"2023 جىلدىڭ سوڭىنا دەيىن مىڭنان استام ادامدى ماقساتتى اۋديتوريامەن قامتۋدى جوسپارلاپ وتىرمىز. ولار - جاس وتباسىلار, كوللەدجدەر مەن جوعارى وقۋ ورىندارىنىڭ ستۋدەنتتەرى. سونداي-اق جاس اتا-انالار مەن بالالاردى دا قاتىستىرۋ جوسپاردا بار. ءبىز جاستار, گەندەرلىك, وتباسىلىق ساياسات سالاسىنداعى بىلىكتى مامانداردى شاقىرامىز. سونىمەن قاتار ۇلگىلى وتباسىلاردىڭ وكىلدەرى وزدەرىنىڭ قۇندىلىقتارى تۋرالى اڭگىمەلەيدى. سونىمەن قاتار بالالار قۇقىقتارى جونىندەگى وكىلدەر, بالانى جوسپارلاۋ جانە تاربيەلەۋ جونىندەگى ماماندار دا تارتىلاتىن بولادى", - دەيدى جوبا كۋراتورى, جاستار ساياساتى ماسەلەلەرى جونىندەگى باسقارمانىڭ وكىلى نۇرجان پارمانوۆ.
شارا سەمينارلار, جاس وتباسىلارعا ارنالعان ونلاين-ترەنينگتەر, "ۇزدىك جاس وتباسى" بايقاۋى, بەينەروليكتەر كونكۋرسى, فاكۋلتاتيۆتىك ساباقتار, جاس انالارعا ارنالعان سەمينارلار مەن ترەنينگتەر, وتباسىلىق مارافوندار سياقتى جەتى باعىتتى قامتيدى.
"وسى اپتادا بىزدە “ۇزدىك جاس وتباسى” بايقاۋى باستالادى, سونىمەن قاتار وتباسىلىق قۇندىلىقتاردى ناسيحاتتايتىن ۇزدىك بەينەروليك بايقاۋى وتەدى. سپورتتىق مارافوندار دا باستالادى. قىركۇيەك ايىندا جاس وتباسىلار ءۇشىن ارنايى سەمينار-ترەنينگتەر وتكىزىلەدى. انالار ءۇشىن ءبىز ءتۇرلى جانرداعى ونلاين-كۋرستار وتكىزەمىز. مىسالى, تانىمال اسپازشىلار ءوز شەبەرلىكتەرىمەن بولىسەدى", – دەپ اتاپ ءوتتى نۇرجان پارمانوۆ.
جوباعا قاتىسۋ تەگىن. سونىمەن قاتار, بايقاۋ جەڭىمپازدارى مەن بەلسەندىلەر ءۇشىن سەرتيفيكاتتار تۇرىندەگى سىيلىقتار قاراستىرىلعان. ءۇش جىلدىق جۇلدە قورى 4 ملن تەڭگەنى قۇرايدى. جوباعا قاتىسۋ تۋرالى بارلىق اقپاراتتى 8 702 837 32 49 نومىرىنەن, @ns_jastary ينستاگرام پاراقشاسىنان الۋعا بولادى.
