م.نارىكباەۆ اتىنداعى KAZGUU ۋنيۆەرسيتەتىنىڭ ەلىمىزدەگى ازاماتتاردىڭ قۇقىقتىق ساۋاتتىلىعىن ارتتىرۋدى كوزدەيتىن بۇل جوباسى ەندى ءاربىر قازاقستاندىققا ۇيدەن شىقپاي-اق زاڭگەردىڭ كەڭەسىن تەگىن الۋعا مۇمكىندىك بەرەدى.
جوبا اياسىندا تەگىن كەڭەس الۋ ءۇشىن ZOOM قوسىمشاسىن ورناتىپ, https://clck.ru/Qjy2P سىلتەمەسىنە ءوتۋ قاجەت. ازاماتتاردى قابىلداۋ ۆيرتۋالدى كابينەتتە دۇيسەنبىدەن جۇماعا دەيىن ساعات 10.00-18.00 ارالىعىندا وتەدى.
– ءار ادامعا ساپالى قۇقىقتىق كەڭەس قاجەت. ەل پرەزيدەنتى قاسىم-جومارت توقاەۆ: «ۆولونتەرلىك قىزمەتتىڭ باسىم مىندەتتەرىنىڭ ءبىرى – مۇقتاج جاندارعا زاڭگەرلىك كومەك بەرۋ», دەگەن بولاتىن. بىراق قۇقىقتانۋشى ماماندار قىزمەتىنىڭ باعاسى بارلىعىنا بىردەي قولجەتىمدى ەمەس. ساۋاتتى زاڭگەرلەردىڭ كەڭەسى ۋاقىتىندا بەرىلسە, ءبىراز تۇيتكىلدىڭ ءتۇيىنىن تارقاتۋعا بولادى, – دەيدى كلينيتسيست-ستۋدەنت رامازان ازىرەتقۇلوۆ.
كازگيۋ زاڭ كلينيكاسىنىڭ ديرەكتورى ەستەر بابادجانيان:
– ءبىز قازاقستاندا ۆولونتەرلەر جىلى جاريالانعانعا دەيىن دە قۇقىقتىق ەرىكتىلەر رەتىندە بەلسەندى جۇمىس اتقاردىق. بيىل كارانتيندىك شەكتەۋلەردى ەسكەرە وتىرىپ, قاشىقتان كەڭەس بەرۋدى قولعا الىپ وتىرمىز. ارنايى ازىرلەنگەن kz سايتىنان باسقا, ZOOM پلاتفورماسىندا ۆيرتۋالدى كابينەت ىسكە قوسىلدى. زاڭ كلينيكاسىندا تاعىلىمدامادان ءوتىپ جۇرگەن ستۋدەنتتەر ازاماتتاردىڭ مازالاعان سۇراقتارىنا ونلاين رەجىمدە جاۋاپ بەرۋگە دايىن. ءبىز ستۋدەنتتەرىمىزدىڭ كۇش-جىگەرى ارقىلى قۇقىقتىق ۆولونتەرلىكتى دامىتىپ, حالىقتىڭ قۇقىقتىق ساۋاتتىلىعىن ارتتىرۋعا ۇلەس قوسىپ قانا قويماي, بولاشاق زاڭگەرلەردى الەۋمەتتىك جاۋاپكەرشىلىككە تاربيەلەيمىز, – دەدى.
زاڭ كلينيكاسى ديرەكتورىنىڭ ايتۋىنشا, كەڭەس الۋشىلاردىڭ ازاماتتىق, وتباسىلىق نەمەسە ەڭبەك ماسەلەلەرى بويىنشا حابارلاسۋىنا بولادى. كلينيتسيست-ستۋدەنتتەردىڭ جاۋاپتارى الدىن الا كاسىبي زاڭگەرلەردىڭ ساپا تۇرعىسىنان تەكسەرۋىنەن وتەدى.
