حالىق جەمقورلىقپەن كۇرەسكە ۇلەس قوسۋعا دايىن

اگەنتتىكتىڭ جاڭا قۇرىلىمىن قالىپتاستىرۋ كەزىندە مەملەكەتتىك اپپاراتتىڭ جاريالىلىعىن, قولجەتىمدىلىگىن, اشىقتىعى مەن ايقىندىلىعىن جانە ادالدىق پەن پارا الماۋشىلىق يدەو­لو­گيا­سىن تۇرعىندار اراسىن­دا كەڭ كولەمدە ناسيحاتتاۋ ماقسا­تىندا پاراساتتىلىق دەپار­تامەنتىن قۇرۋ تۋرالى شەشىم قا­­بىلداندى. سونداي-اق «ادال­دىق الاڭى» – «سىبايلاس جەمقور­لىقتان ازات وڭىرلەر» جوباسى بۇ­گىندە تۇرمىستىق سىبايلاس جەم­قورلىقتى جويۋدىڭ بىرەگەي جوباسىنا اينالدى. تۇرمىستىق سىبايلاس جەمقورلىقتى جويۋ, مەم­لەكەتتىك ورگانداردىڭ اشىق­­­تىعىن قامتاماسىز ەتۋ, مەم­­لەكەتتىك قىزمەتتەردى الۋ كەزىندە قولايلى جاعدايلار جاساۋ جانە قوعامدىق باقىلاۋ قۇرالدارىنىڭ پارمەندى ىسكە اسىرىلۋىن قامتاماسىز ەتۋ – اتالعان جوبانىڭ الدىنا قويعان ناقتى مىندەتتەرى بولسا, جوبانىڭ مىزعىماس بولىگى – ەل ازاماتتارى مەن قوعام وكىلدەرىنىڭ ازاماتتىق بەلسەندىلىك تانىتا وتىرىپ, قوعامدىق باقىلاۋدى كۇشەيتۋگە جانە ادالدىق يدەولوگياسىن ىلگەرىلەتۋگە جۇمىلا ات­سالىسۋى بولىپ وتىر. ەل يگىلىگى جولىندا وسى ءبىر ورتاق ماقساتتى جۇزەگە اسىرۋ ماقساتىندا ورتا­لىق مەملەكەتتىك ورگاندار مەن  وڭىرلەر اراسىندا جوبا جەتەك­شىلەرى تاعايىندالىپ, قازىرگى تاڭدا قوعامدىق كەسەلدىڭ الدىن الۋ جولىندا جانە ونىڭ جولىن كەسۋدە قارقىندى جۇمىس جۇر­گىزۋدە.

بۇگىندە اۋىلدىق دەڭگەيگە دەيىنگى 200-گە جۋىق اكىمدىك ازا­ماتتارعا قىزمەت كورسەتۋدىڭ سەر­ۆيستىك مودەلىنە كوشسە, جەرگىلىكتى تۇر­عىنداردىڭ تالاپ-تىلەگىنە قۇلاق ءتۇرۋ ءۇشىن ەل بويىنشا 1000-نان استام وpen space ۇلگىسىن­دەگى كەڭسە مەن 750-دەن اس­تام فرونت-وفيس اشىلدى. نا­­تي­جەسىندە, قوعام ومى­رىندە اشىق­تىقتى قامتاماسىز ەتۋ ار­قىلى سىبايلاس جەمقورلىق دە­رەكتەرى تۋىندايتىن سەبەپتەر مەن جاعدايلاردىڭ دەڭگەيى تومەن­دەۋدە. ەلىمىزدىڭ 16 وڭىرىندە اشىلعان Antikor-سەرۆيستىك ورتا­لىقتارىندا ءاربىر ازاماتتىڭ سا­پالى قۇقىقتىق كومەك پەن كە­ڭەس الۋىنا تولىق مۇمكىندىك قا­راستىرىلعان.

