قوعام • 11 قىركۇيەك، 2020

"Nur Otan" پارتياسىنا جاڭا مۇشەلەردى قابىلداۋ ۋاقىتشا توقتاتىلدى

48 رەت كورسەتىلدى

"Nur Otan" پارتياسىنا جاڭا مۇشەلەردى قابىلداۋ 11 قىركۇيەكتەن 4 قازانعا دەيىن ۋاقىتشا توقتاتىلدى. بۇل تۋرالى "Nur Otan" پارتياسى توراعاسىنىڭ ءبىرىنشى ورىنباسارى باۋىرجان بايبەك Facebook جەلىسىندەگى پاراقشاسىندا جازدى، دەپ حابارلايدى Egemen.kz.

"بۇگىن پرايمەريز وتكىزۋ جونىندەگى ورتالىق ۇيىمداستىرۋ كوميتەتىنىڭ وتىرىسىندا "Nur Otan" پارتياسىنا جاڭا مۇشەلەر قابىلداۋدى بيىلعى 11 قىركۇيەكتەن 4 قازانعا دەيىنگى ارالىقتا، ياعني داۋىس بەرۋ اياقتالعانعا دەيىن توقتاتا تۇرۋ تۋرالى شەشىم قابىلداندى.
 
سوڭعى كەزدە بىزگە جەكەلەگەن ازاماتتاردان ء"وز" كانديداتتارىنا داۋىس بەرگىزۋ ماقساتىندا پارتياعا ماجبۇرلەپ كىرگىزۋ تۋرالى "ارىزدار" تۇسۋدە. بۇعان مۇلدەم جول بەرۋگە بولمايدى دەپ ەسەپتەيمىن. مۇنداي ءاربىر فاكتىنى ءتۇرلى دەڭگەيدەگى پارتيالىق باقىلاۋ كوميسسياسى جان-جاقتى قارايتىن بولادى.
 
جارعىمىزعا سايكەس پارتياعا مۇشە بولۋ ەلىمىزدىڭ ءاربىر ازاماتىنىڭ ەرىكتى جانە وزىندىك تاڭداۋى بولىپ تابىلاتىنىن تاعى دا اتاپ وتكىم كەلەدى. سونىمەن، 1 تامىزدان بەرى "Nur Otan"-عا 25 مىڭداي جاڭا بەلسەندى ازامات مۇشەلىككە ءوتتى. سوڭعى جىلدارى "پارتيالاستار قاتارىن تازارتۋ" اياسىندا "Nur Otan"-نان 256 مىڭ ادام شىعارىلعان بولاتىن. بۇگىندە پارتيامىز قاتارىندا بارلىعى 835 مىڭ قازاقستاندىق بار.
 
وزدەرىڭىزگە ءمالىم، پرايمەريزدە ونلاين-داۋىس بەرۋدىڭ ايقىندىعىن قامتاماسىز ەتۋ ءۇشىن ءبىز ارنايى راستاۋ (ۆەريفيكاتسيا) جۇيەسىن پايدالانىپ وتىرمىز (تۇلعانى ينتەرنەت-بانكينگ ۇلگىسى بويىنشا انىقتاۋ). جۇيەنىڭ ءپرينتسيپى: ء"بىر داۋىس، ءبىر جسن، ءبىر ءموبيلدى ءنومىر جانە ءبىر IP-ادرەس". ەگەر وسى دەرەكتەردىڭ ءبىرى سايكەس كەلمەسە، وندا ادام "پرايمەريز" اقپاراتتىق جۇيەسىنە تىركەلە المايدى، ياعني داۋىس بەرە المايدى. مۇنىڭ بارلىعى ءتۇرلى ايلا-شارعىعا، بۇرمالاۋشىلىقتارعا، سونداي-اق ىقتيمال جاپپاي داۋىس بەرۋگە جول بەرمەۋ ماقساتىندا ىستەلىپ وتىر.
 
قۇرمەتتى دوستار! بارلىق ءتارتىپ بۇزۋ فاكتىلەرى بويىنشا ءبىزدىڭ 8 (800) 080 4441 (قوڭىراۋ سوعۋ تەگىن) جەدەل جەلىسىنە نە [email protected] ەلەكتروندى پوچتاسى ارقىلى حابارلاسا الاسىزدار. پارتيالىقتاردىڭ، جۇرتشىلىقتىڭ قولداۋىمەن ءبىز ەلباسى، "Nur Otan" پارتياسىنىڭ ليدەرى نۇرسۇلتان نازارباەۆ ايتقانداي، پرايمەريزدى اشىق، ءادىل جانە بارشاعا تەڭ جاعدايدا وتكىزەتىنىمىزگە سەنىمدىمىن"، دەپ جازدى باۋىرجان بايبەك.
سوڭعى جاڭالىقتار

ىندەت قايتا ءورشىدى

الەم • بۇگىن، 20:44

ليسيچانسك كىمنىڭ قولىندا؟

الەم • بۇگىن، 20:41

وڭىردە دامۋ ءۇردىسى بار

ايماقتار • بۇگىن، 20:27

تاڭدايدىڭ تارلانى

تاريح • بۇگىن، 20:24

جوعالعان سولدات

تاريح • بۇگىن، 20:22

ساناداعى سىلكىنىس نەمەسە كۇرەسكەردىڭ قالىپتاسۋى

احمەت بايتۇرسىن ۇلى • بۇگىن، 20:18

دومبىرانى دارىپتەدى

رۋحانيات • بۇگىن، 20:00

الماتىدا 36 گرادۋس ىستىق بولادى

اۋا رايى • بۇگىن، 16:40

بۇگىن - ۇلتتىق دومبىرا كۇنى

قازاقستان • بۇگىن، 08:50

ۇقساس جاڭالىقتار