"جاقىن ارادا, 10-13 قىركۇيەك ارالىعىندا ءبىز پارتيانى ازاماتتىق اينالىمعا شىعارۋعا رۇقسات الۋىمىز كەرەك. تيىسىنشە, وسى ساتتەن باستاپ حالىقتى ۆاكتسيناتسيالاۋ باستالادى", - دەدى رعا كوررەسپوندەنت-مۇشەسى دەنيس لوگۋنوۆ.
بۇعان دەيىن رەسەيدىڭ دەنساۋلىق ساقتاۋ ءمينيسترى ميحايل مۋراشكو "ازاماتتىق اينالىم" ءسوزىن حالىقتى, دارىگەرلەر مەن مۇعالىمدەردى ۆاكتسيناتسيالاۋ دەپ تۇسىندىرگەن بولاتىن.
رف دەنساۋلىق ساقتاۋ مينيسترلىگى ساۋدا جانە قىزمەت كورسەتۋ سالاسىنىڭ قىزمەتكەرلەرىنە, پوليتسيا قىزمەتكەرلەرىنە, اسكەرگە شاقىرىلۋشىلارعا, ستۋدەنتتەر مەن مەكتەپ وقۋشىلارىنا, الەۋمەتتىك قورعاۋ, قوعامدىق تاماقتاندىرۋ قىزمەتكەرلەرىنە, جۇمىسى كوپتەگەن ادامدارمەن (قوناق ۇيلەر, شاشتارازدار, حيميالىق تازالاعىشتار, بانكتەر, كۇزەت كاسىپورىندارى جانە باسقالار) تىكەلەي بايلانىستا بولاتىن باسقا ۇيىمداردىڭ قىزمەتكەرلەرىنە جاپپاي ەكپە سالدىرۋدى ۇسىنىپ وتىر.
