"كلينيكاعا دەيىنگى سىناق ءساتتى ءوتتى. تەكسەرۋ شارالارى بارلىق دەرەكتەردىڭ تولىق جاڭعىرتىلۋىن بايقاتتى. انتيدەنەلەر بويىنشا شەتەلدىك بالامالى زەرتتەمەلەردەن كەم ەمەس ەكەنىن كورىپ وتىرمىز. سونىمەن قاتار, گۋمورالدى ءارى جاسۋشالىق يممۋنيتەتتىڭ دامۋىن بايقادىق, بۇل ءوز كەزەگىندە ماڭىزدى بولىپ سانالادى", دەدى مينيستر ۇكىمەت ۇيىندە وتكەن ءباسپاسوز ءماسليحاتىندا.
مۇنىمەن قوسا ول وتاندىق عالىمدار ءوز ەركىمەن ەكپە سالعاندارىن ەسكە سالدى.
ء"بىر ايدان استام ۋاقىت ءوتتى. ولار ۇنەمى باقىلاۋدا بولادى, سايكەسىنشە اناليز تاپسىرۋدا. وسى ورايدا ءوزىمىزدىڭ ۆاكتسينانىڭ ناتيجەلىگى مەن تيىمدىلىگىن كورىپ تۇرمىز", دەدى ا.ايماعامبەتوۆ. مينيستر قازىرگى كەزدە قازاقستاندىق عالىمدار كلينيكالىق سىناقتىڭ ءتيىستى كەزەڭىنە كىرىسىپ جاتقانىن, ەرىكتىلەردى ىرىكتەۋ باستالعانىن جەتكىزدى.
