سپورت • 04 قىركۇيەك، 2020

ەلوردانىڭ اۋلا كلۋبتارىندا 2،5 مىڭنان استام بالا سپورتپەن شۇعىلدانۋدا

8 رەت كورسەتىلدى

ساباقتار اشىق اۋادا، سانيتاريا تالاپتارىن ساقتاي وتىرىپ وتكىزىلەدى، - دەپ حابارلايدى Egemen.kz اكىمدىكتىڭ رەسمي سايتىنا سىلتەمە جاساپ.

پرەزيدەنت ق.توقاەۆ ءوز جولداۋىندا جاس ۇرپاقتىڭ سپورتتىق جانە شىعارماشىلىق الەۋەتىنە مەيلىنشە نازار اۋدارۋ قاجەت ەكەنىن اتاپ ءوتتى.

"بۇقارالىق سپورتقا، دەنە شىنىقتىرۋعا جانە بالالارعا باسىمدىق بەرۋ قاجەت. ءار وبلىستا، ءىرى اۋدان ورتالىقتارىندا سپورت سەكتسيالارى اشىلۋى كەرەك"، - دەدى مەملەكەت باسشىسى.

"استانا جاستارى" جاستار رەسۋرستىق ورتالىعىنىڭ اۋلا كلۋبتارىندا بالالاردىڭ قىزىعۋشىلىعىن تۋدىراتىن جاڭا سپورت سەكتسيالارى اشىلۋدا.

"سپورت الاڭدارىندا 20-عا جۋىق ۇيىرمە جۇمىس ىستەيدى. جەكپە-جەك تۇرلەرى، ​​ەركىن كۇرەس، كاراتە، جاۋىنگەرلىك سامبو، اسكەري قويان-قولتىق ۇرىس، دزيۋدو سەكتسيالارىنا باسىمدىق بەرىلگەن. ارالاس جەكپە-جەك مما سەكتسياسىن دا اشۋدى جوسپارلاپ وتىرمىز"، - دەدى "استانا جاستارى" كمم باسشىسى شىڭعىس تىلەۋلين.

سونىمەن قاتار وقۋشىلارعا ارنالعان اۋلا كلۋبتارىندا اشىق اۋادا دەنە شىنىقتىرۋ جاتتىعۋلارى وتكىزىلەدى. بۇل ساباقتار اسىرەسە پاندەميا كەزىندە سۇرانىسقا يە بولدى. اۋلالاردا ۆوركاۋت-الاڭداردىڭ اشىلۋىمەن بۇل باعىتتى ودان ءارى دامىتۋ جوسپارلانۋدا.

ء"بىز ستريت-ۆوركاۋتتى اۋلا كلۋبتارىنا ەنگىزۋمەن عانا شەكتەلىپ قالمايمىز. پاندەميا كورسەتكەندەي، اشىق اۋاداعى اۋلا الاڭدارىن پايدالانۋ قاجەت. جالپى، بىزدە كوپتەگەن سپورتتىق شارالار كوشەدە وتكىزىلۋدە"، - دەدى "استانا جاستارى" كمم باسشىسى.

بالالارعا ارنالعان بي ۇيىرمەلەرى دە بار. زاماناۋي بي توپتارى قۇرىلۋدا. بارلىق ساباقتار كەزىندە سانيتارلىق قاۋىپسىزدىك ەرەجەلەرى قاتاڭ ساقتالادى.

"بۇگىندە نۇر-سۇلتاندا ءبىز باقىلايتىن 21 اۋلا كلۋبى بار. ولاردا 2500 وقۋشى سپورتپەن اينالىسادى. بىزدە 133 ءتۇرلى سالاداعى جاتتىقتىرۋشىلار مەن وقىتۋشىلار بار"، - دەدى شىڭعىس تىلەۋلين.

"استانا جاستارى" حابارلاعانداي، بيىلدان باستاپ ورتالىق اۋلا كلۋبتارىن دامىتۋدىڭ 2023 جىلعا دەيىنگى جاڭا تۇجىرىمداماسىن ىسكە اسىرۋدا. ونىڭ باستى مىندەتى - جاستاردى قىزىقتىراتىن زاماناۋي ۇيىرمەلەر مەن باعىتتاردى اشۋ. ەگەر قازىرگى كەزدە اۋلا كلۋبتارى تاربيەلەنۋشىلەرىنىڭ دەنى 14 جاسقا دەيىنگى بالالار بولسا، بولاشاقتا ورتالىق ەرەسەك بالالارعا ارنالعان توپتار قۇرۋعا نيەتتى.

سوڭعى جاڭالىقتار

تسيرك - الەم نازارىندا

قازاقستان • كەشە

ۇقساس جاڭالىقتار