«مەن سىبايلاس جەمقورلىققا قارسى كۇرەسكە جۇيەلى تۇرعىدا شارا قابىلداۋ مەن الدىن الۋ جۇمىستارىنا ەرەكشە ءمان بەرگەندى قۇپتايمىن», دەپ اتاپ ءوتتى گرەكو اتقارۋشى حاتشىسى.
وسى تۇرعىدا ساراپشى جەمقورلىقتىڭ الدىن الۋدىڭ ءتۇپ-تامىرى سىبايلاس جەمقورلىققا قارسى ساياساتتى باعالاۋ جانە ونى قاتىسۋشى ەلدەردە ناقتى ىسكە اسىرۋ نەگىزىندە جاتقانىن اتاپ ءوتتى.
ول قازاقستان پرەزيدەنتىنىڭ سويلەگەن سوزىندە ايتىلعان رياسىز جانە ءادىل سوت تورەلىگىنە باعىتتالعان باعدارعا ەرەكشە نازار اۋداردى.
ونىڭ پىكىرىنشە, قۇقىقتىق مەملەكەتتىڭ بۇل ولشەمى سىبايلاس جەمقورلىققا قارسى ءىس-قيمىلدا تيىمدىلىككە قول جەتكىزۋدىڭ نەگىزگى شارتى بولىپ تابىلادى. ءوز كەزەگىندە جەمقورلىققا قارسى پارمەندى شارالار قوعامنىڭ مەملەكەتتىك ينستيتۋتتارعا دەگەن سەنىمىن ارتتىرادى جانە ەكونوميكالىق وسۋگە ىقپال ەتەدى.
ءوز حابارلاماسىندا ەسپوزيتو مىرزا 2021 جىلى قازاقستاندى باعالاۋدىڭ ءبىرىنشى راۋندىن تاعاتسىزدانا كۇتەتىنىن اتاپ ءوتتى. ونىڭ ناتيجەلەرى بويىنشا بەلگىلەنگەن ستاندارتتار مەن گرەكو-نىڭ 20 جىل قىزمەتى بارىسىندا جيناقتالعان وزىق تاجىريبەنى ەسكەرە وتىرىپ, زاڭناما مەن تاجىريبەنى جاقسارتۋ بويىنشا ۇسىنىمدار ۇسىنىلاتىن بولادى.
قازاقستان وكىلدەرى وسى حالىقارالىق ارەناداعى بەدەلدى باستاماعا قوسىلعان ساتتەن العاش رەت اعىمداعى جىلدىڭ 21-25 قىركۇيەگىندە وتەتىن پلەنارلىق سەسسياعا ونلاين رەجىمدە قاتىسادى.
