ال, جالپى, وڭىردەگى بالىق شارۋاشىلىعىنىڭ نەگىزگى قورى 265 بالىق شارۋاشىلىعى سۋ ايدىنىن قۇرايدى.
مىسالى, ەرتىس وزەنى باسسەيننىڭ جايىلما سۋ ايدىندارى-182, دالا سۋ ايدىندارى 19, اششى-تۇزدى سۋ ايدىندارى – 64.
وسى سۋ ايدىندارىندا كوكسەركە, سازان, شورتان, باسقا دا بالىق تاردىڭ 15-كە جۋىق تۇرلەرى بار.
باسقارمانىڭ مالىمەتىنشە, 2011 جىلدان باستاپ سۋ ايدىندارىن جانۋارلار دۇنيەسىن پايدالانۋشىلارعا ۇزاق مەرزىمدى بەكىتۋ بويىنشا جۇمىس جۇرگىزىلۋدە.
بۇل بالىق شارۋاشىلىعىن دامىتۋعا پايدالانۋشىلاردىڭ قاراجاتىن ۇنەمدەۋگە مۇمكىندىك بەرەدى, سونداي-اق, سۋ ايدىندارىندا براكونەرلىكتىڭ كوبەيۋىنە توسقاۋىل جاسايدى. قازىرگى ۋاقىتتا وبلىستا بالىق شارۋاشىلىعى قىزمەتىن 32 تابيعات پايدالانۋشىسى جۇزەگە اسىرادى.
ولارعا 75 بالىق شارۋاشىلىعى سۋ ايدىنى بەكىتىلگەن. ولاردىڭ نەگىزگى قىزمەتى – كاسىپشىلىك بالىق اۋلاۋ بولعاندىقتان 300-دەن استام ادام ەڭبەك ەتەدى.
وڭىردە سوڭعى 3 جىلدا تابيعات پايدالانۋشىلارمەن 4 مىڭ توننا سۋ جانۋارلارى اۋلانعان, 2020 جىلى كۆوتا 1 085 توننا كولەمىندە بەكىتىلدى.
پاۆلودار وبلىسى
