وسى كەزگە دەيىن اۋىلدا مەكتەپ بولماعاندىقتان مەكتەپ جاسىنداعى وقۋشىلار قالا مەكتەپتەرىنە اۆتوبۋسپەن قاتىنايتىن. ء وڭىر باسشىسى مەكتەپ ءىشىن ارالاپ, كەزەكشىلىك رەجيمدە ءبىلىم الۋدى باستاعان 1-كلاسس وقۋشىلارىنا ساتتىلىك تىلەدى.
جاڭا مەكتەپتىڭ قۇرىلىس ساپاسىن باقىلاپ, اشىلۋ سالتاناتىنا ارنايى كەلگەن وقۋشىلار مەن ولاردىڭ اتا-انالارىمەن جۇزدەستى. وقۋ عيماراتىندا 26 وقۋ سىنىبى, ينفورماتيكا كابينەتى, شەبەرحانا, سپورتزال, اسحانا, كىتاپحانا, مەديتسينالىق كابينەتى بار. اۆتونومدى جىلۋ قازاندىعى ءارى تابيعي گازبەن دە جىلىتىلادى.
"مەملەكەت باسشىسى قاسىم-جومارت توقاەۆتىڭ قازاقستان حالقىنا جولداۋىندا مەكتەپتەردەگى ء بىلىم ساپاسىن كوتەرۋدى اشىپ كورسەتتى. ءوسىپ كەلە جاتقان بالالارىمىزعا ساپالى ءبىلىم, سانالى تاربيە بەرۋ ءۇشىن ەڭ الدىمەن ولاردىڭ جاعدايىن جاساۋىمىز قاجەت. ەڭسەلى دە زامان تالابىنا ساي بوي كوتەرگەن وسى №74-ءشى مەكتەپتە تالاي ەلگە قىزمەت ەتەر ازاماتتار تاربيەلەنەدى دەپ سەنەمىن", - دەدى ءوڭىر باسشىسى.
بۇل مەكتەپتىڭ قۇرىلىسى 2019 جىلدىڭ تامىز ايىندا باستالعان ەدى. اقتوبە وبلىسىندا جاڭا وقۋ جىلى قارساڭىندا 3 مەكتەپ پايدالانۋعا بەرىلسە, جىل سوڭىنا دەيىن تاعى دا 9 مەكتەپ قۇرىلىسى اياقتالادى دەپ جوسپارلانعان.
باياندى سارسەنبينا,
"Egemen Qazaqstan"
