«قازمۇنايگاز» اق-عا قاراستى كومپانيالار توبى الەۋمەتتىك جاۋاپكەرشىلىكتى ارتتىرىپ, جۇمىسشىلارىنا لايىقتى ەڭبەك شارتتارىن ۇسىنۋ ءۇشىن ءۇش باعىتتان تۇراتىن «جوعارى ونىمدىلىك مادەنيەتى» اتتى باعدارلاما ازىرلەنىپ وتىر. بۇل باعىت ۇجىمدىق مادەنيەت, كوشباسشىلىق جانە HR-قۇزىرەتتىلىكتى دامىتۋعا باعىتتالعان مىندەتتەردەن تۇرادى. جالپى, قمگ 2019 جىلى جۇمىسشىلاردى الەۋمەتتىك قولداۋعا 22 ملرد تەڭگە قاراجات جۇمساعان.
«ەلدەگى ءىرى جۇمىس بەرۋشىنىڭ ءبىرى رەتىندە, جۇمىسشىلار مەن كاسىپوداقتار اراسىنداعى سەرىكتەستىك قاعيداتىنا سۇيەنە وتىرىپ, ءبىز الەۋمەتتىك باعىتتى ۇستانامىز. ءبىز ءونىمدى جۇمىسقا, لايىقتى جۇمىس پەن جاقسى ەڭبەك شارتتارىن قامتاماسىز ەتۋگە, ادامنىڭ ەڭبەك قۇقىقتارى مەن ادامي قۇقىقتارىن ساقتاۋعا, ايماقتار مەن قوعامنىڭ دامۋىنا كومەكتەسۋگە تالپىنامىز. 2019 جىلعى «قازمۇنايگاز»-دى ترانسفورماتسيالاۋ باعدارلاماسىنىڭ اياسىندا «جوعارى ونىمدىلىك مادەنيەتى» اتتى باستاما ىسكە قوسىلعان بولاتىن», دەلىنگەن كومپانيانىڭ ەسەبىندە.
ۇلتتىق كومپانيا تەك جۇمىسشىلارىنا عانا قولداۋ كورسەتىپ قويمايدى. ەسەپكە سۇيەنسەك, 2019 جىلى قمگ مەن ونىڭ ەنشىلەس كومپانيالارى جەر قويناۋىن پايدالانۋعا ارنالعان كەلىسىمشارتتارىندا وندىرىستىك قاتىسۋ ءوڭىرىن دامىتۋعا جانە حالىقتىڭ مۇقتاج توپتارىنا الەۋمەتتىك كومەك كورسەتۋگە ەلەۋلى اقشالاي قاراجات ءبولىپتى. كومپانيالار قاراجاتتى جەرگىلىكتى اتقارۋشى ورگاندارعا اۋدارادى, ال ولار ءوز كەزەگىندە قاراجاتتى حالىقتىڭ قاجەتىنە جاراتادى. وتكەن جىلى وسىنداي الەۋمەتتىك قولداۋدىڭ كولەمى شامامەن 7,6 ملرد تەڭگەنى قۇرادى, ونىڭ ىشىندە:
«وزەنمۇنايگاز» اق ماڭعىستاۋ وبلىسىنىڭ ينفراقۇرىلىمىن دامىتۋعا الەۋمەتتىك باعدارلامالار قورىنا 1,2 ملرد تەڭگە ءبولدى.
«ەمبىمۇنايگاز» اق 2019 جىلى اتىراۋ وبلىسى قىزىلقوعا اۋدانى مۇقىر اۋىلىندا 424 ورىندىق ورتا مەكتەپ قۇرىلىسىنا 131 ملن تەڭگەدەن استام قارجى ءبولدى.
«ماڭعىستاۋمۇنايگاز» اق ءوڭىردىڭ الەۋمەتتىك-ەكونوميكالىق دامۋىنا جانە ماڭعىستاۋ وبلىسىنىڭ ينفراقۇرىلىمىن دامىتۋعا 3,4 ملرد تەڭگە سوماسىندا قارجىلاي قولداۋ كورسەتتى.
«قازمۇنايتەڭىز» تمك جشس ماڭعىستاۋ وبلىسىنداعى «اتاجولى» اۆتوجولىن قايتا جوندەۋدى قارجىلاندىرۋعا 388 ملن تەڭگە سوماسىندا ۇلەس قوستى.
«پاۆلودار مۇناي-حيميا زاۋىتى» جشس پاۆلودار قالاسىنداعى جەكەلەگەن سپورت تۇرلەرى مەن سپورت ءىس-شارالارىنا 447 ملن تەڭگە سوماسىندا قولداۋ كورسەتتى.
«قازگەرمۇناي» بك جشس قىزىلوردا قالاسىنداعى جاستارعا قىزمەت كورسەتۋ ورتالىعىنىڭ قۇرىلىسىنا 1 465 ملن تەڭگە كولەمىندە قارجى ءبولدى, سالىم 2018-2019 جىلدار ارالىعىندا الەۋمەتتىك-ەكونوميكالىق دامىتۋ بويىنشا ەسەپتەلدى.
«قازاقويل اقتوبە» جشس ءوڭىردى جانە اقتوبە وبلىسىنداعى ينفراقۇرىلىمدى دامىتۋعا 120 ملن تەڭگە ءبولدى.
بۇدان باسقا, قمگ توبى ۇكىمەت تاپسىرماسى شەڭبەرىندە تۇركىستان قالاسىنىڭ ينفراقۇرىلىمىن (7 000 ورىندىق ستاديون, 1 000 ورىندىق كونگرەسس-حولل جانە امفيتەاتردىڭ قۇرىلىسى) دامىتۋعا 22,8 ملرد تەڭگە ءبولدى, ونىڭ ىشىندە: قمگ – 14 ملرد تەڭگە, «قازترانسويل» اق – 2,2 ملرد تەڭگە, «قازترانسگاز» اق – 5,7 ملرد تەڭگە.
