رەسەي پرەمەر-ليگاسىنىڭ التىنشى تۋر اسىندا گروزنىيدا وتكەن «احمات» پەن تسسكا اراسىندا ماتچتا زاينۋتدينوۆ ەكىنشى تايم باستالا سالا (46-مينۋتتا) جارتىلاي قورعاۋشى تيكنيزياندى الماستىرىپ, الاڭعا شىقتى. جەرلەسىمىز الاڭدا بەلسەندى ويناعانىمەن, قاقپاعا گول سوعا المادى. بىراق, قارسىلاس كوماندا ويىنشىسىنىڭ اياعىن باسىپ كەتكەنى ءۇشىن ويىننىڭ 84 مينۋتىندا سارى قاعاز الدى.
وسىمەن جەرلەسىمىز ارمياشىلار ساپىندا ەكىنشى رەت الاڭعا شىعىپ وتىر. ول بۇعان دەيىن بەسىنشى تۋر اياسىندا «كراسنودار» كومانداسىنا قارسى كەزدەسۋدە ويىننىڭ 54 مينۋتىندا الاڭعا شىققان بولاتىن.
بۇل كەزدەسۋ 3:0 ەسەبىمەن تسسكا-نىڭ پايداسىنا شەشىلدى. ويىننىڭ 11 مينۋتىندا – كونستانتين كۋچاەۆ, 88 مينۋتتا – كريستيان بيستروۆيچ, 90 مينۋتتا نيكولا ۆلاشيچ گول سوعىپ, تسسكا-نىڭ بيىلعى ماۋسىمداعى العاشقى ءىرى جەڭىسىنە قول جەتكىزدى.
6 ويىننان كەيىن 10 ۇپاي جيناعان تسسكا تۋرنير كەستەسىندە 10-ورىننان بىردەن 5-ورىنعا كوتەرىلدى.
