«اۋقىمدى جاڭعىرتۋ جۇمىستارىمەن اينالىسىپ جاتىرمىز: اپاتتى ەسكى ۇيلەردى ءسۇرىپ, قولجەتىمدى تۇرعىن ءۇي, ءبىلىم بەرۋ, مەديتسينا نىساندارىن, جولدار مەن ينجەنەرلىك جەلىلەردى (سۋ قۇبىرى, ەلەكتر, كارىز) سالامىز. قالا اۋداندارىن اباتتاندىرىپ, كوگالداندىرامىز.
كەشكىلىك ارالاۋ بارىسىندا سارىارقا اۋدانىنداعى بىرقاتار اۋلالار مەن قوعامدىق كەڭىستىكتەردىڭ قۇرىلىس بارىسىمەن تانىستىم. جەلتوقسان, ەسەنبەرلين, جانگەلدين, سەيفۋللين كوشەلەرى مەن بەيبىتشىلىك داڭعىلى بارىنە تانىس. بۇل كوشەلەر قالانىڭ وڭ جاعالاۋىندا ورنالاسقان. ەرەكشە اتموسفەراسى بار. اۋدان جايلى بولۋى ءۇشىن بوس جەرلەر, قاراۋسىز قالعان ۋچاسكەلەر, بۇزىلعان اۆاريالىق ۇيلەردىڭ اۋماقتارى اباتتاندىرىلىپ, تارتىمدى ورىندارعا اينالدى.
حالىق سانىنىڭ ءوسۋىن ەسكەرە وتىرىپ, كەڭ اۋلالار, سكۆەرلەر مەن بۋلۆارلار قۇرىلىسىنا كوشتىك. حالىق تىعىز ورنالاسقان شاعىن اۋدانداردى اۋلالارمەن, بۋلۆارلارمەن جانە الاڭدارمەن قورشايمىز, ياعني اۋلالارى جاقىن ورنالاسقان بىرنەشە تۇرعىن ءۇي كەشەندەرىن اباتتاندىرامىز.
مىسالى, جەلتوقسان كوشەسىندەگى №2 ءۇيدىڭ تۇرعىندارى ەسەپ بەرۋ كەزدەسۋىندە اۋلانى اباتتاندىرۋ ماسەلەسىن كوتەردى. ءبىز ونى «قاتىسۋ بيۋدجەتى» باعدارلاماسى بويىنشا اباتتاندىردىق. تۇرعىندار اۋدان اكىمدىكتەرىنە ءوتىنىم بەرىپ, اۋلا كورىنىسىن ۇسىنادى: قانداي ايماقتار سالۋ قاجەت, قانداي سپورت الاڭى قاجەت جانە ت.ب. بىرقاتار باسقا ماسەلە شەشىلدى.
ەسەنبەرلين كوشەسىندە جاتتىعۋ جانە ويىن الاڭدارىنان باسقا, باسكەتبول مەن فۋتبول ويناۋعا ارنالعان ۇلكەن الاڭدار اشىلدى. بالالار وزدەرىن كاسىبي فۋتبولشىلار مەن باسكەتبولشىلار سياقتى سەزىنەدى.
بيىل اباتتاندىرىلعان اۋلا سانى – 150, بارلىعى دەرلىك پايدالانۋعا بەرىلدى. ونىڭ كوپشىلىگى قالانىڭ ەسكى بولىگىندە ورنالاسقان. ارالاۋ كەزىندە تۇرعىندارمەن باسقا دا بىرقاتار ماڭىزدى ماسەلەلەردى تالقىلايمىز, مىسالى, «قاۋىپسىز اۋلا» باعدارلاماسى بويىنشا اۋلاىشىلىك اۋماقتاردا كامەرالار ورناتامىز. بۇل قاۋىپسىزدىك دەڭگەيىن ارتتىرادى. سونىمەن قاتار جەدەل قىزمەت ماشينالارى تۇرعىن ءۇي اۋماعىنا كەدەرگىسىز كىرۋ ءۇشىن «اقىلدى شلاگباۋمدار» اتتى جاڭا جوبا ىسكە قوسىلدى», دەپ جازدى التاي كولگىنوۆ الەۋمەتتىك جەلىدەگى جەكە پاراقشاسىنا.
