2020جىلعى10 قىركۇيەكتە قازاقستان رەسپۋبليكاسىنىڭ يندۋستريا جانە ينفراقۇرىلىمدىق دامۋ ءمينيسترى بەيبىت اتامقۇلوۆ بەلارۋس رەسپۋبليكاسىنىڭ قازاقستان رەسپۋبليكاسىنداعى توتەنشە جانە وكىلەتتى ەلشىسى پاۆەل ۋتيۋپينمەن كەزدەستى.
تاراپتار ونەركاسىپ, كولىك, اۆياتسيا, قۇرىلىس سياقتى سالالارداعى ەكىجاقتى ىنتىماقتاستىقتى تەرەڭدەتۋ پەرسپەكتيۆالارىن تالقىلادى.
ەلدەرىمىز اراسىنداعى ونەركاسىپتىك كووپەراتسيا اياسىندا اۋىل شارۋاشىلىعى, تىركەمە, جۇك جانە كارەرلىك تەحنيكانى قۇراستىرۋدى جۇزەگە اسىراتىن 8 جوبا بىرلەسىپ ىسكە اسىرىلعان.
بەيبىت اتامقۇلوۆ وسى سالاداعى ىنتىماقتاستىقتىڭ جوعارى الەۋەتىن اتاپ ءوتتى. سونداي-اق قازاقستاندا قۇراستىرۋ وندىرىستەرى مەن قۇرىلىس ماتەريالدارىنىڭ كومپونەنتتەرىن وقشاۋلاۋدى دامىتۋ قاجەتتىگىن اتاپ ءوتتى.
پ. ۋتيۋپين ءوز كەزەگىندە ەكى ەل اراسىنداعى تەمىرجول كولىگى مەن ماشينا جاساۋ سالاسىنداعى ءوزارا ءىس-قيمىلدى كەڭەيتۋدىڭ ماڭىزدىلىعىن اتاپ ءوتتى.
كەزدەسۋ سوڭىندا تاراپتار وتكىزىلگەن كەزدەسۋگە ريزاشىلىقتارىن ءبىلدىرىپ, قازاقستان مەن بەلارۋس اراسىنداعى قارىم-قاتىناستاردى ودان ءارى دامىتۋدىڭ ماڭىزدىلىعىن اتاپ ءوتتى.
