"ال 2020 جىلدىڭ تامىز ايىندا ەلوردادا مەديتسينالىق ساقتاندىرۋ ءۇشىن 2,4 ملرد تەڭگەدەن اسا جارنا اۋدارىلعان. ولاردىڭ قوماقتى بولىگى – 1,4 ملرد تەڭگەدەن استامى جۇمىس بەرۋشىلەردىڭ اۋدارىمدارى, ال 988 ملن تەڭگەدەن استامى – جەكە كاسىپكەرلەردەن تۇسكەن جارنالار", دەيدى "الەۋمەتتىك مەديتسينالىق ساقتاندىرۋ قورى" كەاق نۇر-سۇلتان قالاسى بويىنشا فيليالىنىڭ حالىقتى اقپاراتتاندىرۋ جانە وتىنىشتەردى قاراستىرۋ ءبولىمىنىڭ جەتەكشىسى دانارا مۋسينا.
سونداي-اق 2020 جىلعى 28 تامىزداعى جاعداي بويىنشا, ءمامس ءۇشىن بىرىڭعاي جيىنتىق تولەم (بجت) نەگىزىندە تۇسكەن جارنا 17,6 ملن تەڭگەنى قۇرايدى. بىرىڭعاي جيىنتىق تولەم جاساۋ – الەۋمەتتىك جانە مەديتسينالىق ساقتاندىرۋ جۇيەسىنە قاتىسۋعا قۇقىق بەرەدى.
ەستەرىڭىزگە سالا كەتەيىك, مەديتسينالىق ساقتاندىرۋ قورىنىڭ قىزمەتى بويىنشا ساۋالدارىڭىز بولسا, Qoldau-24/7 ءموبيلدى قوسىمشاسىن تەلەفونعا جۇكتەپ الىپ, كەز كەلگەن ۋاقىتتا ءوتىنىش قالدىرۋعا بولادى. كەرى بايلانىستىڭ بۇل ءتۇرى, اسىرەسە قازىرگى ساتتە, سۇرانىسقا يە. سەبەبى, ازاماتتاردىڭ كوپشىلىگىنە ءوتىنىشتى ەلەكتروندى تاسىلمەن قالدىرعان ىڭعايلى.
ازاماتتاردان كەلىپ تۇسكەن بارلىق وتىنىشتەر وڭدەلىپ, تىركەۋ نومىرىمەن وتىنىشتەر تىزىلىمىنە تۇسەدى. تۇرعىندار تاراپىنان تۇسكەن وتىنىشتەرگە مونيتورينگ جۇرگىزىلەدى, قاجەت بولعان جاعدايدا بەلگىلەنگەن مەرزىمدە شەشىم قابىلداۋ ءۇشىن ساراپتامالىق باعالاۋعا بەرىلەدى.
الەۋمەتتىك مەديتسينالىق ساقتاندىرۋ قورىنىڭ Qoldau-24/7 ءموبيلدى قوسىمشاسىن Android سمارتفوندارى ءۇشىن Play Market ارقىلى, Apple سمارتفوندارى ءۇشىن App Store ارقىلى جۇكتەپ الۋعا بولادى.
