«جەكپە-جەككە دايىندىق جوعارى دەڭگەيدە ءوتىپ جاتىر. چەمپيوندىق تيتۋلعا جاقىنداپ قالدىق. بۇيىرتسا 64 راۋند سپاررينگ قالدى. بارىمىزدى سالىپ جاتىرمىز», دەپ جازدى ورتا سالماقتاعى كاسىپقوي بوكسشى Instagram-داعى پاراقشاسىندا.
ج.ءالىمحان ۇلى تانىمال باپكەر دجەيمس ماكگيرتتىڭ جەتەكشىلىگىمەن كاليفورنيادا جاتتىعادى. ونىڭ كەلەسى جەكپە-جەگى قازان ايىندا وتەدى دەپ جوسپارلانۋدا.
ايتا كەتەيىك, وتانداسىمىز سوڭعى ايقاسىن وتكەن جىلدىڭ قاراشا ايىندا اقش-تىڭ كاليفورنيا شتاتىندا وتكىزدى. ول كانادالىق بوكسشى البەرت ءونولۋنوستى (24-3-1, 8 كو) التىنشى راۋندتا نوكاۋتقا جىبەرگەن بولاتىن.
