يادرولىق قارۋسىزدانۋعا قازاقستان قوسقان ۇلەس

كەشە مەملەكەت باسشىسى نۇرسۇلتان نازارباەۆ رەسەي پرەزيدەنتى دميتري مەدۆەدەۆپەن تەلەفون ارقىلى سويلەستى, دەپ حابارلادى قازاقستان رەسپۋبليكاسى پرەزيدەنتىنىڭ ءباسپاسوز قىزمەتى. نۇرسۇلتان نازارباەۆ دميتري مەدۆەدەۆتى تاريحي وقيعامەن – اقش-پەن ارادا ستراتەگيالىق شا­بۋىل­دىق قارۋ-جاراق تۋرالى جاڭا شارتقا قول قويىلۋىمەن قۇتتىق­تادى. ءوز كەزەگىندە رەسەي پرەزيدەنتى يادرولىق قارۋسىزدانۋ مەن تارات­پاۋ­دىڭ جاھاندىق ۇدەرىسىنە قوماق­تى ۇلەس قوسقان قازاقستاننىڭ ءرو­لىنە جوعارى باعا بەردى. اڭگىمە بارىسىندا مەملەكەت باسشىلارى قىرعىزستانداعى احۋال­دى دا تالقىلادى. تاراپتار بۇل ەل­دە­گى ىشكى ساياسي داعدارىستىڭ ازا­مات­تار اراسىندا كوپتەگەن قۇربان­دىق­تارعا اكەلىپ سوقتىرعانىنا الاڭداۋشىلىقتارىن ءبىلدىردى. مەملەكەتتىك بيلىكتىڭ بولماۋىن بۇزاقى-توناۋشىلار پايدالانۋدا. نۇرسۇلتان نازارباەۆ قازاقستان­نىڭ ەقىۇ-عا توراعا ەل رەتىندە بۇۇ حاتشىلىعىمەن تىعىز باي­لانىسا وتىرىپ, جاعدايدى جەدەل قالپىنا كەلتىرۋگە باعىتتالعان ءتيىستى شارالاردى قولعا الىپ جات­قانىن اتاپ ءوتتى. تاراپتار قان­تو­گىستى جانە كۇش قولدانۋدىڭ بارلىق ءتۇرىن مەيلىنشە تەز توقتاتۋ قاجەت­تىگىن اتاپ كورسەتىپ, قىرعىزستاننىڭ بۇكىل اۋماعىندا قۇقىقتىق ءتارتىپتى قالپىنا كەلتىرۋدى جاقتايتىن پىكىرلەرىن ءبىلدىردى.