سونداي-اق شىڭعىس جۇمابەك ۇلى "112" قۇتقارۋ قىزمەتىنىڭ جۇمىسىمەن دە تانىستى. وقۋ جاتتىعۋ جۇمىستارى ناقتى ۋاقىت رەجيمىندە وتەدى. وقۋ-جاتتىعۋدىڭ ماقساتى - قالانىڭ بارلىق مەديتسينالىق ۇيىمدارىن كوروناۆيرۋستىق ينفەكتسيامەن كۇرەسكە بارىنشا دايىندىعىن پىسىقتاۋ.
ءىس-شاراعا ينفەكتسيالىق جانە پروۆيزورلىق ستاتسيونارلارمەن قاتار مەنشىك نىسانىنا قاراماستان بارلىق بسمك (باستاپقى مەديتسينالىق سانيتارلىق كومەك) ۇيىمدارى قاتىسادى. وقۋ-جاتتىعۋ جۇمىستارى 36 بمسك ۇيىمى, 9 دياگنوستيكالىق ورتالىق, 7 پتر زەرتحاناسى جۇمىلدىرىلدى.
وقۋ-جاتتىعۋ بارىسىندا ناۋقاستىڭ شاقىرتۋىنىڭ "103" پۋلتىنە تۇسكەن ساتىنەن باستاپ, ءتيىستى بەلگىلەرى بولعان جاعدايدا ستاتسيورنارعا جاتقىزۋعا دەيىنگى باعىتىنىڭ باستان اياق الگوريتىمىنە باسا نازار اۋدارىلدى.
وقۋ-جاتتىعۋ كەزىندە جەدەل مەديتسينالىق كومەك شاقىرتۋىنىڭ 4 ساناتى بويىنشا مەديتسينالىق پەرسونالدىڭ ءىس-قيمىل الگوريتمدەرى پىسىقتالادى.
سونداي-اق مەديتسينالىق پەرسونالعا شارتتى ناۋقاستاردىڭ جاي-كۇيىنىڭ اۋىرلىعىن انىقتاۋ, كوروناۆيرۋستىق ينفەكتسيا كەزىندە ساقتانۋ شارالارى بويىنشا باعالاۋ جۇرگىزىلىپ, مەديتسينالىق پەرسونالدى قورعاۋدىڭ بارلىق شارالارىن ساقتاي وتىرىپ, پروۆيزورلىق ستاتسيونارعا تاسىمالدانۋ جولدارى پىسىقتالادى.
سونىمەن قاتار وقۋ-جاتتىعۋ بارىسىندا ەمحانالاردىڭ ءموبيلدى بريگادالارىنىڭ ءىس-ارەكەتتەرى جانە قاجەت بولعان جاعدايدا پاتسيەنتتى كومپيۋتەرلىك توموگرافيانى تەكسەرۋگە جىبەرۋ, پتر تالداۋدى الۋ بويىنشا دايىندىق جۇمىستارى جۇرگىزىلەدى. مۇنداي وقۋ-جاتتىعۋلار تۇراقتى تۇردە وتكىزىلمەك.
