نازارەتتە وتكەن باسەكەدە قوس كوماندا دا جەڭىسكە جەتۋ ءۇشىن بارىن سالدى. قوس تاراپ تا ايانىپ قالعان جوق. دەسەك تە ۇزاققا دەيىن ولار ءبىر-ءبىرىنىڭ قاقپاسىنان ساڭلاۋ تابا الماي, ءبىراز ابىگەرگە ءتۇستى. تەك ءبىرىنشى كەزەڭنىڭ سوڭعى سەكۋندتارىندا ەلحان استانوۆ مەرگەندىك تانىتىپ, جەرلەستەرىمىزدى العا شىعاردى. ۇزىلىستەن كەيىن دە جوعارىداعى جاعداي قايتالاندى. 90+1 مينۋتتا يتامار شۆيرو تارازى باسىن تەڭەستىردى. الايدا جەرگىلىكتى جانكۇيەرلەردىڭ قۋانىشى ۇزاققا سوزىلمادى. ارادا ءۇش مينۋتكە جەتەر-جەتپەس ۋاقىت وتكەندە ورالحان ومىرتاەۆ نىسانانى ءدال كوزدەپ, قازاقستان قۇراماسىنا جەڭىس سىيلادى. ەسەپ – 1:2.
ىرىكتەۋ ءتۋرنيرىنىڭ التىنشى توبىندا ونەر كورسەتەتىن جەرلەستەرىمىز وسى جەڭىستەن كەيىن ەكىنشى ورىنعا كوتەرىلدى. ازىرگە قورجىنىمىزدا 10 ۇپاي بار. ال كوش باسىندا – يسپانيا قۇراماسى. پيرەنەي تۇبەگىنىڭ تۇلەكتەرى 16 ۇپايدى ەنشىلەپ وتىر. كەلەسى كەزدەسۋدى ءبىز 8 قازاندا ءوز الاڭىمىزدا سولتۇستىك ماكەدونياعا قارسى وتكىزەمىز.
