پرەزيدەنت قازىرگى قالىپتاسقان ونلاين ءبىلىم بەرۋ جۇيەسىنە قاتىستى ءوزىنىڭ سىني پىكىرىن ايتتى. ءبىز ەلدى ارالاعاندا بۇل ماسەلەنى كوتەرگەنبىز. قازىر ءبىز قالىپتاسقان ءداستۇرلى ءبىلىم بەرۋدى جالعاستىرۋ ماسەلەسىن قاراۋىمىز كەرەك. مەنىڭ ويىمشا, اتا-انالاردىڭ كەلىسىمىمەن بالالاردى ءداستۇرلى ءبىلىم بەرۋگە كوشىرۋگە مۇمكىندىك بار دەپ ەسەپتەيمىن.
ەكىنشى ماسەلە, جەرگىلىكتى ءوزىن-ءوزى باسقارۋ. بۇل باعىتتاعى زاڭ بىزدە بار, بىراق فورمالدى تۇردە قولدانىلىپ كەلگەن. پرەزيدەنت وسى ماسەلەگە ايرىقشا نازار اۋدارىپ, اۋىل اكىمدەرىن حالىقتىڭ پىكىرىنە سۇيەنە وتىرىپ سايلاۋ ماسەلەسىن الداعى جىلى ەنگىزۋ قاجەت ەكەنىن ايتتى.
جولداۋدا ۇلتتىق قۇندىلىقتار ماسەلەسى دە كوتەرىلدى. مەملەكەت باسشىسى ادال, ءبىلىمدى, كاسىپكە بەيىم ۇرپاق تاربيەلەۋ ىسىنە ارالاسۋدى بارلىق قوعامدىق ينستيتۋتتارعا جۇكتەدى.
پارلامەنت ءوز تاراپىنان پرەزيدەنتتىڭ تاپسىرمالارىنىڭ زاڭدىق تۇرعىدا تۇجىرىمدالۋىن جان-جاقتى قارايتىن بولادى.
مۇرات باقتيار ۇلى,
سەنات دەپۋتاتى
