حالىقارالىق مۋزەيارالىق ىنتىماقتاستىق تۋرالى قۇجاتقا قول قويۋ ءراسىمى, رەسەي قارۋلى كۇشتەرى ورتالىق مۇراجايىنىڭ جەڭىس زالىندا ءوتتى. مەموراندۋم اياسىندا ۇلتتىق اسكەري-پاتريوتىق ورتالىعىنىڭ باستىعى ورىنباسار قاراباەۆ پەن ورتالىق مۋزەي ديرەكتورى الەكساندر نيكونوۆ ەكسپوزيتسيالىق-كورمەلىك, رۋحاني-ادامگەرشىلىك جانە مادەني-اعارتۋشىلىق قىزمەتتى دامىتۋدا جان-جاقتى شىعارماشىلىق ءوزارا ءىس-قيمىل جاساۋ قاجەتتىگىن اتاپ ءوتتى.
اتالعان قۇجاتپەن قر قك ۇلتتىق اسكەري-پاتريوتتىق ورتالىعى مەن رف قك ورتالىق مۇراجايى, مەملەكەتتەر اراسىنداعى دوستىق قارىم-قاتىناس پەن كوپتەگەن عاسىرلار بويعى ەلدەردىڭ ورتاق تاريحىن تاعى دا راستاي ءتۇستى.
كەزدەسۋ بارىسىندا تاراپتار قازاقستاندىقتاردىڭ, اتى اڭىزعا اينالعان پانفيلوۆ ديۆيزياسىنىڭ جاۋىنگەرلىك جولى تۋرالى ماتەريالداردى ماسكەۋ شايقاسىنىڭ 80 جىلدىعىنا جانە ۇلى وتان سوعىسى جىلدارىندا كسرو استاناسىن قورعاعان جاۋىنگەرلەردى ماڭگى ەستە ساقتاۋعا ارنالعان فوتوقۇجاتتىق كورمەسىن قالىپتاستىرۋعا قاتىسۋى تۋرالى كەلىستى.
