"كانديداتتىققا ۇسىنۋشىلاردىڭ 41% ايەلدەر مەن 23,4% جاستار ەكەنىن ايتا كەتكەن ورىندى. سونىڭ ىشىندە ءۇرجار اۋدانى, قابانباي اۋىلىنداعى اۋرۋحانادا جالپى تاجىريبەلىك دارىگەر بولىپ جۇمىس ىستەيتىن كوپبالالى انا بار", - دەدى Nur Otan پارتياسىنىڭ شقو بويىنشا فيليالى توراعاسىنىڭ ءبىرىنشى ورىنباسارى ولەگ چۋگۋنكوۆ.
تىكەلەي ەفير بارىسىندا ولەگ چۋگۋنكوۆ كانديداتتىققا ۇسىنۋشىلاردىڭ اراسىندا ەڭ جاسى 18-دە بولسا, ەڭ ۇلكەنى 73 جاستا بولعانىن اتاپ ءوتتى. الايدا ەرەجەگە سايكەس كامەلەتتىك جاسقا ەندى تولعان ءجاسوسپىرىم قابىلدانباعان.
"ايماقتاعى ازاماتتاردىڭ پرايمەريزگە دەگەن قىزىعۋشىلىعى جوعارى. بۇل جەرلەستەرىمىزدىڭ ماڭىزدى ساياسي شاراعا بەي-جاي قارامايتىنىن اڭعارتادى. ءبىز وسى پرايمەريز جۇمىستارىنا قاتىسىپ جاتقان ازاماتتاردى كەلەسى كەزەڭدەردە دە بەلسەندى بولۋعا شاقىرامىز", - دەدى ولەگ چۋگۋنكوۆ.
14 قىركۇيەك كۇنى جارىس پىكىرسايىس ۇيىمداستىرىلادى. وعان كانديداتتار مىندەتتى تۇردە قاتىسۋى ءتيىس. تىكەلەي ەفيرگە قاتىسقان Nur Otan پارتياسىنىڭ شقو بويىنشا فيليالى توراعاسىنىڭ ءبىرىنشى ورىنباسارى وسىلاي دەدى.
"كانديداتتارعا باسقا ۇمىتكەرلەرگە قارسى ۇگىت-ناسيحات جۇمىستارىن جۇرگىزۋگە تىيىم سالىنادى. بۇدان بولەك كانديداتتار جەكە قاراجاتتارى ەسەبىنەن ۇگىت-ناسيحات جۇمىستارىن جۇرگىزە الادى", - دەدى ولەگ چۋگۋنكوۆ.
پرايمەريزگە قاتىسۋ ەرەجەلەرى تۋرالى تولىق اقپاراتتى nurotan.kz جانە primaries.kz سايتتارىنان كورۋگە بولادى.
