اشىلۋ سالتاناتىنا پرەزيدەنت اكىمشىلىگى باسشىسىنىڭ ورىنباسارى تيمۋر سۇلەيمەنوۆ, مەملەكەتتىك قىزمەت ىستەرى اگەنتتىگىنىڭ ءتورايىمى انار جايىلعانوۆا, نازارباەۆ ۋنيۆەرسيتەتىنىڭ پرەزيدەنتى شيگەو كاتسۋ, پرەزيدەنت جانىنداعى مەملەكەتتىك باسقارۋ اكادەمياسىنىڭ رەكتورى ەرلان ءابىل قاتىستى.
ء«بىز ءبارىمىز VUCA الەمىندە ءومىر سۇرەمىز. بۇل ۇعىم نەعۇرلىم قۇبىلمالى, بولجامسىز جانە بەلگىسىز, كۇردەلى جانە تۇسىنىكسىز دەگەندى بىلدىرەدى. COVID-19 الەمى, سونداي-اق COVID-19-دان كەيىنگى بولاشاق كورىنىسى – VUCA الەمىنىڭ مىسالى بولا الادى. ستسەناريلىك جوسپارلاۋمەن تانىسۋ جانە بولاشاقتى ويلاۋ, سونداي-اق حالىقپەن جانە ۇكىمەتتەگى ارىپتەستەرىمەن ستراتەگيالىق كوممۋنيكاتسيا قۇرا ءبىلۋ, ادامداردى بىرىكتىرۋ جانە ءتۇسىنۋ ءۇشىن مىنەز-ق ۇلىق تۇسىنىكتەرى مەن ەموتسيونالدى ينتەللەكتىنى ىلگەرىلەتۋ جانە دامىتۋ وتە ماڭىزدى. وسىنىڭ ءبارى تابىستى جوسپارلاۋ مەن ىسكە اسىرۋ اراسىنداعى ايىرماشىلىقتى انىقتايدى. پرەزيدەنت قاسىم-جومارت توقاەۆ ءوز جولداۋىندا اتاپ وتكەندەي, ناتيجەلەر ماڭىزدى. وسى كۋرس ارقىلى ءسىز ەلگە قىزمەت ەتۋ ءۇشىن جاڭادان ۋاجدەمە مەن مىندەتتەمە الاتىنىڭىزعا تولىق سەنىمدىمىن», دەپ اتاپ ءوتتى نازارباەۆ ۋنيۆەرسيتەتىنىڭ پرەزيدەنتى شيگەو كاتسۋ.
پرەزيدەنت جانىنداعى مەملەكەتتىك باسقارۋ اكادەمياسىنىڭ رەكتورى ەرلان ءابىلدىڭ ايتۋىنشا, ترەنينگ باعدارلاماسى «جاھاندىق كوزقاراس», ء«تيىمدى كوممۋنيكاتسيالار» جانە «ترانسفورماتسيالىق كوشباسشىلىق» سياقتى ءۇش نەگىزگى قۇزىرەتتىلىكتەر توپتاماسىنا باعىتتالعان. بۇل – ءتيىستى سالادا كەشەندى ساياساتتى ازىرلەۋ ءۇشىن, سونداي-اق مەملەكەتتىك, ۇكىمەتتىك باعدارلامالاردى جانە باسقا دا جوبالاردى ورىنداۋ بارىسىن رەتتەۋ مەن باعالاۋدىڭ, مەملەكەتتىك اپپاراتتىڭ يننوۆاتسيالىق, ناتيجەگە باعىتتالۋ, يكەمدىلىك جانە پراگماتيكالىق قاعيداتتارى بويىنشا ءتيىمدى ۇيىمداستىرۋشىلىق مادەنيەتىن قالىپتاستىرۋدىڭ ماڭىزدى قۇرامداس بولىگى.
«جاڭا فورماتسيا باسشىسى» باعدارلاماسىن تۇڭعىش پرەزيدەنت نۇرسۇلتان نازارباەۆ 2018 جىلدىڭ 5 قازانىندا «قازاقستاندىقتاردىڭ ءال-اۋقاتىنىڭ ءوسۋى: تابىس پەن تۇرمىس ساپاسىن ارتتىرۋ» اتتى جولداۋىندا العاش رەت جاريالاعان بولاتىن. ەلباسى نازارباەۆ ۋنيۆەرسيتەتىنە مەملەكەتتىك باسقارۋ اكادەمياسىمەن بىرگە ساياسي باسقارۋشىلار مەن مەملەكەتتىك قىزمەتشىلەرگە ارنالعان ترەنينگتەر وتكىزۋدى تاپسىردى.
ۆيتسە-مينيسترلەرمەن, وبلىستار, قالالار مەن اۋداندار اكىمدەرىنىڭ ورىنباسارلارىمەن, پرەزيدەنت اكىمشىلىگىنىڭ ءبولىم باسشىلارىمەن بىرگە پرەزيدەنت اكىمشىلىگىنىڭ جاس كادرلار رەزەرۆىنەن دە ماماندار وقيتىنىن اتاپ وتكەن ءجون. 10 اپتا ىشىندە جوعارى بۋىنداعى ساياسي مەملەكەتتىك قىزمەتشىلەر مەملەكەتتىك ساياساتتى ازىرلەۋدىڭ نەگىزگى سالالارىندا داعدىلارىن ارتتىرۋعا باعىتتالعان ترەنينگتەردەن وتەدى, مەملەكەتتىك باسقارۋداعى سوڭعى ۇردىستەر مەن يننوۆاتسيالارمەن, ستسەناريلىك جوسپارلاۋ مەن پەرسپەكتيۆالىق ويلاۋمەن, مەملەكەتتىك ساياسات شەشىمدەرىن قابىلداۋداعى ستراتەگيالىق كوممۋنيكاتسيالارمەن جانە مىنەز-ق ۇلىق ينسايتتارىمەن تانىسادى.
ايتا كەتەلىك, جوعارى مەملەكەتتىك ساياسات مەكتەبىنىڭ قىزمەتى – ادامداردىڭ ءومىر ءسۇرۋ ساپاسىن جاقسارتۋ ماقساتىندا ماماندار مەن كوشباسشىلاردى تۇبەگەيلى مەملەكەتتىك ساياسات پەن ءتيىمدى باسقارۋدى ءتۇسىنۋ مەن جۇزەگە اسىرۋعا وقىتۋ. 2012 جىلى اشىلعان ساتتەن باستاپ اتالعان مەكتەپ سينگاپۋر ۇلتتىق ۋنيۆەرسيتەتىنىڭ لي كۋان يۋ اتىنداعى مەملەكەتتىك ساياسات مەكتەبىمەن سەنىمدى ستراتەگيالىق ارىپتەستىكتى قولداپ كەلەدى. جوعارى مەملەكەتتىك ساياسات مەكتەبىنىڭ باعدارلامالارى مەملەكەتتىك ساياسات سالاسىنداعى ماگيستراتۋرانى, مەملەكەتتىك باسقارۋ سالاسىنداعى ماگيستراتۋرانى جانە مەملەكەتتىك ساياسات سالاسىنداعى دوكتورانتۋرانى قامتيدى. 2019 جىلى نازارباەۆ ۋنيۆەرسيتەتىنىڭ بۇل مەكتەبى مەملەكەتتىك جانە مۋنيتسيپالدى باسقارۋ سالاسىنداعى باعدارلامالاردى اككرەديتتەۋ بويىنشا ەۋروپالىق قاۋىمداستىقتىڭ (EAPAA) رەسمي اككرەديتتەۋىنەن ءوتتى.ا