ەل اۋماعىندا اشىقتىق پەن ايقىندىلىقپەن قاتار, ازاماتتار ءۇشىن مەملەكەتتىك ورگانداردىڭ قىزمەتىنە قاتىستى ۇسىنىلاتىن اقپاراتتاردىڭ بارىنشا قولجە­تىمدىلىگىنە اگەنتتىك تاراپىنان باسا نازار اۋدارىلۋدا. ماسە­لەن, جالپىعا قولجەتىمدى سەرۆيس – «اشىق بيۋدجەتتەردىڭ ين­تەراكتيۆتى كارتاسى» مەملەكەت تاراپىنان بولىنەتىن بيۋدجەت قاراجاتىن ءار ازاماتتىڭ كورىپ, باقىلاۋىنا جانە ءتيىمدى يگە­رىلۋى بويىنشا پىكىرلەر مەن شاعىمدار قالدىرۋلارىنا تولىق مۇمكىندىك بەرەتىندىگىمەن ەرەكشە. بۇگىندە كارتادا 7,2 ترلن تەڭگەدەن استام بيۋدجەت قاراجاتى اشىق تۇردە جاريالانعان. سونداي-اق پاراساتتىلىق مادەنيەتىن قا­لىپتاستىرۋدا بۇگىنگى ەپيدەميالىق جاعدايعا بايلانىستى مەملەكەتتىك ورگاندار مەن قىزمەتشىلەردىڭ حالىق الدىندا ەسەپ بەرۋى مەن اشىقتىقتى قام­­تاماسىز ەتۋىندە جاڭا ينتە­راكتيۆتى ونلاين-جوبالار قول­دانىلۋدا.

سىبايلاس جەمقورلىققا قار­سى ءىس-قيمىل جونىندەگى قىز­مەت تۋرالى حالىقتى ۇزدىكسىز اقپا­رات­تاندىرۋدى قامتاماسىز ەتۋ جانە سىبايلاس جەمقورلىققا قارسى قارقىندى كۇرەستەگى جا­ڭا­شىلدىقتاردى ءتۇسىندىرۋ ءۇشىن «Antikor.LIVE» جوباسى ىسكە قو­سىلىپ, وسى كۇنگە دەيىن الەۋ­مەتتىك جەلىلەر ارقىلى تۇر­عىن­­داردى تولعانتقان ءتۇرلى تا­قى­رىپتار بويىن­شا 1 800-دەن استام «تىكەلەي ەفير» وتكىزىلدى. «Antikor.LIVE» جوباسى ءار كۇن سايىن تۇراقتى نەگىزدە تىكەلەي ەفيرگە جول تارتۋ ارقىلى قىسقا مەرزىم ىشىندە وزەك­تى ماسەلەلەر بويىنشا اقپارات تارا­تۋدىڭ ەڭ ءتيىمدى تەتىگىنە اينالدى.

بۇگىنگى كۇنى پاراساتتىلىققا نەگىزدەلگەن قوعامدى قۇرۋدا سى­بايلاس جەمقورلىققا قار­سى ءبىلىم الۋدى مەكتەپ قا­بىر­عاسىنان باستاۋعا باسا نازار اۋدارىلىپ كەلەدى. 2019 جىل­­دان باستاپ ەلىمىزدىڭ جوعا­رى سىنىپ وقۋشىلارى مەن ستۋ­دەنت­تەرى اراسىندا پاراسات­تى­لىق يدەولوگياسىنىڭ اۋقى­مىن كەڭەيتۋگە جانە تەرەڭ ءبىلىم­نىڭ ماڭىزدىلىعىن تۇسىن­دى­رۋگە با­عىتتالعان جالپىرەس­پۋب­ليكالىق «ادالدىق ساعا­تى» اكتسياسى باس­تاۋ العان. كوروناۆيرۋستىق ين­فەكتسيانىڭ تارالۋىنا قا­را­ماستان, ءبىلىم الۋشىلاردى ادالدىق پەن ادىلدىك سىندى قاسيەتتەرگە ۇندەيتىن دا­رىستەر ءوز ماڭىزدىلىعىن جو­عالت­پاي, تىكەلەي كەزدەسۋلەر ون­لاين-دارىستەرگە كوشۋ ارقىلى ءوز جالعاسىن تابۋدا. بۇدان بولەك, اگەنتتىك ۇلى ويشىلداردىڭ ەڭ­بەكتەرىن كەڭىنەن ناسيحاتتاۋ – سانالى قوعامدى تاربيەلەۋدىڭ ءتيىمدى تەتىگى ەكەندىگىن نازارعا الا وتىرىپ, 2020 جىلدىڭ مامىر جانە شىلدە ايلارىندا ادىلدىكتى ارقاۋ ەتكەن «ادالدىق ساعاتى» – «ادالدىقتى مۇرا ەتكەن ۇلى اباي» جانە ء«ال-فارابي جانە قايىرىمدى قوعام» تاقىرىپتارى بويىنشا جالپىرەسپۋبليكالىق دەڭگەيدە ۇيىمداستىرىلىپ, بەينە-دارىستەر رەسپۋبليكالىق جانە وڭىرلىك تەلەارنالاردا كورسەتىلدى. سونداي-اق ولاردى الەۋمەتتىك جەلىلەردە ورنالاس­تىرۋ مەكتەپ وقۋشىلارى جانە ستۋدەنتتەرمەن ءتيىمدى كەرى بايلانىس ورناتۋعا جانە ولاردىڭ قوعام ومىرىندە ءجيى كەزدەسەتىن الەۋمەتتىك ىندەتكە قارسى تۇرۋدا بەلسەندىلىك تانىتۋلارىنا ايرىقشا سەرپىن بەرۋدە.

