قازاندىقتاردى جوندەۋدىڭ اياقتالماعاندىعى، جىلىتۋ جابدىعىنىڭ اقاۋى انىقتالدى. قورعانىس ءمينيسترى باس قولباسشىلارعا جەرگىلىكتى جەرلەردە جۇمىس جۇرگىزەتىن مەردىگەرلەردىڭ جۇمىسىن باقىلاۋدى كۇشەيتۋ بويىنشا مىندەتتەر قويدى، سونداي-اق قۇرىلىس ۇيىمدارىنىڭ ءوز مىندەتتەمەلەرىن ورىنداۋدىڭ قاتاڭ مەرزىمدەرىن بەلگىلەدى.   

قورعانىس ۆەدومستۆوسىنىڭ باسشىسى باستى باسىمدىقتاردىڭ ءبىرى – وق-دارىلەردى ساقتاۋ قاۋىپسىزدىگىن قامتاماسىز ەتۋ جۇمىستارى ەكەن­دىگىن اتاپ ءوتتى. مۇندا ءالى كۇنگە دەيىن شەشىلمەگەن ماسەلەلەر بار. ۋاكىلەتتى ورگان «قازتەحنولوگيا» اق ءار­دايىم جارامسىز وق-دارىلەردى ۋاقتىلى كادەگە جاراتا بەرمەيتىنىن ەسكەرە وتىرىپ، باس قولباسشىلارعا ولاردى پايدالانىلمايتىن اسكەري م ۇلىك رەتىندە ينجەنەرلىك-ساپەرلىك بولىم­شەلەردىڭ كۇشىمەن جويۋ مۇمكىن­دىگىن بەلگىلەنگەن تارتىپپەن پىسىقتاۋ تۋرالى نۇسقاۋ بەرىلدى. قورعانىس ءمينيسترى انىقتالعان كەمشىلىكتەردى جەدەل جويۋدى، ال وق-دارىلەردىڭ ساقتالۋىن تەكسەرۋدى قورعانىس مينيسترلىگىنىڭ، باس شتابتىڭ، باس ينسپەكتسيانىڭ جانە اسكەري پوليتسيانىڭ كوميسسيالارىن تارتا وتىرىپ، تۇراقتى تۇردە جۇزەگە اسىرۋدى تاپسىردى.

باسشىلىق قۇرام جەكە قۇرام­نىڭ دەنساۋلىعىن ساقتاۋ بويىنشا جۇمىستى كۇشەيتۋگە ەرەكشە نازار اۋداردى. قارۋلى كۇشتەردە اسكەري قىزمەتشىلەرگە كۇزگى-قىسقى كەزەڭدە كۇشەيەتىن تۇماۋ ۆيرۋسىنا قارسى ۆاكتسيناتسيالاۋدى ۇيىمداستىرۋ بويىنشا ءىس-شارالار جۇرگىزىلۋدە. ۆاكتسينانى اسكەري بولىمدەرگە جەتكىزۋ جۇزەگە اسىرىلۋدا، ءبىرىنشى كەزەكتە مەرزىمدى قىزمەتتەگى اسكەري قىزمەتشىلەرگە، اسكەري وقۋ ورىندارىنىڭ كۋرسانتتارىنا، سونداي-اق سوزىلمالى اۋرۋلارى بار «تاۋەكەل توبىنىڭ» وكىلدەرىنە كوڭىل بولىنەتىن بولادى.

قورعانىس ءمينيسترى قارۋلى كۇش­تەردە مەديتسينالىق قامتاماسىز ەتۋدى جەتىلدىرۋ جونىندەگى جۇيەلى شارالار سپەكترىن كەڭەيتۋگە نۇسقاۋ بەردى. قورعانىس مينيسترلىگى تاراپىنان مەديتسينا ماماندارىنا ۇستەماقى تولەنۋدە. اسكەري دارىگەرلەردى دايارلاۋ جانە اسكەري قىزمەتكە شاقىرۋ جوسپارلانعان، سونداي-اق ولاردىڭ رەزيدەنتۋرالار مەن ينتەرناتۋرالاردا، ونىڭ ىشىندە شەتەلدىك وقۋ ورىندارىندا ءوز بىلىكتىلىگىن ارتتىرۋ كوزدەلگەن. اسكەري مەديتسينالىق مە­كە­مەلەرگە قازىرگى زامانعى مەدي­تسي­نا­لىق جابدىقتاردى، ونىڭ ىشىندە ستاتسيونارلىق جانە ۇتقىر پتر-زەرتحانالاردى جەتكىزۋ ۇيىم­داستىرىلدى.

وتكەن اپتادا ماڭعىستاۋ وبلىسىندا اسكەرلەردىڭ ءتۇرلى توپتاماسى­مەن وتكەن كەشەندى وقۋ-جاتتىعۋدى قورىتىندىلاي كەلە، گەنەرال-لەيتەنانت نۇرلان ەرمەكباەۆ جەكە قۇرام­نىڭ جوعارى دايارلىعىنا، ارنايى وپەراتسيالار كۇشتەرىنىڭ بولىمشەلەرى كور­سەتكەن جاۋىنگەرلىك وقىتۋدىڭ جاڭا نىساندارى مەن ادىستەرىن ەنگىزۋدىڭ تيىمدىلىگى مەن قاجەتتىلىگىنە توقتالدى.

اتاپ ايتقاندا، العاش رەت ارميا­لىق تاكتيكالىق اتىستىڭ كەشەندى جات­تىعۋلارى، اسكەري قىزمەتشىلەردى پسيحولوگيالىق دايارلاۋ ادىستەمەسى كورسەتىلدى.

بۇدان باسقا، ساقتالىپ وتىرعان سانيتارلىق-ەپيدەميالىق شەكتەۋ شارا­­لارىنا قاراماستان، تولىق كو­لەم­دە ورىندالۋعا ءتيىس جاۋىنگەرلىك دايار­لىق ءىس-شارالارىن ساپالى جۇرگىزۋ جو­نىن­دەگى تاياۋ اراداعى مىندەتتەر ايقىندالدى.

14 قىركۇيەكتە «وڭتۇستىك» وڭىرلىك قولباسشىلىعىنىڭ، دەسانتتىق-شابۋىلداۋ اسكەرلەرى مەن اسكەري-اۋە كۇشتەرىنىڭ باسقارۋ ورگاندارى مەن اس­كەري بولىمدەرى تارتىلعان «الداسپان» جەدەل-تاكتيكالىق كوماندالىق-شتاب­تىق وقۋ-جاتتىعۋى باستالدى.

الداعى اپتادا بارلىق اسكەرلەردە باتالوندىق تاكتيكالىق توپتاردىڭ دايار­لىعى اياقتالادى، سونداي-اق كوپ­تەگەن كوماندالىق-شتابتىق جاتتى­عۋ­لار مەن اۋماقتىق قورعانىس بولىم­شەلەر­ىمەن وقۋ-جاتتىعۋلار وتكىزىلەدى.

سوڭعى جاڭالىقتار

اشىقتىق – قوعام دامۋىنىڭ كەپىلى

ايماقتار • بۇگىن، 13:00

دوللار قايتا قىمباتتادى

ەكونوميكا • بۇگىن، 12:18

ۇقساس جاڭالىقتار