بۇگىن قر پرەمەر-ءمينيسترىنىڭ ورىنباسارى ەرالى توعجانوۆتىڭ توراعالىعىمەن وتكەن ۆەدومستۆوارالىق كوميسسيانىڭ وتىرىسىندا سانيتارلىق-ەپيدەميولوگيالىق احۋالدى تۇراقتاندىرۋ جانە جۇمىس كۇندەرى كەلۋشىلەردىڭ اعىنىن ازايتۋ ماقساتىندا دەمالىس كۇندەرى جۇمىس ىستەۋگە رۇقسات بەرۋ تۋرالى شەشىم قابىلداندى:
سۇلۋلىق سالوندارىنا, شاشتارازدارعا, كوسمەتيكالىق قىزمەت كورسەتەتىن وبەكتىلەرگە (infokazakhstan.kz پورتالىندا تىركەلۋ, الدىن الا جازىلۋ بويىنشا 1 كەلۋشىگە 4 ش. م.);
فيتنەس-ورتالىقتارىنا, سپورتتىق-ساۋىقتىرۋ ورتالىقتارىنا, ترەناجەر زالدارىنا, سپورت كەشەندەرىنە, سپا-سالوندارعا, ساۋنالارعا, باسسەيندەرگە (infokazakhstan.kz پورتالىندا تىركەلۋ, تولىمدىلىعى 30% اسپايتىن, بىراق 50 ادامنان ارتىق ەمەس, الدىن الا جازىلۋ, ماسكا رەجيمىن, الەۋمەتتىك قاشىقتىقتى ساقتاۋ);
ءدىني نىساندارعا (جەكە, ۇجىمدىق ءىس-شارالار وتكىزبەي). مەملەكەتتىك ورگاندارمەن, "اتامەكەن" ۇكپ جانە وتاندىق تاۋار وندىرۋشىلەرمەن تالقىلاۋدىڭ قورىتىندىسى بويىنشا ءبىر رەت قولدانىلاتىن مەديتسينالىق ماسكالاردىڭ شەكتى بولشەك ساۋداداعى باعاسى 80 تەڭگەدەن 60 تەڭگەگە دەيىن, ياعني 25%-عا تومەندەتىلدى.
سونداي-اق ۇشىنشى توقساندا اتاۋلى الەۋمەتتىك كومەك (ااك) تاعايىندالعاندارعا 2020 جىلدىڭ 4 توقسانىندا مەملەكەتتىك ينستانتسيالارعا جۇگىنبەي, ونى اۆتوماتتى تۇردە ۇزارتۋ تۋرالى شەشىم قابىلداندى.
بۇل شارا مەملەكەتتىك ورگانداردا ادامداردىڭ جاپپاي جينالۋىن بولدىرماۋ ارقىلى ازاماتتاردىڭ كوروناۆيرۋس ينفەكتسياسىن جۇقتىرۋ قاۋپىن ازايتۋعا مۇمكىندىك بەرەدى.
كەڭەس قورىتىندىسى بويىنشا پرەمەر-ءمينيستردىڭ ورىنباسارى باسقا دا بىرقاتار تاپسىرما بەردى.
