№29 جالپى ورتا ءبىلىم بەرۋ مەكتەبى – پاۆلودارداعى ەڭ ءىرى مەكتەپتەردىڭ ءبىرى. باستاۋىش بلوكتا ءبىرىنشى سىنىپتان ءتورتىنشى سىنىپقا دەيىن 1100 بالا ءبىلىم الادى. كەزەكشى سىنىپتاردا وقۋشىلاردىڭ 80 پايىزى وقۋعا نيەت بىلدىرگەن. بۇل – شامامەن 800 بالا. 67 كەزەكشى سىنىپ اشىلعان. ولاردىڭ جەتەۋى − قازاق تىلىندە.
− بۇگىن مەن قىزىمدى ساباققا الىپ كەلدىم. ويتكەنى ول قاشىقتىقتان ەمەس, ءداستۇرلى فورماتتا وقۋعا ءوزى نيەت ءبىلدىردى. بالا جارتى جىل ۇيدە وتىردى, ەندى ساباققا بارعىسى كەلەدى. سونداي-اق, سىنىپتاستارىمەن كۇندە جۇزدەسىپ, مۇعالىمدەرىنەن تىكەلەي ءبىلىم العىسى كەلەدى. مەن ونىڭ بۇل شەشىمىن بىردەن قولدادىم. بارلىق سانيتارلىق نومالاردى ساقتاپ, قىزىمىزدا ماسكا مەن انتيسەپتيكتىڭ بولۋىن ءوزىم قاداعالاپ وتىرامىن, − دەيدى ۆلاديسلاۆ ەلەنيچ.
بارلىق كەزەكشى سىنىپتار ءارتۇرلى ۋاقىتتا مەكتەپكە كەلەدى. سونداي-اق مەكتەپتە ءۇش كىرۋ ايماعى اشىلعان. №29 مەكتەپتىڭ ديرەكتورى ۆلاديسلاۆ ەلەنيچتىڭ ايتۋىنشا, ۇزىلىستەردە سىنىپ وڭدەلەدى جانە جەلدەتىلەدى. سانيتارلىق نورمالارعا سايكەس كۆارتس تاڭەرتەڭ جانە تۇسكى ۋاقىتتا قوسىلادى.
– وقۋشىلارىمىزدىڭ اتا-انالارى وسى وقۋ جىلىنا ۇلكەن تۇسىنىستىكپەن قاراعانىن اتاپ وتكەن ءجون. ماسكالار مەن انتيسەپتيكتەر بويىنشا ەشقانداي ماسەلە تۋىنداعان جوق. بىراق اتا-انالار بالالارىن قاشىقتىقتان وقىتۋعا اۋىستىرا الاتىنىن ۇپىتپاعان جون. ەگەر بالانىڭ دەنساۋلىعى, سوزىلمالى اۋرۋلارى, يممۋنيتەتى السىرەگەن بولسا, بۇل بالانى كەزەكشى سىنىپتا وقىتۋ كەزىندە قوسىمشا قاۋىپ بولۋى مۇمكىن, – دەدى ۆلاديسلاۆ ەلەنيچ.
№29 جالپى ورتا ءبىلىم بەرۋ مەكتەبىنىڭ باستاۋىش سىنىپ مۇعالىمى اقجايىق بالاجانوۆا ۇستازدارعا قويىلاتىن تالاپتار دا, مىندەتتەر دە كوبەيگەنىن ايتادى. بىراق, مۇعالىمدەر قاۋىمىنىڭ بالالاردىڭ مەكتەپكە وتە جاقسى كوڭىل كۇيمەن كەلگەنى جانە اتا-انالاردىڭ دا كوزقاراسى مەن كوڭىل كۇيلەرى جاقسى بولعانى بارلىعىنا ءپوزيتيۆتى تۇرعىدان قاراۋعا كومەكتەسەتىنىن اتاپ ءوتتى. سونىمەن قاتار, مۇعالىمى اقجايىق بالاجانوۆا "كوش جۇرە تۇزەلەدى" دەمەكشى, الداعى ۋاقىتتا دا وسى باعىتتان تايماي, بارلىق نورمالاردى ساقتاپ, بالالارعا ساپالى ءبىلىم بەرۋگە تىرىساتىنىن ايتتى.
ەستەرىڭىزگە سالا كەتەيىك, كەزەكشى سىنىپتار 1-4-سىنىپ وقۋشىلارى ءۇشىن اشىلدى. وڭىردەگى 112 مىڭ وقۋشىنىڭ 28 مىڭنان استامى ءداستۇرلى ءبىلىم الۋدا.
