ساياسات • 02 قىركۇيەك، 2020

الداعى جۇمىس باعىتى بەلگىلەندى

38 رەت كورسەتىلدى

وڭىرلەرگە بارعان ساپارىمدا ءبىلىم بەرۋ سالاسىنداعى وڭ وزگەرىستەر تۋرالى، ونىڭ ىشىندە جاڭا وقۋ پروتسەسستەرى تۋرالى، قاشىقتان وقىتۋعا بايلانىستى ينتەرنەتكە قولجەتىمدىلىك پەن دايىندىق، ساپالى ءبىلىم بەرۋ ماسەلەلەرى تۋرالى سۇراقتار كوتەرىلگەن بولاتىن.

پرەزيدەنت ءوزىنىڭ جولداۋىندا، وسىنداي وزەكتى ماسەلەلەرگە توقتالدى. سانيتار­لىق تالاپتاردى جانە وتكەن وقۋ جىلىندا قاشىقتان وقىتۋداعى جىبەرىلگەن قاتە­لىكتەردى ەسكەرە وتىرىپ، ۇكىمەتكە تولىق­قاندى فۋنكتسيالارى بار بىرىڭعاي ونلاين ءبىلىم بەرۋ پلاتفورماسىن شۇعىل ازىرلەۋ كەرەكتىگىن جانە ساپالى ءبىلىم بەرۋدىڭ قا­لىپ­تاسقان ءداستۇرلى تاسىلىنە قايتا كوشۋ ءتار­تىبىن دە ازىرلەۋدى تاپسىردى.

سونىمەن قاتار ءبىلىم سالاسىنداعى باس­تى ماسەلەلەردىڭ ءبىرى – ول ۇستازدار جالا­قىسىنىڭ ازدىعى بولاتىن. وسى وراي­دا، ونىڭ 2021 جىلدىڭ قاڭتار ايىنان باس­تاپ 25 پايىزعا وسەتىنى قۋانىشتى حابار بولدى.

جولداۋدا ەلىمىزدىڭ ەكونوميكاسىن بۇگىنگى قولايسىز جاعدايدا ودان ءارى دامىتۋ ءۇشىن باسىم باعىتتار بەلگىلەنىپ، ۇكىمەتكە ءبىراز تاپسىرمالار بەرىلدى. مەنىڭ ويىمشا، بۇل تاپسىرمالار ۇكىمەت پەن پارلامەنتتىڭ بىرلەسە وتىرىپ شەشەتىن ماسەلەلەرى، وسى ورايدا، الداعى ۋاقىتتا قانداي باعىتتا جۇمىستار جۇرگىزىلەتىنى تولىقتاي بەلگىلەندى.

بۇگىنگى جولداۋدان كەيىن قازاقستان حالقى ءبىر سەرپىلىپ، وسى بەلگىلەنگەن سترا­تە­گيالىق مەجەلەردى ورىنداۋ ءۇشىن، جۇمىلا جۇمىس ىستەيمىز دەگەن پىكىردەمىن.

 

باقتىباي شەلپەكوۆ،

سەنات دەپۋتاتى

 

سوڭعى جاڭالىقتار

اراق ساتىلمايتىن اۋدان

ايماقتار • كەشە

ەرلىككە تولى سۋرەتتەر

رۋحانيات • كەشە

ۇقساس جاڭالىقتار