كەزدەسۋ بارىسىندا اكۋشەرلىك جانە گينەكولوگيا, پەدياتريا, كارديولوگيا, ونكولوگيا سياقتى نەگىزگى ماماندىقتار بويىنشا رەزيدەنتتەردى دايىنداۋ ءۇشىن جامبىل وبلىستىق كوپبەيىندى اۋرۋحاناسىنىڭ بازاسىندا اتالعان وقۋ ورنىنىڭ فيليالى اشىلاتىن بولدى. بەردىبەك ساپارباەۆ تاراز قالاسىندا رەزيدەنتتەردى دايىنداۋ كادر تاپشىلىعى ماسەلەسىن شەشۋگە كومەكتەسەتىنىن اتاپ ءوتتى. اكىم وڭىردەگى اۋداندار مەن اۋىلدارعا قاجەتتى مەديتسينا كادرلارىن دايىنداۋدىڭ ماڭىزدى ەكەنىن دە جەتكىزدى. تالعات نۇرعوجين اتالعان باستامانى قولدايتىنىن ءبىلدىرىپ, ۋنيۆەرسيتەتتىڭ وڭىردەگى فيليالىندا جۇمىس ىستەۋگە دايىن وقىتۋشىلاردىڭ جەتكىلىكتى رەزەرۆى بار ەكەنىن مالىمدەدى. بۇدان بولەك, اتالعان وقۋ ورنى جوعارى كۋرس ستۋدەنتتەرىن پراكتيكالىق داعدىلاردى يگەرۋ ءۇشىن وبلىستىق كوپبەيىندى اۋرۋحاناعا جىبەرە الادى. ال, ىنتالاندىرۋ ماقساتىندا جوعارى وقۋ ورنى ستۋدەنتتەر مەن جامبىل مەديتسينا قىزمەتكەرلەرىنە ەلەكتروندى عىلىمي كىتاپحانانى پايدالانۋعا مۇمكىندىك بەرەدى. سونىمەن قاتار, ۋنيۆەرسيتەت ايماقتاعى مەديتسينا قىزمەتكەرلەرىن يزرايل, ليتۆا, كورەيا مەملەكەتتەرىنىڭ جەتەكشى جوعارى وقۋ ورىندارىنا بىلىكتىلىگىن ارتتىرۋعا جىبەرۋگە دايىن. سونداي-اق, كوروناۆيرۋس ىندەتىنىڭ كۇتىلەتىن ەكىنشى تولقىنى مەن ماۋسىمدىق تۇماۋدىڭ تارالۋى كەزەڭىندە اتالعان مەديتسينالىق جوعارى وقۋ ورنىنىڭ پروفەسسورلىق-وقىتۋشىلىق قۇرامىنىڭ وبلىس تۇرعىندارىنا تاۋلىك بويى كەڭەس بەرۋى ءۇشىن call-ورتالىعى اشىلاتىن بولدى. سونىمەن قاتار, ۋنيۆەرسيتەت جامبىل وبلىسىنا انەستەزيولوگ-رەانيماتولوگ دارىگەرلەردى دە جىبەرەتىن بولىپ كەلىسىلدى.
جامبىل وبلىسى