بۇگىندە سىبايلاس جەم­قور­لىققا قارسى جوعارى ستاندارت­تارعا يە قازاقستاندىق 11 جوعارى وقۋ ورنى اكادەميالىق ادالدىق ليگاسىنا بىرىگىپ, ودان بولەك جال­پى ءبىلىم بەرەتىن جانە ورتا-ار­نايى مەكەمەلەر ءۇشىن پارا­سات­­تىلىق مەكتەپتەرى ليگاسىن قۇ­رۋعا باستاما جاسالۋدا. ادال­دىق, پاراساتتىلىق, سەنىم قۇندى­لىقتارىن كەڭ كولەمدە دارىپتەۋ ماقساتىندا اگەنتتىكتىڭ سەنىمدى سەرىكتەستەرى رەتىندە بۇگىندە جالپى سانى 8 مىڭعا جەتكەن مەكتەپ وقۋشىلارى مەن ستۋدەنتتەر Adal Urpaq ەرىكتى مەكتەپ كلۋبتارى مەن Sanaly Urpaq جوبالارىنا بىرىكتىرىلگەن. سىبايلاس جەمقورلىقتىڭ وتباسىعا تيگى­زەر سالدارىن, مەملەكەتكە تيگى­زەر زاردابى مەن زالالىن الەۋ­مەتتىك تۇرعىدان كورسەتە وتىرىپ تۇسىرىلگەن بەينەماتەريالدار وڭ مىنەز-ق ۇلىق ۇلگىلەرىن قالىپ­تاستىرۋعا, قاتىپ قالعان كوز­قا­راستاردى وزگەرتۋگە جانە زاڭ ايا­سىندا ءىس-ارەكەتتەر جاساۋعا دا­رىپتەيدى.

قورىتا كەلگەندە, ىسكە اسىرىلىپ جاتقان شارالاردىڭ تيىمدىلىگىن الەۋمەتتىك زەرتتەۋ­لەردىڭ ناتيجەلەرى ارقىلى باي­قاۋعا بولادى. بۇگىندە TALAP قولدانبالى زەرتتەۋلەر ورتا­لىعىنىڭ باعالاۋى بويىنشا قازاقستاندىقتاردىڭ شامامەن 70%-ى سىبايلاس جەمقورلىق دەڭ­گەيىن تومەندەتۋگە ءوز ۇلەس­تەرىن قوسۋعا دايىن ەكەندىگى بەل­گىلى بولىپ وتىر.

عانيجان اسان ۇلى,

سىبايلاس جەمقورلىققا قارسى ءىس-قيمىل اگەنتتىگى پاراساتتىلىق دەپارتامەنتىنىڭ ديرەكتورى