جاقسى ىسكە جانى ىڭكار ەرنات مەلس ۇلى, داۋلەتقالي اساۋوۆ پەن جاسۇلان ۇكەەۆتەر نۇر-سۇلتان قالاسىنان قيانداعى جيدەبايعا دەيىن مىڭ شاقىرىمدىق جولدى ۆەلوسيپەدپەن ءجۇرىپ وتۋگە بەل بۋعان. باستى ماقسات ۇلى ابايدىڭ مۇراسىن ناسيحاتتاۋ. ءبىرى اعىلشىن ءتىلىنىڭ مامانى بولسا, ەكىنشىسى جۋرناليست جانە ارحەولوگ. ولار ءبىر كۇندە 160 شاقىرىمنان استام جەردى ءجۇرىپ ءوتىپ, ەرەيمەنتاۋعا ات باسىن تىرەدى.
ودان ءارى پاۆلودار, سەمەي, ءبورىلىنى باسىپ ءوتىپ, جيدەبايداعى اباي-شاكارىم كەشەنىنە جەتپەك. جول بويى حاكىم مۇراسىن ناسيحاتتاۋ, جالپاق جۇرتتىڭ نازارىن ماڭگى ولمەس مۇرا قالدىرعان كەمەڭگەردىڭ شىعارماشىلىعىنا اۋدارۋ ءۇشىن زيالى قاۋىممەن كەزدەسۋلەر وتكىزبەك. ەل دە ەلەۋلى ساپاردى ەسكەرىپ, جول بويى قۇشاق جايىپ قارسى الىپ, قوشەمەت كورسەتۋدە.
