ءبىر جىلدان بەرى نۇر-سۇلتاندا "جانۇيا" وتباسى ينستيتۋتىن قولداۋ ورتالىعى جۇمىس ىستەيدى. وندا ەلورداداعى وتباسىلار قۇقىقتىق, پسيحولوگيالىق جانە الەۋمەتتىك كومەك الا الادى. ورتالىق جۇمىس تابۋعا, كاسىپتىك وقۋدان وتۋگە, الەۋمەتتىك جانە تۇرعىن ءۇي باعدارلامالارى تۋرالى اقپارات الۋعا, سونداي-اق ولارعا قاتىسۋعا كومەكتەسەدى. ورتالىق ماماندارى بارلىق جەڭىلدىكتەردى الۋعا, قامقورشىلىقتى انىقتاۋعا قولداۋ كورسەتىپ, جاڭا كاسىپ اشۋدىڭ مۇمكىندىكتەرى تۋرالى مالىمەت بەرەدى.
اشىلعان كۇننەن باستاپ ورتالىققا 42 017 ساۋال بويىنشا 23 039 ءوتىنىش كەلىپ ءتۇستى. ادامدار قويعان سۇراقتاردىڭ كوپ بولىگى اتاۋلى الەۋمەتتىك كومەك – 22 620, مەملەكەتتىك جاردەماقى – 6 278 جانە تۇرعىن ءۇي – 3020 ماسەلەلەرىنە قاتىستى.
ورتالىقتا 12 مەملەكەتتىك ورگان مەن كۆازيمەملەكەتتىك سەكتور ۇيىمدارىنىڭ جۇمىسى ۇيىمداستىرىلعان. وندا "ازاماتتارعا ارنالعان ۇكىمەت" كەاق, جەكە سوت ورىنداۋشىلارىنىڭ وڭىرلىك پالاتاسى, قالا اكىمدىگىنىڭ اكىمشىلىگى, جۇمىسپەن قامتۋ ورتالىعى, تۇرعىن ءۇي قورى, تۇرعىن ءۇي قۇرىلىس جيناق بانكى, بىرىڭعاي جيناقتاۋشى زەينەتاقى قورى, الەۋمەتتىك مەديتسينالىق ساقتاندىرۋ قورى, "قازپوچتا" اق, قۇقىق قورعاۋ ورگاندارى جانە باسقا قۇرىلىمداردان كەڭەس الۋعا بولادى.
سونداي-اق "جانۇيا" ورتالىعىندا "كاسىپكەر انا" انالارعا ءوز بيزنەسىن دامىتۋعا قولداۋ كورسەتۋ ورتالىعى بار. كوپبالالى جانە از قامتىلعان وتباسىلار مۇندا ءوز بيزنەسىن نولدەن باستاۋدا قولداۋ تابا الادى. ول ءۇشىن بيزنەس قۇرۋ تاجىريبەسىمەن بولىسەتىن تابىستى ايەلدەرمەن Self Made موتيۆاتسيالىق بيزنەس-ترەنينگتەرى وتكىزىلەدى.
"جانۇيا" ورتالىعىنىڭ الاڭىندا نۇر-سۇلتان قالاسى اكىمىنىڭ قوعامدىق قابىلداۋى دا اشىلدى. ازاماتتاردى كەستە بويىنشا قابىلداۋدى اۋدان باسشىلارى, باسقارمالار مەن باسقا دا ۇيىمداردىڭ باسشىلارى جۇرگىزەدى. سونىمەن قاتار, ورتالىقتا رۋحاني قۇندىلىقتاردى دامىتۋعا, قايىرىمدىلىق كومەك كورسەتۋگە باعىتتالعان ءىس-شارالار, سونداي-اق كوپ بالالى انالارعا ارنالعان بوس ورىندار جارمەڭكەلەرى مەن سەمينار-ترەنينگتەر وتكىزىلەدى.
ەستەرىڭىزگە سالا كەتەيىك, "جانۇيا" وتباسى ينستيتۋتىن قولداۋ ورتالىعىنىڭ جۇمىسى 13 مامىردان باستاپ قايتا جانداندى. قابىلداۋ سانيتارلىق نورمالاردى ساقتاي وتىرىپ جۇزەگە اسىرىلادى. بۇل رەتتە ورتالىقتىڭ بارلىق قىزمەتتەرىن ونلاين رەجيمدە نەمەسە 57-87-00, 57-88-88 نومەرى ارقىلى الۋعا بولادى.
قازاقستانداعى جانە الەمدەگى سوڭعى جاڭالىقتاردى ءبىرىنشى بولىپ وقۋ ءۇشىن Telegram جەلىسىندە بىزگە جازىلىڭىز.
